استانادا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «قازاقستان تەمىر جولى» ۇك» اق-تىڭ IV رەسپۋبليكالىق جاستار فورۋمى ءوز جۇمىسىن اياقتادى. فورۋم قورىتىندىسى بويىنشا 6 جاس تەمىرجولشىنىڭ قىزمەتى ءوستى. 16-ى كادرلار قورىنا تىركەلدى. سونىمەن قاتار, يننوۆاتسيالىق جوبا جەڭىمپازدارىنىڭ ەڭبەگى قاناتقاقتى جوبا رەتىندە وندىرىسكە ەنگىزىلەدى. بايقاۋدىڭ بارلىق نومينانتتارى پلانشەتتىك كومپيۋتەرلەرگە يە بولىپ, «قتج» ۇك» اق-تىڭ قارجىلىق قولداۋىمەن شەتەلدە وقۋعا جولداما الدى.
اق-تىڭ IV رەسپۋبليكالىق جاستار فورۋمى ءوز جۇمىسىن اياقتادى. فورۋم قورىتىندىسى بويىنشا 6 جاس تەمىرجولشىنىڭ قىزمەتى ءوستى. 16-ى كادرلار قورىنا تىركەلدى. سونىمەن قاتار, يننوۆاتسيالىق جوبا جەڭىمپازدارىنىڭ ەڭبەگى قاناتقاقتى جوبا رەتىندە وندىرىسكە ەنگىزىلەدى. بايقاۋدىڭ بارلىق نومينانتتارى پلانشەتتىك كومپيۋتەرلەرگە يە بولىپ, «قتج» ۇك» اق-تىڭ قارجىلىق قولداۋىمەن شەتەلدە وقۋعا جولداما الدى.
– مەملەكەت باسشىسى جاستار ماسەلەسىنە, ولاردىڭ دۇرىس ءبىلىم الىپ, وقىپ-جەتىلۋىنە زور كوڭىل ءبولىپ وتىر. سوعان سايكەس تەمىرجول سالاسىندا دا جاستاردىڭ جان-جاقتى دامۋىنا بارلىق مۇمكىندىكتەر جاسالعان, – دەپ اتاپ ءوتتى جاس ماماندار الدىندا سويلەگەن سوزىندە «قتج» ۇك» اق پرەزيدەنتى اسقار مامين.
– مەن جاستىق شاعىمدا ۆاگوندا تۇردىم. وت جاقتىم. ءبىراز قيىندىقتى باستان كەشتىك. قازىرگى جاستار ومىرىنە سۇيسىنە جانە قىزىعا قارايمىن. سەبەبى, سىزدەرگە بارلىق جاعداي جاسالىپ وتىر, – دەدى اعا ۇرپاق اتىنان ءسوز الىپ, تولعانا سويلەگەن تەمىرجول سالاسىنىڭ ارداگەرى ءابي سارقىنشاقوۆ.
كومپانياداعى قولعا الىنىپ وتىرعان جاستار جوبالارىنىڭ باسقا سالالار بويىنشا ازىرگە بالاماسى جوق ەكەندىگىن ۇلتتىق كومپانيانىڭ پەرسونالدى باسقارۋ جانە الەۋمەتتىك ماسەلەلەر جونىندەگى ۆيتسە-پرەزيدەنتى اسحات اكچۋرين اتاپ ءوتتى.
قازىرگى تاڭدا تەمىرجول سالاسىنداعى ەڭبەككەرلەردىڭ تورتتەن ءبىرى 30-عا دەيىنگى جاستار. بۇل – كادر ماسەلەسى تۇرعىسىنان العاندا زور رەسۋرس كوزى. سوندىقتان, قتج-داعى «جاستار» باعدارلاماسىنا مول قارجى ءبولىنىپ, ونىڭ ورىندالۋى قاتاڭ قاداعالانباق.
2009-2013 جىلدار ارالىعىندا كومپانيا جاس مامانداردىڭ وقۋىنا 175 ءبىلىم گرانتىن ءبولدى. 17 ەڭبەككەر قتج-نىڭ «ماگيستراتۋرا» باعدارلاماسى بويىنشا وقىدى. 2012 جىلى كوللەدجدەردىڭ 223 ستۋدەنتى قازىرگى زامانعى دۋالدىق وقۋ جۇيەسى بويىنشا قتج-نىڭ كولىكتەگى تەحنولوگيالار ورتالىعىندا ءبىلىمىن جەتىلدىردى. قتج كومپانيالارى توبىنداعى باسشىلىق قىزمەتتەگىلەردىڭ 1143-ءى – جاستار. استاناداعى لوكوموتيۆ قۇراستىرۋ زاۋىتىنداعى ەڭبەككەرلەردىڭ 50 پايىزىنا جۋىعى, ياعني 456-سى جاس مامان بولسا, ەلەكتروۆوز قۇراستىرۋ زاۋىتى مەن «تۇلپار-تالگو» جشس-ىندەگى مامانداردىڭ دەنىن 30-دان اسپاعاندار قۇرايدى. جاستارعا قاتىستى ءتيىستى قامقورلىق شارالارى زاڭدى نەگىزدەگى ءداستۇرلى سيپاتقا يە بولىپ وتىر. ماسەلەن, قتج تۇرعىن ءۇي قورىنىڭ 25 پايىزى جاستارعا بەرىلەدى. بيىلعى جىلدىڭ وزىندە 150 جاس وتباسى پاتەر الۋ قۋانىشىنا يە بولدى.
ەل وڭىرلەرىنەن استاناعا كەلگەن جاس تەمىرجولشىلار اپتا بويى قىزىقتى شارالاردىڭ كۋاسى بولدى. فورۋم اياسىندا «جاس كاسىبي مامان» بايقاۋى وتكىزىلىپ, ءارتۇرلى سالاداعى 23 ماماندىق يەسى ءتۇرلى ماراپاتتاۋلارعا يە بولدى. تاپقىرلار كلۋبىنىڭ مۇشەلەرى بولسا, ءوز وڭىرلەرىنىڭ نامىسىن لايىقتى قورعاي ءبىلدى.
بيىلعى جىلى جاستار فورۋمىنىڭ «مەنەدجمەنت جوباسى» باعدارلاماسى بويىنشا «قتج» ۇك» اق فيليالى – «باس ەسەپتەۋ ورتالىعىنىڭ» ەلەكتروندىق ينجەنەرى, «عيماراتتى دەربەس جىلىتۋدىڭ ەكونوميكالىق تيىمدىلىگى» جوباسىنىڭ اۆتورى جالعاس سۇلتانوۆتىڭ, «جانعىش-جانارماي ماتەريالداردىڭ قوزعالىس ەسەبىن اۆتوماتتاندىرۋ» جوباسىنىڭ اۆتورى, «لوكوموتيۆ» اق جانارماي-جىلۋ تەحنيكالىق ءبولىمىنىڭ باس مامانى نۇربولات جۇماشتىڭ, پاۆلودار ەلەكترمەن قامتۋ ديستانتسياسىنىڭ ەلەكترومونتەرى تيمۋر ءبايانديننىڭ ءتۇيىسۋ سىمىنداعى مۇز قاتۋدىڭ الدىن الۋ ەڭبەگى جوعارى باعالانىپ, جەڭىسكە جەتتى.
«بولاشاق باسقارۋشىلار» باعدارلاماسىنىڭ جەڭىمپازدارى بولىپ پاۆلودار جول بولىمشەسىنىڭ لوكوموتيۆ ديسپەتچەرى الىبەك كەنجەبەكوۆ مەن «ترانستەلەكوم» اق فيليالى «استاناتەلەكوم» اق كوممەرتسيالىق ديرەكتورى ەسەنگەلدى سارسەنوۆ تانىلدى.
فورۋم قاتىسۋشىلارىنا «قتج» ۇك» اق پرەزيدەنتى مەن ۆيتسە-پرەزيدەنتتەرى باعالى سىيلىقتاردى تابىس ەتتى.
فورۋمنىڭ جابىلۋ سالتاناتىندا «جاس تەمىرجولشىلار وتباسى» سۋرەت پەن ەسسە بايقاۋىنىڭ قورىتىندىسى شىعارىلدى. اقمولا جول بولىمشەسىنەن بيسالوۆتار وتباسى, اقتوبە ماگيسترالدىق جەلى بولىمشەسىنەن قوجانوۆتار وتباسى, ورال جول بولىمشەسىنەن مۇسەنوۆتەر وتباسى جەڭىمپازدار دەپ تابىلىپ, قازاقستان تەمىرجولشىلارى كاسىپوداعىنىڭ توراعاسى ورازعالي احمەتباەۆتىڭ قولىنان ماراپاتتار مەن سىي-سياپاتتارعا يە بولدى.
جاستار اتىنان ءسوز ارناعان «ترانستەلەكوم» اق-تىڭ تەحنيكالىق قۇجاتتاندىرۋ ينجەنەرى دينارا تولەگەن قازاقستان پرەزيدەنتىنىڭ تەمىرجولشى جاستار الدىنا قويعان تاپسىرمالارىن تىڭعىلىقتى اتقاراتىندىعىنا, وعان جاستاردىڭ ءبىلىمى مەن قۋاتى, قاجىر-قايراتى جەتەتىندىگىنە قتج باسشىلىعىن سەندىردى.
2012 جىلى قازاقستانداعى تەمىرجولشىلار وتباسىندا ون مىڭنان استام بالا دۇنيەگە كەلدى. بۇل فاكت تەمىرجولشىلار قاۋىمىنىڭ بولاشاققا سەنىمىنىڭ جوعارى ەكەندىگىن اڭعارتادى.
سۇڭعات ءالىپباي,
«ەگەمەن قازاقستان».