ەلباسى ۇكىمەتتىڭ كەڭەيتىلگەن وتىرىسىندا بيۋدجەتتىك باعدارلامالاردىڭ ورىندالماۋىنىڭ جانە ولاردىڭ تيىمسىزدىگىنىڭ نەگىزگى سەبەبىن مەملەكەتتىك ساتىپ الۋ جۇيەسىندەگى ولقىلىقتارمەن بايلانىستىرعان بولاتىن. تومەندەگى ماقالادا ءبىر سالانىڭ جۇمىسىن تالداۋ ارقىلى جالپىعا ورتاق ءتۇيىندى جايتتار اڭگىمەلەن ەدى.
ەلباسى ۇكىمەتتىڭ كەڭەيتىلگەن وتىرىسىندا بيۋدجەتتىك باعدارلامالاردىڭ ورىندالماۋىنىڭ جانە ولاردىڭ تيىمسىزدىگىنىڭ نەگىزگى سەبەبىن مەملەكەتتىك ساتىپ الۋ جۇيەسىندەگى ولقىلىقتارمەن بايلانىستىرعان بولاتىن. تومەندەگى ماقالادا ءبىر سالانىڭ جۇمىسىن تالداۋ ارقىلى جالپىعا ورتاق ءتۇيىندى جايتتار اڭگىمەلەن ەدى.
وبلىستىق تەكسەرۋ كوميسسياسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىمەن بىرلەسە وتىرىپ وبلىستىق دەنساۋلىق ساقتاۋ باسقارماسىنداعى بيىلعى جەرگىلىكتى بيۋدجەت قاراجاتىن جانە رەسپۋبليكالىق بيۋدجەتتەن بولىنگەن نىسانالى ترانسفەرتتەردى پايدالانۋ تيىمدىلىگىنە باقىلاۋ جۇرگىزدى. ونىڭ قورىتىندىسى بويىنشا 14 568,7 ميلليون تەڭگەنىڭ ءتۇرلى زاڭ بۇرمالاۋشىلىقتارى انىقتالدى. بۇل كورسەتكىش باقىلاۋمەن قامتىلعان جالپى سومانىڭ 42 پايىزىن قۇرايدى. وسى كەزەڭدە كەپىلدى تەگىن مەديتسينالىق قىزمەت كورسەتەتىن ۇيىمدار 13 512,6 ميلليون تەڭگەنىڭ مەديتسينالىق كومەكتىڭ ساپاسى مەن كولەمىن باقىلاۋدىڭ ناتيجەلەرىن ەسكەرمەستەن جۇزەگە اسىرعانى بەلگىلى بولدى. ال, جەكەلەگەن كەلىسىمدەر بويىنشا تۋرا جانە تۇپكىلىكتى كورسەتكىشتەر كولەمىنە تولىق قول جەتكىزىلمەگەن, ءسويتىپ 335 ميلليون تەڭگەنىڭ ترانسفەرتتەرى يگەرىلمەگەن. 279,9 ميلليون تەڭگەنىڭ مەديتسينالىق قۇرال-جابدىقتارى قوعام يگىلىگىنە ءتيىمدى پايدالانىلماعان. ماسەلەن, «كارديولوگيالىق ورتالىق» كمك-دە 255,5 ميلليون تەڭگەگە ساتىپ الىنعان انگيوگرافيالىق رەنتگەن اپپاراتى ورناتىلماعان. دەنساۋلىق ساقتاۋ ۇيىمدارى مەن «كازمەدپريبور» جشس اراسىندا جىلجىمالى مەديتسينالىق كەشەن ساتىپ الۋعا جاسالعان شارتتار كەشىكتىرىلگەن. جابدىقتاۋشىلار جەتكىزگەن جىلجىمالى مەديتسينالىق كەشەندەر تەحنيكالىق بەيىندەرىندە كورسەتىلگەن تەحنيكالىق جاعدايلارعا سايكەس كەلمەۋى سەبەپتى كەلتىرىلگەن زالال 241,6 ميلليون تەڭگەنى قۇراعان. وبلىس مەديتسينالىق ۇيىمدارىنىڭ مەديتسينالىق جابدىقتارمەن جيناقتالۋ جاعدايى دا قاناعاتتاندىرمايدى. اۋدانداردىڭ كورسەتكىشى – 63,1, تۋبديسپانسەرلەردە – 51,4, فەلدشەرلىك-اكۋشەرلىك پۋنكتتەردە – 43,8, ءدارىگەرلىك امبۋلاتوريالاردا – 38,7, مەديتسينالىق پۋنكتتەردە 52 پايىز توڭىرەگىندە. پەتروپاۆل قالاسىندا ورنالاسقان قالالىق جانە وبلىستىق اۋرۋحانالار مەن ەمحانالار بويىنشا 60,4 پايىزدان اسپايدى.
پرەزيدەنتتىڭ توراعالىعىمەن وتكەن ۇكىمەت جيىنىندا مەملەكەتتىك ساتىپ الۋ جۇيەسىندە ورىن العان كەلەڭسىزدىكتەر سىنعا الىنعانى بەلگىلى. مۇنداي تەرىس جايتتار وبلىستىڭ مەديتسينا سالاسىندا ۇيرەنشىكتى قالىپقا اينالعانى بايقالادى. مەملەكەتتىك ساتىپ الۋ ءتاسىلىن نەگىزسىز قولدانۋ, قازاقستان ۇكىمەتى ايقىنداعان تاۋارلىق بيرجالار تىزبەسىنە ەنبەيتىن تاۋارلىق بيرجالاردان مەملەكەتتىك ساتىپ الۋدى جۇزەگە اسىرۋ سالدارىنان 170,8 ميلليون تەڭگە شىعىن كەلتىرىلگەن. تۇتاستاي العاندا, جاعىمدى وزگەرىستەرگە قاراماستان, دەنساۋلىق ساقتاۋ سالاسىندا مەديتسينالىق ۇيىمداردىڭ ماتەريالدىق-تەحنيكالىق قورلارى, اۋىلداردا مەديتسينالىق ۇيىمداردى وبلىستىق, اۋداندىق ورتالىقتاردا شوعىرلاندىرۋ ەسەبىنەن مەديتسينالىق قىزمەتتەرگە بىردەي قولجەتىمدىلىك قالىپتاسپاعان. مۇنىڭ ءوزى ەمدەلۋشىلەردىڭ ساپالى جانە جوعارى تەحنولوگيالى مەديتسينالىق قىزمەتتەرگە سۇرانىسىن ەلەۋلى تۇردە قيىنداتا تۇسەرى ءسوزسىز. ساۋالداماعا جاۋاپ بەرگەن ناۋقاستاردىڭ ۇشتەن ءبىرى ۇسىنىلاتىن مەديتسينالىق قىزمەتتەردىڭ ساپاسىنا قاناعاتتانبايتىندىعىن اتاعان. دەنساۋلىق ساقتاۋ سالاسىن بىلىكتى كادرلارمەن قامتاماسىز ەتۋ ماسەلەسى دە تۇپكىلىكتى شەشىلمەي كەلەدى. اسىرەسە, ەلدى مەكەندەر تاجىريبەلى ماماندارعا تاپشى. شتاتتىق بىرلىكتەردى تولىقتىرۋ دارىگەرلەردىڭ باسقا لاۋازىمداردى قوسا اتقارۋى ەسەبىنەن وتەلۋى مەديتسينالىق قىزمەتتىڭ ساپاسى مەن تيىمدىلىگىنە تەرىس اسەرىن تيگىزەتىنى ايتپاسا دا تۇسىنىكتى.
ەلباسى ۇكىمەت وتىرىسىندا سويلەگەن سوزىندە دەنساۋلىق سالاسىنا اسا اۋقىمدى قارجى بولىنەتىنىن, سوعان قاراماستان قىزمەت كورسەتۋ ساپاسى كوڭىل كونشىتپەيتىنىن اتاپ كورسەتكەن ەدى. تەكسەرۋ بارىسى وڭىردەگى دەنساۋلىق سالاسىنداعى ءتۇيىندى پروبلەمالار قارجىلىق رەسۋرستاردىڭ جەتكىلىكسىزدىگىنەن ەمەس, كەرىسىنشە ولاردى پايدالانۋ تيىمدىلىگىنىڭ تومەندىگىمەن پايدا بولىپ وتىرعانىن كورسەتىپ بەردى.
دۋلات ەدىرەسوۆ,
وبلىستىق تەكسەرۋ كوميسسياسىنىڭ
توراعاسى.
سولتۇستىك قازاقستان وبلىسى.