Globe Soccer سايتى پورتۋگاليانىڭ ۇلتتىق قۇراماسى مەن ءتۋريننىڭ «يۋۆەنتۋس» كلۋبىنىڭ شابۋىلشىسى كريشتيانۋ رونالدۋدى ءححى عاسىردىڭ ەڭ ۇزدىك فۋتبولشىسى دەپ تانىدى, دەپ حابارلايدى Egemen.kz.
سپورتتىق كارەراسىن ليسسابوننىڭ «سپورتينگىندە» باستاعان پورتۋگاليالىق سۇرمەرگەن 2003-2009 جىلدار ارالىعىندا «مانچەستەر يۋنايتەدتە» ونەر كورسەتتى. ودان كەيىن 10 جىلعۋ جۋىق ۋاقىت ءمادريدتىڭ «رەالىندا» جاسىنداي جارقىرادى. ءدال سول كەزدەرى ول تولاعاي تابىستfرعا قول جەتكىزىپ, بەس رەت ەڭ ۇزدىك فۋتبولشىعا تيەسىلى «التىن دوپتى» يەلەندى.
بۇگىنگى تاڭدا 35 جاستاعى كريشتيانۋ رونالدۋ يتاليانىڭ ا سەرياسىندا اتاقتى «يۋۆەنتۋستىڭ» نامىسىن قورعاۋدا. تەڭبىل دوپتىڭ تەڭدەسسىزىن انىقتاۋ بارىسىندا ول ارگەنتينالىق ليونەل مەسسي مەن مىسىرلىق مۇحامەد سالاحتى باسىپ وزدى.
ءححى عاسىردىڭ ەڭ ۇزدىك جاتتىقتىرۋشىسى اتاعى «مانچەستەر ءسيتيدىڭ» باس باپكەرى حوسەپ گۆارديولاعا بۇيىرسا, «باۆاريانىڭ» جۇلدىزى روبەرت لەۆاندوۆسكي 2020 جىلدىڭ ەڭ ۇزدىك فۋتبولشىسى دەپ تانىلدى.