ۇلتتىق مەرەكە قارساڭىندا اقوردادا, ەل پرەزيدەنتى – قارۋلى كۇشتەردىڭ جوعارعى باس قولباسشىسى اسكەري-تەڭىز كۇشتەرىنىڭ باس قولباسشىسى كونتر-ادميرال ساكەن بەكجانوۆتى ءىى-ءشى دارەجەلى «داڭق» وردەنىمەن, اۆيابازا كومانديرىنىڭ ورىنباسارى پودپولكوۆنيك يۆان گاۆريلكونى ءىى-ءشى دارەجەلى «ايبىن» وردەنىمەن ماراپاتتادى. ەل پرەزيدەنتىنىڭ جارلىعىمەن قارۋلى كۇشتەردە بارلىعى 45 اسكەري قىزمەتشى ناگرادتالدى, دەپ حابارلايدى Egemen.kz.
قورعانىس مينيسترلىگىندە تاۋەلسىزدىك كۇنىنە ارنالعان ونلاين فورماتتا سالتاناتتى جينالىس ءوتتى.
«ەلباسىنىڭ ستراتەگيالىق شەبەرلىگىنىڭ, كورەگەندى دە سىڭدارلى ساياساتى مەن پاراساتتىلىعىنىڭ ارقاسىندا قازاقستان وڭىردەگى ەڭ تۇراقتى ەل بولىپ قالىپتاستى. قازاقستان رەسپۋبليكاسىنىڭ پرەزيدەنتى – قارۋلى كۇشتەردىڭ جوعارعى باس قولباسشىسى قاسىم-جومارت كەمەل ۇلى توقاەۆتىڭ باسشىلىعىمەن ەلىمىزدىڭ قورعانىس قابىلەتى ۇدايى نىعايۋدا», - دەپ ءوز سوزىندە قورعانىس ءمينيسترى گەنەرال-لەيتەنانت نۇرلان ەرمەكباەۆ اتاپ ءوتتى.
قورعانىس مينيسترىمەن وتكەن سالتاناتتى جينالىس بارىسىندا كوزگە تۇسكەن اسكەري قىزمەتشىلەرگە مەملەكەتتىك ناگرادالار تابىس ەتىلدى. جوعارى كورسەتكىشتەرى مەن ۇلگىلى قىزمەتى ءۇشىن قورعانىس ءمينيسترىنىڭ بۇيرىعىمەن 14 وفيتسەرگە مەرزىمىنەن تىس اسكەري اتاقتار بەرىلدى.
2019 جىلدان بەرى وتكىزىلىپ, اسكەرلەردە ۇلكەن تانىمالدىققا يە بولعان جانە وزدەرىنىڭ كاسىبي شەبەرلىكتەرىن جەتىلدىرۋدە اسكەري قىزمەتشىلەرگە جىگەرلەندىرەتىن «اسكەر تارلانى» كونكۋرسىنىڭ قورىتىندىسى شىعارىلدى.
اتالعان كونكۋرستىڭ قورىتىندىسى بويىنشا ماماندىقتار بويىنشا 24 ۇزدىك اسكەري قىزمەتشىگە ەستەلىك مۇسىندەر, ديپلومدار مەن اقشالاي سىيلىقتار تابىس ەتىلدى.
قورعانىس ۆەدومستۆوسىنىڭ باسشىسى قارۋلى كۇشتەردىڭ 2020 جىلعى تىنىس-تىرشىلىگىنىڭ جوعارى ناتيجەلەرىن اتاپ ءوتتى. كوروناۆيرۋستىق ينفەكتسياسىنان تۋىنداعان پاندەمياسىنا قارسى ءىس-شارالارعا بەلسەندى قاتىسۋمەن قاتار, ارميا قارقىندى دامۋىن جالعاستىرۋدا.
اۋە شابۋىلىنا قارسى قورعانىستىڭ, راديوەلەكتروندىق كۇرەستىڭ, اسكەري-كولىك اۆياتسياسىنىڭ قازىرگى زامانعى قۇرالدارىمەن جاراقتاندىرۋ ىسكە اسىرىلۋدا. اسكەرگە جاڭا قارۋ-جاراق كەلىپ تۇسۋدە, قولدانىستاعى اسكەري تەحنيكاعا كۇردەلى جوندەۋ جانە جاڭارتۋ جۇرگىزىلەدى.
قازىرگى قارۋلى قاقتىعىستاردىڭ تاجىريبەسىن زەردەلەۋ نەگىزىندە اسكەرلەردى دايارلاۋ كومپونەنتتەرى جەتىلدىرىلەدى. ارنايى وپەراتسيالار كۇشتەرىن دامىتۋ ماسەلەلەرى باستى نازاردا. وقىتۋ باعدارلاماسىنا ارميالىق تاكتيكالىق اتىس ەنگىزىلدى, ارميالىق قويان-قولتىق ۇرىس بويىنشا ساباقتارمەن قامتۋ كەڭەيتىلدى.
اسكەري عىلىم مەن راتسيوناليزاتورلىق جۇمىس جەتىلدىرىلەدى. اسكەري ماماندار دروندارعا قارسى قارۋدىڭ, ۇشقىشسىز ۇشۋ اپپاراتتارىنىڭ, وقۋ ترەناجەرلارىنىڭ ۇلگىلەرىن ازىرلەدى.
سىبايلاس جەمقورلىققا قارسى كۇرەستە قولدانعان جۇيەلى شارالار بيۋدجەت قاراجاتىن ءىرى كولەمدە قىمقىرۋعا جول بەرمەۋگە, جەمقورلىقپەن قۇقىق بۇزۋشىلىقتار سانىنىڭ جانە سول سەبەپتى سوتتالعان اسكەري قىزمەتشىلەردىڭ ىڭ ازايۋىنا مۇمكىندىك بەردى.
اسكەري قىزمەتشىلەردى تاربيەلەۋ پروتسەسىنە ولاردىڭ تىنىس-تىرشىلىگىنىڭ بارلىق سالالارىن قامتيتىن سيتۋاتسيالىق كەيستەرى بار 50 وقۋ ءمودۋلى ەنگىزىلگەن.
كومانديرلەردىڭ دەربەستىگى مەن باستامالارىن كوتەرمەلەۋ, اسكەري قىزمەتشىلەردىڭ مورالدىق-پسيحولوگيالىق جاي-كۇيىن ارتتىرۋ بويىنشا شارالار قابىلداندى. بۇگىندە ءاربىر جاۋىنگەر وزىنەن نە تالاپ ەتىلەتىنىن جاقسى ءتۇسىنىپ, ءوزىنىڭ كاسىبي دەڭگەيىن ارتتىرۋ ءۇشىن سانالى تۇردە جۇمىس ىستەيدى.