حالىقارالىق ءجۇزۋ فەدەراتسياسى (FINA) 2020 جىلى توكيودا الاۋى تۇتاناتىن وليمپيا ويىندارىنىڭ ىرىكتەۋ تۋرنيرىندە سۋ دوبىنان قاي كوماندالاردىڭ ءوزارا كۇش سىناساتىنىن جاريا ەتتى, دەپ حابارلايدى Egemen.kz
قازاقستاننىڭ ايەلدەر قۇراماسى ۆ توبىندا ونەر كورسەتەدى. قارسىلاستارىمىز – گرەكيا, ماجارستان جانە يزرايل. وسىلاردىڭ اراسىنداعى ەڭ ۇزدىگى – ماجارستاندىقتار. ولار الەم چەمپيوناتىندا ەكى رەت توپ جارىپ, ءبىر كۇمىس جانە ءبىر قولانى ولجالادى. ەۋروپا چەمپيوناتىندا 3 التىن, 5 كۇمىس جانە 5 قولانى يەلەندى. سوڭعى ءۇش وليمپيا ويىندارىندا ءتورتىنشى ورىنعا تابان تىرەدى. گرەكيالىقتار دا الەمدىك جانە قۇرلىقتىق دودالاردا جەڭىس تۇعىرىنا كوتەرىلگەن كوماندا.
ىرىكتەۋ ءتۋرنيرى كەلەسى جىلدىڭ 19-24 قاڭتار ارالىعىندا يتاليادا وتەدى. ال ا توبىنداعى باسەكەلەردە يتاليا, فرانتسيا جانە نيدەرلاند قۇرامالارى كۇش سىناسادى.