الماتىدا مانەرلەپ سىرعاناۋدان ءوتىپ جاتقان قازاقستان چەمپيوناتىنىڭ ايەلدەر اراسىنداعى قىسقا باعدارلاما سايىستارى اياقتالدى.
بۇل جاتتىعۋدا العاشقى كۇش ورىندى دا الماتىلىق ارۋلار يەلەندى. ءبىرىنشى ورىندا – ماريا گرەچانايا. كوش باستاعان سپورتشى قىز 53,11 ۇپايدى ولجالادى. ەكىنشى ورىندى اجار جۇماحانوۆا يەلەندى. اجاردىڭ قورجىنىندا – 46,70 ۇپاي. ءۇشىنشى ساتىعا اناستاسيا لوبانوۆا جايعاستى. ول 44,67 ۇپايدى ەنشىلەدى. ال ءتورتىنشى جانە بەسىنشى ورىندارعا نۇر-سۇلتان قالاسىنىڭ قوس وكىلى – نۇريا سۇلەيمەن (40,40 ۇپاي) مەن ياسيمن تەكيك (39,88 ۇپاي) تابان تىرەدى.