كەشە پرەمەر-مينيستر سەرىك احمەتوۆ استانا قالاسىنداعى مامانداندىرىلعان حالىققا قىزمەت كورسەتۋ ورتالىعىندا بولدى. بۇل ورتالىق مەملەكەت باسشىسىنىڭ تاپسىرماسىنا وراي قىركۇيەك ايىندا قاناتقاقتى رەجىمدە ىسكە قوسىلعان ەدى.
كەشە پرەمەر-مينيستر سەرىك احمەتوۆ استانا قالاسىنداعى مامانداندىرىلعان حالىققا قىزمەت كورسەتۋ ورتالىعىندا بولدى. بۇل ورتالىق مەملەكەت باسشىسىنىڭ تاپسىرماسىنا وراي قىركۇيەك ايىندا قاناتقاقتى رەجىمدە ىسكە قوسىلعان ەدى.
مامانداندىرىلعان كەشەندى ورتالىقتا ۇكىمەت باسشىسىن كولىك جانە كوممۋنيكاتسيا ءمينيسترى ا.جۇماعاليەۆ, ىشكى ىستەر ءمينيسترى ق.قاسىموۆ جانە استانا قالاسىنىڭ اكىمى ي.تاسماعامبەتوۆ قارسى الىپ, ورتالىقتىڭ قىزمەتىمەن جانە اۋلاداعى جەڭىل جانە اۋىر جۇك كولىكتەرىن تەكسەرۋدەن وتكەرۋگە ارنالعان ەكى بىردەي اڭعارمەن, سونداي-اق, كولىكتى جۇرگىزىپ كورۋگە جاسالعان اۆتودروممەن تانىستىردى. س.احمەتوۆ كەشەندى ارالاپ, ونداعى ينسپەكتورلاردىڭ قىزمەتىن ءوز كوزىمەن كوردى.
ورتالىق ءبىر كۇندە 600-دەن 1200 ادامعا دەيىن قىزمەت كورسەتە الادى. ونىڭ جالپى اۋماعى 2770 شارشى مەتر جەردى الىپ جاتىر. كەشەندى قىزمەت كورسەتۋ ورنىندا اۆتوكولىك قۇرالدارى تىركەلەدى جانە جۇرگىزۋشى كۋالىكتەرى بەرىلەدى. استانالىقتار وسى ورتالىقتا اۆتوكولىكتى جۇرگىزۋ قۇقىعىنا ەمتيحان تاپسىرىپ, ونى ەكى ساعات كولەمىندە الىپ ۇلگەرەدى. ال اۆتوكولىگىڭىزدى استانا قالاسىنا تىركەتۋگە بار-جوعى ءبىر جارىم ساعات قانا ۋاقىت كەرەك. وسى قىزمەتتەردى جەدەلدەتۋ ماقساتىندا بيزنەس ۇدەرىستەردىڭ اۆتوماتتاندىرىلۋى ناتيجەسىندە دەرەكتەر قورى جانە مەملەكەتتىك ورگانداردىڭ اقپاراتتىق جۇيەلەرى وسى ورتالىققا شوعىرلاندىرىلعان.
ورتالىق قىزمەتكەرلەرىنىڭ ايتۋىنا قاراعاندا, وسى قىزمەتتەردى كورسەتۋگە بۇرىنعى كەزدە التى ساعاتتاي, ءتىپتى, كەيدە ودان دا كوپ ۋاقىت كەتەتىن. ال قازىرگى ۋاقىتقا دەيىن اتالعان كەشەندى ورتالىقتا 3700-گە جۋىق جۇرگىزۋشى كۋالىگى بەرىلىپ, 17 مىڭنان استام اۆتوكولىك قۇرالدارى تىركەلىپ ۇلگەرىپتى. ءدال وسىنداي مامانداندىرىلعان حالىققا قىزمەت كورسەتۋ ورتالىعى بۇگىنگى تاڭدا الماتى, قاراعاندى جانە اقتاۋ قالالارىندا جۇمىس ىستەپ تۇر. بۇيىرتسا, جىل سوڭىنا دەيىن تاراز قالاسىنداعى ءبولىم دە ءوز قىزمەتىن باستايتىن كورىنەدى.
كەشەندى ورتالىقپەن تولىق تانىسىپ شىققان ۇكىمەت باسشىسى مەملەكەتتىك ءتيىستى ورگان قىزمەتكەرلەرىنە بىرقاتار تاپسىرمالار جۇكتەدى.
شارا سوڭىندا كولىك جانە كوممۋنيكاتسيا ۆيتسە-ءمينيسترى س.سارسەنوۆ جۋرناليستەردىڭ بىرقاتار سۇراقتارىنا جاۋاپ بەردى. «مەملەكەت باسشىسىنىڭ تاپسىرماسىمەن قاناتقاقتى رەجىمدە جۇزەگە اسىرىلعان بۇل جوبانى ۇكىمەت باسشىسى جاقسى باعالادى. ەندى ەلدەگى بارلىق ءىرى قالالاردا وسىنداي ورتالىقتار اشىلىپ, حالىققا قىزمەت كورسەتەتىن بولادى. ال استانا قالاسىنا وسى ءبىر كەشەندى ورتالىق جەتكىلىكتى دەگەن ويدامىز», دەدى ۆيتسە-مينيستر. ورتالىقتىڭ نەگە قالانىڭ شالعاي شەتىنە ورىن تەپكەنى تۋرالى سۇراق قويىلدى. ونىڭ ايتۋىنا قاراعاندا, ەگەر ورتالىق ەلوردانىڭ ورتالىق اۋداندارىنا ورنالاسقاندا, بىرىنشىدەن, ۇلكەن جەر كولەمىن الار ەدى. ەكىنشىدەن, قالا ىشىندەگى اۆتوكولىك كەپتەلەكتەرىن بۇرىنعىدان دا كۇردەلەندىرە ءتۇسۋى ىقتيمال ەكەن.
نۇرباي ەلمۇراتوۆ,
«ەگەمەن قازاقستان».