ەلوردادا تۇرمىستىق باللونداردى پايدالانۋ تالاپتارىن ساقتاۋ بويىنشا ۆەدومستۆوارالىق توپ جۇمىسىن جالعاستىرۋدا. وسىعان دەيىن تجد, تۇرعىن ءۇي ينسپەكتسياسى, ونەركاسىپتىك قاۋىپسىزدىك جانە پوليتسيا قىزمەتكەرلەرىنەن قۇرالعان ماماندار 147 ءتۇرلى سۋبەكتىلەردە نۇسقاۋلىق وتكىزدى. ونىڭ ىشىندە 125 قوعامدىق تاماقتانۋ نىسانى, 11 اگقس, 5 باراق ۇلگىسىندەگى ءۇي, 6 جاتاقحانا بار. سونداي-اق ساۋدا ۇيلەرى مەن بازارلار يەلەرىنە Zoom ارقىلى سەمينار وتكىزىلدى, دەپ حابارلايدى Egemen.kz.
«ەگەر اۋداندار ءبولىپ الاتىن بولساق, بايقوڭىر اۋدانى بويىنشا - 46 قوعامدىق تاماقتانۋ وبەكتىسى, ەسىل اۋدانى بويىنشا - 21, سارىارقا اۋدانى بويىنشا - 30 قوعامدىق تاماقتانۋ وبەكتىسى, الماتى اۋدانى بويىنشا - 28 قوعامدىق تاماقتانۋ وبەكتىسى جانە ءتورت جاتاقحانا. مىسالى, شۇبار شاعىن اۋدانىندا - «جيراف», «دجەكي چان», «سايانۇر» بازارىندا, «ارتەم»ساۋدا ءۇيى بويىنشا جۇمىستار جۇرگىزىلدى. 147 نىساننىڭ شامامەن 30% -ى ەلەكتر ەنەرگياسىنا كوشتى», – دەپ اتاپ ءوتتى بريفينگتە نۇر-سۇلتان قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارما باسشىسىنىڭ ورىنباسارى دارحان قۇلباەۆ.
سونىمەن قاتار ازاماتتار تالاپ بۇزۋ فاكتىسىن كورسەتە وتىرىپ, جازباشا ءوتىنىش بەرگەن جاعدايدا, تۇرعىن ءۇي ينسپەكتسياسىنىڭ قىزمەتكەرلەرى اكىمشىلىك شارالار قولدانا وتىرىپ, قر كاسىپكەرلىك كودەكسىنە سايكەس تەكسەرۋ شارالارىن ۇيىمداستىراتىن بولادى. گازدى پايدالانۋ, گازبەن جابدىقتاۋ جۇيەلەرى وبەكتىلەرىن پايدالانۋ قاۋىپسىزدىگى جونىندەگى تالاپتاردى بۇزعانى ءۇشىن:جەكە تۇلعالارعا – 7 اەك,شاعىن كاسىپكەرلىك سۋبەكتىلەرگە – 10 اەك;ورتا كاسىپكەرلىك سۋبەكتىلەرگە – 15 اەك;ىرى كاسىپكەرلىك سۋبەكتىلەرگە – 20 اەك كولەمىندە ايىپپۇل سالىنادى.
ەستەرىڭىزگە سالا كەتەيىك, 21 قاراشادا نۇر-سۇلتانداعى كافەلەردىڭ بىرىندە گاز باللونى جارىلعاننان كەيىن, ەلوردا اكىمى تۇرمىستىق جانە كوممۋنالدىق-تۇرمىستىق تۇتىنۋشىلاردى گازبەن جابدىقتاۋ جۇيەلەرىن قاۋىپسىز پايدالانۋ تالاپتارىن ساقتاۋ ءۇشىن ۆەدومستۆوارالىق جۇمىس توبىن قۇرۋدى تاپسىردى. وعان بارلىق مۇددەلى مەملەكەتتىك ورگاندار مەن قۇقىق قورعاۋ قىزمەتى ەنگىزىلدى. وسى باعىت بويىنشا جۇمىس تۇراقتى جۇرگىزىلىپ كەلەدى.