تاۋەلسىزدىك كۇنى قارساڭىندا دارىگەرلەر, مۇعالىمدەر, الەۋمەتتىك قىزمەتكەرلەر, ەڭبەك ارداگەرلەرى مەملەكەتتىك ناگرادالارعا يە بولدى. بۇل تۋرالى نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جازدى, دەپ حابارلايدى Egemen.kz.
«تاۋەلسىزدىك كۇنى قارساڭىندا دارىگەرلەر, مۇعالىمدەر, الەۋمەتتىك قىزمەتكەرلەر, ەڭبەك ارداگەرلەرى مەملەكەتتىك ناگرادالارعا يە بولدى. ولار ەلوردانىڭ كوشىرىلۋىنىڭ العاشقى جىلدارىندا حالىق سانىنىڭ جىلدام ءوسۋىن ەسكەرە وتىرىپ, قالانى جىلۋمەن, جارىقپەن جانە سۋمەن قامتاماسىز ەتتى. "پاراسات" وردەنىمەن مەديتسينانىڭ دامۋىنا زور ۇلەس قوسقان, ۇلتتىق نەيروحيرۋرگيا ورتالىعىندا كوروناۆيرۋستىڭ تارالۋىنا جول بەرمەۋ جونىندەگى شتابتىڭ جۇمىسىن ۇيىمداستىرعان م.شايداروۆ ماراپاتتالدى.
«قۇرمەت» وردەنىمەن - ءبىلىم بەرۋ, مەديتسينا, قۇرىلىس سالاسىنداعى ارداگەرلەر, «III دارەجەلى ەڭبەك داڭقى» وردەنىمەن ونداعان جىلدار بويى جەو, استانا-ەنەرگيا جانە ت. ب. ستراتەگيالىق وبەكتىلەردە ەڭبەك ەتكەن قىزمەتكەرلەر ماراپاتتالدى.
سونداي-اق, قالا مەن ەلدىڭ قالىپتاسۋى مەن دامۋىنا ۇلەس قوسقاندار «ەرەن ەڭبەگى ءۇشىن», «شاپاعات» مەملەكەتتىك مەدالدارىمەن جانە قۇرمەت گراموتالارىمەن ماراپاتتالدى.
كەلە جاتقان تاۋەلسىزدىك كۇنىمەن قۇتتىقتايمىن! زور دەنساۋلىق, وتباسىلارىڭىزعا اماندىق پەن تابىس تىلەيمىن!» دەپ جازدى التاي كولگىنوۆ.