سەناتتىڭ الەۋمەتتىك-مادەني دامۋ جانە عىلىم كوميتەتىندە مۇرات باقتيار ۇلىنىڭ توراعالىق ەتۋىمەن كەڭەيتىلگەن وتىرىس بولدى. وندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى, دەپ حابارلايدى Egemen.kz.
زاڭ جوباسى مەملەكەتتىك اقپارات ساياساتىنىڭ تۇتاس كورىنىسىن قالىپتاستىرۋعا, بارلىق دەڭگەيدەگى مەديا-جوسپارلاۋ تاسىلدەرىن ۇندەستىرۋگە, سونداي-اق ازاماتتاردىڭ اقپاراتقا قول جەتكىزۋىن كەڭەيتۋگە باعىتتالعان.
سەناتور نۇرتورە ءجۇسىپ ءوز سوزىندە زاڭ جوباسىن قابىلداۋ مەملەكەت پەن قوعام اراسىنداعى بايلانىس ءۇشىن قولدانىستاعى بايلانىس ارنالارىن ءتيىمدى پايدالانۋعا, اقپاراتقا قول جەتكىزۋ سالاسىنداعى زاڭنامانى ۇيلەستىرۋدىڭ وڭتايلى تەتىكتەرىن قالىپتاستىرۋعا, اقپاراتقا قول جەتكىزۋ تۋرالى زاڭناماداعى قۇقىقتىق ولقىلىقتار مەن كەمشىلىكتەردى جويۋعا مۇمكىندىك بەرەتىنىن اتاپ ءوتتى.
زاڭ جوباسى پالاتانىڭ قاراۋىنا جىبەرىلدى.