№1 وبلىستىق بالالار ءۇيىنىڭ تاربيەلەنۋشىلەرى سپورت جۇلدىزىمەن بىرگە تاڭعى جاتتىعۋعا تۇردى, دەپ حابارلايدى Egemen.kz Polisia.kz سايتىنا سىلتەمە جاساپ.
«وتە جاقسى كەزدەسۋ, بالالاردىڭ كوزى جارقىراپ تۇردى. تازا اۋادا جاتتىعۋ جاساۋ بالالارعا ۇلكەن كۇش پەن قۋات بەردى. جاپپاي كونكي تەبۋ ولارعا كوپتەگەن جاعىمدى ەموتسيالار سىيلادى. كەيبىر ۇلدار مۇزعا العاش رەت شىقتى, سوندىقتان بۇل دەمالىس ۇمىتىلماس سەزىمدەر مەن قۋانىشتى قالدىردى», – دەدى قر ەڭبەك سىڭىرگەن سپورت شەبەرى, قازاقستاندىق جۇزگىش دميتري بالاندين.
كەزدەسۋ سوڭىندا بالالارعا ەستەلىك سىيلىقتار مەن سپورتتىق بۇيىمدار تابىستالدى. كەيبىر ۇلدار وزدەرىنىڭ بولاشاق جوسپارلارىمەن ءبولىسىپ, ءوز ومىرلەرىن كاسىبي سپورتپەن بايلانىستىرۋدى ارماندايتىندىقتارىن ايتتى.
پوليتسيا قىستا سالاۋاتتى ءومىر سالتىن ناسيحاتتاۋ شەڭبەرىندە اتالعان بالالار ءۇيىنىڭ تاربيەلەنۋشىلەرىنىڭ قاتىسۋىمەن بىرقاتار باسقا ءىس-شارالار جوسپارلانعانىن ايتىپ ءوتتى. وسى بالالار ءۇيى الماتى قالاسى پد-نىڭ قامقورلىعىندا.