ەلباسىنىڭ ءباسپاسوز قىزمەتىنىڭ Yoytube ارناسىندا نۇرسۇلتان نازارباەۆتىڭ «شتريحي ك پورترەتۋ» دەرەكتى ءفيلمىنىڭ ءۇشىنشى ءبولىمى جاريالاندى. دەرەكتى فيلمدە ەلباسى استانا اتاۋىن اۋىستىرۋعا قاتىستى پىكىر ءبىلدىردى دەپ حابارلايدى Egemen.kz ءتىلشىسى.
«پرەزيدەنت قىزمەتىندە بولعانىمدا مەن بۇعان ارقاشان قارسى بولىپ, تۇبەگەيلى تىيىم سالعانمىن. تاۋەلسىزدىكتىڭ ءار كۇنى نەمەسە مەنىڭ تۋعان كۇنىمدە مەنىڭ اتىمدى كوشەگە, مەكتەپكە بەرگىسى كەلگەندەر بولدى. مەن تامامداعان اباي مەكتەبىن مەنىڭ اتىما قالاي اۋىستىرۋعا بولادى؟ بۇل ءسوزسىز قاتە عوي. بۇعان تىيىم سالدىم. مۇنى بىلەسىزدەر. كەلىسىم بەرگەنىم - ۋنيۆەرسيتەت اتاۋى. بۇل ماڭىزدى, الەمگە قاراساڭىزدار, بارلىق ۋنيۆەرسيتەت سول وقۋ ورنىن كىم قالاسا سونىڭ اتىمەن اتالادى. يدەياسىن ايتىپ, نازارباەۆ ۋنيۆەرسيتەتىن قۇردىم. بىرىنشىدەن, سول جاققا تارتۋ ءۇشىن كەلىستىم, ەكىنشىدەن جاستار وقۋعا قىزىقسىن دەدىم. مەن كەلىسىم بەرگەن جالعىز نىسان وسى. قاتە جاساعان بولسام, ايىپتىمىن, مويىندايمىن», - دەدى نۇرسۇلتان نازارباەۆ «شتريحي ك پورترەتۋ» دەرەكتى ءفيلمىنىڭ ءۇشىنشى سەرياسىندا.⠀نازارباەۆتىڭ ايتۋىنشا, قالعان نىساندارعا ەسىمىن بەرۋ ونىڭ كەلىسىمىنسىز بولعان.⠀«تاۋەلسىزدىككە 25 جىل تولعان كەزدە دە پارلامەنت ەلوردانى نۇر-سۇلتان دەپ اتاۋ تۋرالى باستاما كوتەرگەن بولاتىن. بۇرىن قالا اقمولا دەپ اتالعان. استانانى حالىقارالىق دەڭگەيدە تانىستىرۋ مىندەتى تۇر ەدى. قوناقتاردى شاقىردىق. اقمولا دەپ اتاۋ تۋراسىندا دا ءارتۇرلى پىكىر بولعاندىقتان, ويىما ەلوردانى استانا دەپ اتاۋ تۋرالى يدەيا كەلدى. بۇل – جاڭاشىلدىق ەمەس. مىسالى, بەيجىڭ دەگەن ءسوز دە سولتۇستىك استانا دەگەندى بىلدىرەدى. سونداي مىسال كوپ. استانا دەگەن اتاۋ جاقسى ءسىڭىسىپ, ادامدار دا, الەم دە ۇيرەندى. ەستەرىڭىزدە بولسا, ۇلىقتاۋ راسىمىندە قاسىم-جومارت كەمەل ۇلى توقاەۆ ۇسىنىس جاسادى: وسى قالانى قۇرعان ادامعا, قۇرىلىسىنا ۇيىتقى بولعان ادامعا نۇر-استانا نەمەسە نۇر-سۇلتان دەپ قالا اتاۋىن وزگەرتەيىك دەپ ۇسىنىس جاسادى», - دەدى ول.⠀