اتر رەيتينگتە 49 ورىندا تۇرعان قازاقستاندىق تەننيسشى الەكساندر بۋبليك تۇركيانىڭ انتاليا قالاسىندا ءوتىپ جاتقان اتر ءتۋرنيرىنىڭ فينالىنا جولداما العان ەدى, دەپ حابارلايدى Egemen.kz.
جارتىلاي فينالدىق سايىستا جەرلەسىمىز الەمنىڭ 72 راكەتكاسى 33 جاستاعى فرانتسيانىڭ وكىلى جەرەمي شارديمەن كۇش سىناستى. 2 ساعات 5 مينۋتقا سوزىلعان بۇل باسەكەدە الەكساندردىڭ اسىعى الشىسىنان ءتۇستى. ەسەپ – 6:4, 6:7, 6:3. ونىڭ الدىندا ول ءۇش بىردەي يتاليالىق تەننيسشى – سالۆاتورە كارۋزو, تريستانا لامازينا جانە ماتتەو بەررەتتينيدەن باسىم تۇسكەن ەدى.
اقتىق سىندا بۋبليك اتر رەيتينگىندە 23 ورىندا تۇرعان اۋستراليالىق الەكس دە ميناۋرمەن شەبەرلىك بايقاستى. وكىنىشكە قاراي, الداعى ويىندا العان جاراقاتى سىر بەرىپ, جەرلەسىمىز كەزدەسۋدى جالعاستىرا المادى. جەتى مينۋتتان كەيىن ول كورتتان كەتتى. وسىلايشا, باس جۇلدە جاسىل قۇرلىقتىڭ وكىلىنە بۇيىردى.