كوپتەن كۇتكەن "مۋلان" انيماتسيالىق ءفيلمىنىڭ قازاق تىلىندەگى پرەمەراسى اعىمداعى جىلدىڭ 17 جەلتوقسانىنا جوسپارلانعان, "مۋلان" – بۇل قازاق تىلىنە دۋبلياجدالعان جانە وتاندىق كينوپروكاتقا مەملەكەتتىك تىلدە شىعاتىن 35-ءشى فيلم.
فيلمدەگى رولدەردىڭ ءبىرىن قازاقستاندىق كاسكادەر, «Nomad Stunts» كاسكادەرلەر توبىنىڭ جەتەكشىسى جايداربەك كۇنعوجينوۆ سومدادى. مامىر ايىندا ول كاسكادەرلىك «وسكار» الەمدىك كاسكادەرلەر اكادەمياسىنىڭ «تاۋرۋس» سىيلىعىنا ۇسىنىلدى, سىيلىق يەگەرلەرىنىڭ ەسىمدەرى وسى جەكسەنبىدە 22 قاراشادا بەلگىلى بولادى.
1998 جىلعى ءمۋلتفيلمنىڭ رەمەيكى الەمدىك پروكاتقا شىقتى. ونلاين-كينوتەاترلاردا قازاق تىلىندەگى فيلم ەرتەرەك شىعادى دەپ جوسپارلانۋدا.
گولليۆۋد كينوستۋديالارىنىڭ وتباسىمەن قاراۋعا ارنالعان فيلمدەرىن مەملەكەتتىك تىلگە «بولاشاق» كورپوراتيۆتىك قورى مەن «مەلومان» كومپانياسى دۋبلياجدايدى. «مۋلان» ءفيلمىنىڭ دۋبلياج دەمەۋشىسى: «BI Group» كومپانياسى.