بۇگىن قازاقستان پرەزيدەنتى قاسىم-جومارت توقاەۆ ەكونوميكالىق ىنتىماقتاستىق جانە دامۋ ۇيىمى كونۆەنتسياسىنىڭ قابىلدانعانىنا 60 جىل تولۋىنا وراي ەىدۇ-عا مۇشە مەملەكەت جانە ۇكىمەت باسشىلارىنىڭ, ەو مەن كوستا-ريكا باسشىلارىنىڭ قاتىسۋىمەن ءوتىپ جاتقان ونلاين فورۋمىندا بەينە ۇندەۋ جاسادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, دەپ حابارلايدى Egemen.kz.
ء«ىس-شارا 15 جەلتوقسانعا دەيىن جالعاسادى. فورۋمدى فرانتسيا پرەزيدەنتى ەممانۋەل ماكرون, يسپانيا پرەمەر-ءمينيسترى پەدرو سانچەس جانە ەىدۇ باس حاتشىسى انحەل گۋرريا بىرلەسىپ وتكىزىپ وتىر. ءىس-شارادا الەمدىك ەكونوميكانىڭ جاي-كۇيى, ۇزاق مەرزىمدى ۇردىستەر جانە ەىدۇ-نىڭ «جاقسى ءومىر ءۇشىن جاقسى ساياسات» ۇستانىمىن قالىپتاستىرۋعا قوسقان ناقتى ۇلەسى قورىتىندىلانادى.
مەملەكەت باسشىسى ءوزىنىڭ بەينە ۇندەۋىندە قازاقستان مەن ەكونوميكالىق ىنتىماقتاستىق جانە دامۋ ۇيىمى اراسىنداعى ءوزارا ءىس-قيمىلدىڭ نەگىزگى باعىتتارى مەن باسىمدىقتارى جايىندا ايتتى», دەپ جازدى ب. ءۋالي.