كەشە ءال-فارابي اتىنداعى قازۇۋ-دە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان ەلىمىزدىڭ بارلىق وڭىرلەرىندەگى جوعارى وقۋ ورىندارى جاستارىنىڭ باسىن قوسقان «مەن جاستارعا سەنەمىن!» اتتى ستۋدەنت جاستاردىڭ رەسپۋبليكالىق پاتريوتتىق فەستيۆالىنىڭ گالا-فورۋمى ءوتتى.
كەشە ءال-فارابي اتىنداعى قازۇۋ-دە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان ەلىمىزدىڭ بارلىق وڭىرلەرىندەگى جوعارى وقۋ ورىندارى جاستارىنىڭ باسىن قوسقان «مەن جاستارعا سەنەمىن!» اتتى ستۋدەنت جاستاردىڭ رەسپۋبليكالىق پاتريوتتىق فەستيۆالىنىڭ گالا-فورۋمى ءوتتى.
فەستيۆال اياسىندا ءبىر اي بويى الدىن الا حابارلانعان بايقاۋلار بويىنشا ستۋدەنتتىك جۇمىستار قابىلدانعان بولاتىن. بايقاۋلار تاقىرىبى «ەلىمىزدىڭ يننوۆاتسيالىق دامۋىنا مەنىڭ قوسقان ناقتى ۇلەسىم» اتتى ستۋدەنتتىك الەۋمەتتىك ماڭىزى بار يننوۆاتسيالىق جوبالار بايقاۋى, «مەن ءوز ەلىمنىڭ گۇلدەنۋى ءۇشىن نە ىستەي الامىن» اتتى ستۋدەنتتىك ەسسە بايقاۋى جانە «مەن جاستارعا سەنەمىن!» تاقىرىبىندا ستۋدەنتتىك پوەزيالىق ازاماتتىق-پاتريوتتىق شىعارمالار بايقاۋى بولىپ ىرىكتەلىپ, جاس بۋىن وكىلدەرىنىڭ الدىنا ماقساتتى جۇمىس جاساۋ تالابى قويىلعان. ءار بايقاۋ بويىنشا سەكتسيالىق وتىرىستار ءوتىپ, قازىلار القاسى جۇزدەن جۇيرىك شىققانداردى تاڭداپ, شەشىم شىعاردى. ۇيىمداستىرۋشى كوميتەتكە ەلىمىزدەگى جوعارى وقۋ ورىندارى ستۋدەنتتەرىنەن 1000-عا تارتا جۇمىستار كەلىپ ءتۇسىپ, ەڭ ۇزدىك 300 اۆتور بايقاۋدىڭ ەكىنشى كەزەڭى – گالا-فورۋمعا قاتىسۋعا شاقىرتۋ الدى.
گالا-فورۋم اياسىندا ءار وڭىردەن كەلگەن قاتىسۋشىلار ءال-فارابي اتىنداعى قازۇۋ-ءدىڭ «كەرەمەت» جاستار رەسۋرستىق ورتالىعىمەن, ستۋدەنتتىك بيزنەس-ينكۋباتورى, ستۋدەنتتىك كلۋبتار جۇمىسىمەن جانە ستۋدەنتتىك يننوۆاتسيالىق جوبالار كورمەسىمەن تانىستى.
گالا-فورۋمنىڭ سالتاناتتى اشىلۋىنداعى قۇتتىقتاۋ سوزىندە ءال-فارابي اتىنداعى قازۇۋ رەكتورى عالىمقايىر مۇتانوۆ تاۋەلسىزدىكتىڭ العاشقى كۇندەرىنەن باستاپ مەملەكەت باسشىسى نۇرسۇلتان نازارباەۆ قازاقستاندىق جاستاردىڭ جان-جاقتى دامۋى ءۇشىن بارلىق قاجەتتى جاعدايلاردى جاساۋعا كوپ كوڭىل ءبولىپ كەلە جاتقاندىعىن ايتا كەلىپ: «قازاقستان-2050» ستراتەگياسىن جۇزەگە اسىرۋدا جاستاردىڭ ءرولى ەرەكشە ەكەنىن اتاپ ءوتتى. ءدال سىزدەردىڭ الدارىڭىزدا وسى باعدارلامانىڭ ورىندالۋى تۇر. ءححى عاسىردا قازاقستاندى قۇراتىن جانە دامىتاتىن سىزدەر. سوندىقتان دا بۇگىن ارقايسىڭىز بەلسەندى ازامات, وتانىمىزدىڭ پاتريوتى ءجانە رەسپۋبليكانىڭ دامۋىنا ءوز ۇلەستەرىڭىزدى قوسۋعا ۇمتىلۋلارىڭىز قاجەت. «مەن جاستارعا سەنەمىن!» رەسپۋبليكالىق پاتريوتتىق فەستيۆالى ستۋدەنت جاستاردىڭ قازاقستاننىڭ بولاشاعى ءۇشىن پاتريوتتىقتى جانە ازاماتتىق جاۋاپكەرشىلىكتى كوتەرۋگە باعىتتالعان. ءبىز وسى فەستيۆال سىزدەردىڭ بارلىقتارىڭىز ءۇشىن يدەيالار, باستامالار جانە ناقتى جوبالارمەن الماسۋ الاڭىنا اينالىپ وتىرعانىنا قۋانىشتىمىز», – دەدى.
فەستيۆالدىڭ شەشۋشى كۇنى ءو.جولداسبەكوۆ اتىنداعى ستۋدەنتتەر سارايىندا نوميناتسيالار بويىنشا فەستيۆال جەڭىمپازدارىن سالتاناتتى ماراپاتتاۋ ءراسىمى ءوتىپ, وندا بەدەلدى مامانداردان قۇرالعان تاۋەلسىز قازىلار توبى ءاربىر كونكۋرس بويىنشا فەستيۆالدىڭ جەڭىمپازدارىن انىقتادى.
اتاپ ايتساق, «مەنىڭ ەل دامۋىنا قوسقان ناقتى ۇلەسىم» اتتى ستۋدەنتتىك يننوۆاتسيالىق جوبالار بايقاۋىندا 1-ءشى ورىندى جانە ءال-فارابي اتىنداعى قازۇۋ-دە ءبىر جىل تەگىن وقۋ گرانتىنىڭ سەرتيفيكاتىن ءال-فارابي اتىنداعى قازاق ۇلتتىق ۋنيۆەرسيتەتىنىڭ فيزيكا-تەحنيكالىق فاكۋلتەتىنىڭ ستۋدەنتى ە.ۇسەنوۆ جەڭىپ السا, 2-ءشى ورىندى جانە قازاقستان رەسپۋبليكاسى ءبىلىم جانە عىلىم قىزمەتكەرلەرى كاسىپوداعى قوعامدىق بىرلەستىگى تاعايىنداعان ارنايى سىيلىقتىڭ يەگەرى قاراعاندى مەملەكەتتىك تەحنيكالىق ۋنيۆەرسيتەتىنىڭ ستۋدەنتى د.احمەتجانوۆ اتاندى, ال 3-ءشى ورىننىڭ جانە «جاس وتان» جاستار قاناتى تاعايىنداعان ارنايى سىيلىقتىڭ يەگەرى قازاق ۇلتتىق اگرارلىق ۋنيۆەرسيتەتىنىڭ ستۋدەنتى ا.ياتسەۆيچ دەپ تانىلدى.
«مەن ءوز ەلىمنىڭ گۇلدەنۋى ءۇشىن نە ىستەي الامىن» اتتى ستۋدەنتتىك ەسسە بايقاۋىندا 1-ءشى ورىندى جانە ءال-فارابي اتىنداعى قازۇۋ-دە ءبىر جىل تەگىن وقۋ گرانتىن م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتى ءا.تاسقاليەۆا, 2-ءشى ورىندى جانە قازاقستان رەسپۋبليكاسى ءبىلىم جانە عىلىم قىزمەتكەرلەرى كاسىپوداعى قوعامدىق بىرلەستىگى تاعايىنداعان ارنايى سىيلىقتى ق.ي.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ ستۋدەنتى ن.كىشكەنەباەۆ, 3-ءشى ورىندى جانە «جاس وتان» جاستار قاناتى تاعايىنداعان ارنايى سىيلىقتى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ستۋدەنتى م.پازىلبەكوۆ جەڭىپ الدى.
«مەن جاستارعا سەنەمىن!» اتتى جاس اقىندار بايقاۋىندا 1-ءشى ورىندى جانە ءال-فارابي اتىنداعى قازۇۋ-دە ءبىر جىل تەگىن وقۋ گرانتىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليستيكا جانە ساياساتتانۋ فاكۋلتەتىنىڭ ستۋدەنتى ا.تىلەنشيەۆ, 2-ءشى ورىندى جانە قازاقستان رەسپۋبليكاسى ءبىلىم جانە عىلىم قىزمەتكەرلەرى كاسىپوداعى قوعامدىق بىرلەستىگى تاعايىنداعان ارنايى سىيلىقتى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا, ادەبيەتتانۋ جانە الەم تىلدەرى فاكۋلتەتىنىڭ ستۋدەنتى ب.مىرزاقۇلوۆ, 3-ءشى ورىندى جانە «جاس وتان» جاستار قاناتى تاعايىنداعان ارنايى سىيلىقتى س.دەميرەل اتىنداعى ۋنيۆەرسيتەتتىڭ فيلولوگيا فاكۋلتەتىنىڭ ستۋدەنتى ت.جوراباي يەلەندى.
قازاقستاننىڭ بولاشاعى – ونەرلى دە ورەلى جاس ۇرپاقتىڭ باسىن قوسقان اتالمىش فەستيۆالدى ءال-فارابي اتىنداعى قازاق ۇلتتىق ۋنيۆەرسيتەتى مەن ءبىلىم جانە عىلىم مينيسترلىگى, مادەنيەت جانە اقپارات مينيسترلىگى, «جاس وتان» جاستار قاناتى مەن الماتى قالاسى اكىمدىگى بىرلەسىپ ۇيىمداستىردى.
قانات ەسكەندىر,
«ەگەمەن قازاقستان».
الماتى.