بەلگيا كورولدىگىندە باستالعان «قازاقستان رەسپۋبليكاسى – ەۋروپالىق وداق» پارلامەنتتىك ىنتىماقتاستىق كوميتەتىنىڭ 12-ءشى وتىرىسىنا پارلامەنت ءماجىلىسى توراعاسىنىڭ ورىنباسارى, كوميتەتتىڭ تەڭ توراعاسى سەرگەي دياچەنكونىڭ باسشىلىعىمەن قازاقستاندىق پارلامەنتتىك دەلەگاتسيا قاتىسۋدا.
بەلگيا كورولدىگىندە باستالعان «قازاقستان رەسپۋبليكاسى – ەۋروپالىق وداق» پارلامەنتتىك ىنتىماقتاستىق كوميتەتىنىڭ 12-ءشى وتىرىسىنا پارلامەنت ءماجىلىسى توراعاسىنىڭ ورىنباسارى, كوميتەتتىڭ تەڭ توراعاسى سەرگەي دياچەنكونىڭ باسشىلىعىمەن قازاقستاندىق پارلامەنتتىك دەلەگاتسيا قاتىسۋدا.
دەلەگاتسيا قۇرامىندا ماجىلىسمەندەر ش.وتەمىسوۆ, ۆ.كوسارەۆ, ا.سولوۆەۆا ءجانە سەناتور ب.شەلپەكوۆ بار. باعدارلاما شەڭبەرىندە قازاقستاندىق پارلامەنتشىلەر ەۋروپا جاعىنان كوميتەتتىڭ تەڭ توراعاسى پاولو بارتولوتستسيمەن كەزدەستى. ولار ەكىجاقتى ءوزارا وزەكتى ماسەلەلەر جايىندا پىكىر الماسىپ, قازاقستان مەن ەۋرووداق اراسىنداعى ءوزارا بايلانىستى دامىتۋدىڭ ماڭىزىنا توقتالدى.
كوميتەت پارلامەنتتىك ىنتىماقتاستىقتىڭ «قر-ەو» 12-ءشى وتىرىسى بارىسىندا قازاقستان مەن ەۋروپالىق وداق اراسىنداعى ءوزارا قارىم-قاتىناس ماسەلەلەرىنە ناقتى كوزقاراستار ءبىلدىردى. تاراپتار قازاقستان مەن ەۋرووداق اراسىنداعى ىنتىماقتاستىقتى ساۋدا-ەكونوميكا سالاسىندا دامىتۋ مەن ۆيزالىق رەجىمدى جەڭىلدەتۋدىڭ كەلەشەگى جايىندا جاڭا بازالىق كەلىسىم جاساۋ جولدارىن تالقىلادى. سونىمەن قاتار, ولار ءبىلىم بەرۋ مەن عىلىم, دەنساۋلىق ساقتاۋ, ادام قۇقى, سۋ رەسۋرستارى مەن قورشاعان ورتانى قورعاۋدا ىنتىماقتاستىقتى نىعايتۋ مەن بەكىتە ءتۇسۋدىڭ ماڭىزىن اتاپ ءوتتى.
وتىرىس ناتيجەسىندە «قازاقستان رەسپۋبليكاسى – ەۋروپالىق وداق» پارلامەنتتىك ىنتىماقتاستىق كوميتەتىنىڭ 12-ءشى وتىرىسىنىڭ قورىتىندى قۇجاتى قابىلداندى.
«ەگەمەن-اقپارات».