مەيىرىمدىلىك – جانىڭ سۋساعاندا كوڭىلىڭە نۇر قۇيار ساۋلە. جاي عانا جارىق ەمەس, ءۇمىت شامشىراعى. قۇلاعانعا دەمەۋ بولىپ, مۇقتاج جانعا جاقسىلىق جاساعاننان ارتىق نە بار بۇل ومىردە؟! ءسۇيىنىشتىسى سول, سول قۇندىلىقتى شىن پەيىلىمەن سىيلاپ جۇرگەن جاناشىر جاندار ورتامىزدا بارشىلىق.
مەيىرىمدىلىك – جانىڭ سۋساعاندا كوڭىلىڭە نۇر قۇيار ساۋلە. جاي عانا جارىق ەمەس, ءۇمىت شامشىراعى. قۇلاعانعا دەمەۋ بولىپ, مۇقتاج جانعا جاقسىلىق جاساعاننان ارتىق نە بار بۇل ومىردە؟! ءسۇيىنىشتىسى سول, سول قۇندىلىقتى شىن پەيىلىمەن سىيلاپ جۇرگەن جاناشىر جاندار ورتامىزدا بارشىلىق.
سونىڭ ءبىر ايعاعى وسىدان بەس جىل بۇرىن سارا الپىسقىزىنىڭ تىكەلەي ۇيىتقى بولۋىمەن ومىرگە كەلگەن «ريزاشىلىق» كۇنى. بۇل ءداستۇر بيىل دا ءوز جالعاسىن تاپتى. وسى ريزاشىلىق مەرەكەسىنە وراي استانا قالالىق بالالار ۇيىندە مەرەكەلىك شارا ءوتتى. «اسسم» مەن «BI گرۋپپ» كومپانيالارى دەمەۋشىلىك ەتىپ, بالالارعا اسحانا بولمەسى مەن ويىن الاڭىن سىيعا تارتتى. كومپانيا وكىلدەرى باس دارىگەر گۇلنار ەرەجەقىزىنا سالتاناتتى تۇردە بولمە كىلتتەرىن ۇسىندى.
شاراعا بالالاردى قورعاۋ دەپارتامەنتىنىڭ وكىلدەرى, لاتۆيا, ەستونيا, چەحيا, تاجىكستان, ۋكراينا ەلدەرىنەن كەلگەن قوناقتار قاتىستى. شارانىڭ نەگىزگى ۇيىمداستىرۋشىلارى – استانا قالالىق بالالار ءۇيى جانە ەۋرازيا ۇلتتىق ۋنيۆەرسيتەتىنىڭ «سەنىم» ۇيىمىنىڭ ستۋدەنتتەرى. بۇگىنگى جاستارىمىزدىڭ مۇنداي قوعامدىق ءارى ادامگەرشىلىك باعىتتاعى شارالارعا بەلسەنە ارالاسۋى كوڭىل قۋانتتى. «سەنىم» ۇيىمىنىڭ مۇشەلەرى ءبىر اي بويى اتالعان بالالار ۇيىنە كەلىپ, كىشكەنتاي عانا بۇلدىرشىندەرمەن جاقسى قارىم-قاتىناس ورناتقان ەكەن. تۋعاننان ءتورت جاسقا دەيىنگى بالالار تاربيەلەنەتىن بالالار ءۇيى مەيىرىم شۋاعىنا تولى. ءۇيدىڭ ءار بۇرىشىندا جاقسىلىق نۇرى توگىلىپ تۇرادى. ايتسە دە, ولارعا جان جىلۋى كەرەك-اق! وسىنى كوزدەگەن ۇيىم مۇشەلەرى بۇلدىرشىندەردىڭ كوڭىلىن كوتەرۋگە بار كۇشتەرىن سالدى.
بۇل كۇنى بالالارعا كلوۋندار مەن تسيرك ونەرپازدارى ونەر كورسەتىپ, ارقايسىسىنىڭ كوڭىلىن كوتەردى. ءبىر ايتارىمىز, جەتىمىن جىلاتپاعان حالىقپىز عوي, مۇنداي شارالار تەك اتاۋلى كۇندەردە عانا ەمەس, جۇيەلى ۇيىمداستىرىلسا, نۇر ۇستىنە نۇر بولار ەدى.
كامشات جۇباتحانوۆا,
ەۋرازيا ۇلتتىق ۋنيۆەرسيتەتىنىڭ 1-كۋرس ستۋدەنتى.