ەرىكتىلەر جىلى اياسىندا نۇر-سۇلتان قالاسى اكىمدىگىنىڭ «استانا جاستارى» كوممۋنالدىق مەملەكەتتىك مەكەمەسىنىڭ قولداۋىمەن نۇر-سۇلتان قالاسىنىڭ جاستارى اراسىندا ءسۋيتسيدتىڭ الدىن الۋ بويىنشا ءىس-شارالار كەشەنى بولىپ ءوتتى, دەپ حابارلايدى Egemen.kz.
جوبا شەڭبەرىندە اتا-انالارعا پەداگوگيكالىق قۇزىرەتتىلىكتى جانە وتباسىلىق تاربيەنى جەتىلدىرۋ, 8-11 سىنىپ وقۋشىلارى, ورتا ءبىلىم بەرۋ مەكەمەلەرى مەن جوعارى وقۋ ورىندارىنىڭ ستۋدەنتتەرى اراسىندا قاۋىپسىز مىنەز-ق ۇلىق مادەنيەتىن قالىپتاستىرۋ, زورلىق-زومبىلىقتىڭ الدىن-الۋ جانە ولاردىڭ اراسىندا ءسۋيتسيدتىڭ الدىن-الۋ بويىنشا ترەنينگتەر ۇيىمداستىرىلدى.
ء«بىزدىڭ باستى ماقساتىمىز - ەلىمىزدىڭ بولاشاعى جاستاردى دۇرىس باعىتتا تاربيەلەۋ, جاستار اراسىندا ءسۋيتسيدتىڭ الدىن الۋ, قوعامعا وسى ماسەلەلەردىڭ ماڭىزدىلىعى تۋرالى ءبىلىم بەرۋ جانە قاجەتتى اقپارات بەرۋ. جوبانىڭ ماقساتتى اۋديتورياسى جاستار مەن جاسوسپىرىمدەر ەكەندىگىنە قاراماستان, ءبىز بىرقاتار ءىس-شارالار شەڭبەرىندە اتا-انالارمەن ونلاين-ترەنينگتەر وتكىزدىك, سوندىقتان, ەڭ الدىمەن, ولار ءوز وتباسىلارىنداعى جاستارعا باسشىلىق جاسايدى جانە قولدايدى», - دەدى «استانا جاستارى» كمم باسشىسىنىڭ ورىنباسارى ايان ەرمەنتاەۆ.
مەكتەپ وقۋشىلارىنىڭ, جوعارى وقۋ ورىندارى مەن كوللەدجدەردىڭ ستۋدەنتتەرىنىڭ بوس ۋاقىتىن ۇيىمداستىرۋ ماقساتىندا پلوگينگتەر; قار شىعارۋ جۇمىستارى جۇرگىزىلەدى. ينتەرنەت كەڭىستىگىندە ەلدىڭ تانىمال سپورتشىلارى, جاستارى مەن ەرىكتىلەرى اراسىندا سپورتتىق چەللەندج باستالدى. چەللەندجدى قازاقستانداعى «Street workout» قوزعالىسىنىڭ نەگىزىن قالاۋشى ايتىم جاقىپوۆ پەن پاراليمپياداشى, ۆولەيبولدان قازاقستان جاستار قۇراماسىنىڭ ەكس-كاپيتانى سەرىك ەسماتوۆ باستادى.
«ستاتيستيكا سۋيتسيدكە جاقىن جاستاردىڭ بوس ۋاقىتىندا قاتتى كۇيزەلىسكە ۇشىراپ, ءتۇرلى ويلارعا باتاتىندىعىن كورسەتەدى. وسىنداي جاعدايلاردى بولدىرماۋ جانە جاستاردىڭ بوس ۋاقىتىن ءتيىمدى وتكىزۋى ءۇشىن, چەللەندج كەزىندە ءار سپورتشى جاستاردى تارتۋ ماقساتىندا ءوز سپورتىنىڭ شاعىن پرەزەنتاتسياسى رەتىندە بەينەروليك ءتۇسىردى», - دەلىنگەن حابارلامادا.
سونداي-اق شارا بارىسىندا بەينەروليكتەر بايقاۋى وتكىزىلدى. قازىلار القاسىنىڭ شەشىمىمەن 3 ۇزدىك جوبا تاڭدالدى, ولاردىڭ جەڭىمپازدارى «استانا جاستارى» كمم Instagram-داعى @astana_jastary رەسمي پاراقشاسىندا داۋىس بەرۋ ارقىلى انىقتالدى. بايقاۋ جەڭىمپازدارى سىيلىقتارمەن ماراپاتتالدى.
ءىس-شارالار كەشەنىن قورىتىندىلاۋ جانە بايقاۋ جەڭىمپازدارىن ماراپاتتاۋ 14 جەلتوقساندا ءوتتى. سالتاناتتى شارانىڭ قوناقتارى پراكتيكالىق پسيحولوگ, سۋيتسيدولوگ, پسيحوتەراپەۆت, قازاقستان پسيحولوگتار وداعىنىڭ مۇشەسى, «اتامەكەن» ۇكپ «باستاۋ بيزنەس» پسيحولوگى ناتاليا سىچۋگوۆا جانە قازاقستانداعى «Street workout» قوزعالىسىنىڭ نەگىزىن قالاۋشى ايتىم جاقىپوۆ, سونىمەن قاتار پد جپقب يۋۆەنالدى پوليتسيا ءبولىمىنىڭ باسشىسى نەلليا نۋرۋللاەۆنا قاتىستى.