كەشە ورتالىق سايلاۋ كوميسسياسىندا «سايلاۋدى وتاندىق جانە حالىقارالىق بايقاۋداعى ادام مەن ازاماتتىڭ سايلاۋ قۇقىعى» اتتى سەمينار-ترەنينگ بولىپ ءوتتى. ونىڭ جۇمىسىنا ەلورداداعى ەقىۇ ورتالىعىنىڭ, ەلىمىزدەگى ەو وكىلدىگىنىڭ, بۇۇ دب-نىڭ, ورتالىق مەملەكەتتىك ورگاندارى مەن وزگە دە ۇكىمەتتىك ەمەس ۇيىمداردىڭ وكىلدەرى قاتىستى.
كەشە ورتالىق سايلاۋ كوميسسياسىندا «سايلاۋدى وتاندىق جانە حالىقارالىق بايقاۋداعى ادام مەن ازاماتتىڭ سايلاۋ قۇقىعى» اتتى سەمينار-ترەنينگ بولىپ ءوتتى. ونىڭ جۇمىسىنا ەلورداداعى ەقىۇ ورتالىعىنىڭ, ەلىمىزدەگى ەو وكىلدىگىنىڭ, بۇۇ دب-نىڭ, ورتالىق مەملەكەتتىك ورگاندارى مەن وزگە دە ۇكىمەتتىك ەمەس ۇيىمداردىڭ وكىلدەرى قاتىستى.
سەمينارعا قاتىسۋشىلار الدىندا ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس پەن استاناداعى ەقىۇ ورتالىعىنىڭ باسشىسى جاننەت كلەتتسەر ءسوز سويلەدى. وسك توراعاسىنىڭ ورىنباسارى ءوز سوزىندە ويىن بىلايشا تارقاتتى: «وزدەرىڭىز بىلەتىندەي مەملەكەتتەردىڭ سايلاۋ جۇيەلەرى ءبىر-بىرىنە ۇقسامايدى, وعان قاراماستان مەملەكەتتەر ازاماتتاردىڭ سايلاۋ قۇقىن قامتاماسىز ەتۋدە بىردەي جاۋاپتى». ول بۇل رەتتە بايقاۋشىلار رەتىندە, سايلاۋدى وتكىزۋدىڭ تەحنيكالىق اسپەكتىلەرىمەن عانا شەكتەلىپ قويماي, ازاماتتاردىڭ سايلاۋ قۇقىعىنىڭ ساقتالۋىنا كوڭىل ءبولۋدىڭ ماڭىزدىلىعىنا ەرەكشە توقتالدى.
ورتالىق سايلاۋ كوميسسياسىنىڭ مۇشەسى مارات سارسەمباەۆتىڭ سوزىنەن بەلگىلى بولعانداي, بيىل گرۋزيا, ازەربايجان, ارمەنيا, موڭعوليا جانە البانيادا وتكەن سايلاۋ ناۋقاندارىنا قازاقستاندىق بايقاۋشىلار جىبەرىلىپتى. جالپى, 2005 جىلدان باستاپ بيىلعا دەيىن 225 قازاقستاندىق 47 سايلاۋ ناۋقانىنا بايقاۋشى رەتىندە قاتىسقان. ءىس-شارا سوڭىنان ەلىمىز اتىنان ەقىۇ/دياقب ميسسياسىنىڭ قۇرامىندا بايقاۋشىلاردىڭ قاتىسۋ تاجىريبەسىن ودان ءارى جەتىلدىرۋ, سايلاۋ پروتسەسىن دەموكراتيالاندىرۋ جانە قازاقستان بەدەلىن نىعايتۋ ماسەلەلەرى جان-جاقتى ءسوز بولدى.
اسقار تۇراپباي ۇلى,
«ەگەمەن قازاقستان».