تسوي قازاقستاندا تۋبەركۋلەزگە قارسى قابىلدانعان شارالار تۋرالى ايتتى

ء«بىزدىڭ الدىمىزدا «2030 جىلعا قاراي تۋبەركۋلەز ىندەتىن جويۋ بويىنشا» ناقتى ماقساتتار, سونداي-اق 2018 جىلعى 26 قىركۇيەكتە بۇۇ-نىڭ تۋبەركۋلەزگە قارسى كۇرەس جونىندەگى باس اسسامبلەياسىنىڭ جوعارى دەڭگەيدەگى وتىرىسىندا ماقۇلدانعان ساياسي دەكلاراتسيا جانە ددسۇ-نىڭ «تۋبەركۋلەزدى توقتاتۋ» ستراتەگياسى تۇر», - دەدى ا.تسوي.الەمدىك قاۋىمداستىق تۋبەركۋلەزگە شالدىققان ءاربىر ناۋقاستى نازاردان, مەديتسينالىق جانە الەۋمەتتىك كومەكتەن تىس قالدىرماۋى كەرەك. اسىرەسە پاندەميا كەزىندە. ونىڭ ۇستىنە, ددسۇ باعالاۋى بويىنشا 2020-2025 جىلدار ارالىعىندا 6,3 ميلليون ادام تۋبەركۋلەزگە شالدىعادى جانە COVID-19 اسەرى سالدارىنان 1,4 ميلليون ناۋقاس قايتىس بولۋى مۇمكىن.«الەم ەلدەرى بىرىگىپ كۇرەسكەندە عانا قوعامدىق اۋرۋعا اينالعان تۋبەركۋلەزدى جويا الامىز», - دەدى ا. تسوي.جيىن اياسىندا افريكا دەنساۋلىق ساقتاۋ مينيسترلەرىنىڭ قاتىسۋىمەن دوڭگەلەك ۇستەل ءوتتى, وندا ا. تسوي الەمدىك قوعامداستىقتى, اسىرەسە كوروناۆيرۋس ينفەكتسياسى پاندەمياسى كەزىندە مساك-تى كۇشەيتۋگە شاقىردى. مينيستر قازىر قازاقستاننىڭ تۋبەركۋلەزبەن اۋىراتىن ناۋقاستارعا ستاتسيونارلىق دەڭگەيدە كومەك كورسەتۋ مودەلىنەن مساك جانە ستاتسيوناردى الماستىراتىن ەمدەۋ مودەلىنە كوشكەنىن حابارلادى.ء«بىز تۋبەركۋلەزگە قارسى ۇيىمداردى قارجىلاندىرۋدىڭ جاڭا تەتىگىن ازىرلەدىك. توسەك-ورىن قورىن قىسقارتۋ ەسەبىنەن ۇنەمدەلگەن قاراجات قايتا بولىنەدى. وسىلايشا, تۋبەركۋلەزگە شالدىققان ناۋقاستاردى امبۋلاتوريالىق ەمدەۋ مۇمكىندىگى كەڭەيدى, ەمدەۋ مەن پروفيلاكتيكادا جاڭا تەحنولوگيالار قولدانىلۋدا, مساك دەڭگەيىندە ناۋقاستارعا پسيحو-الەۋمەتتىك قولداۋ كورسەتىلەدى», - دەدى ا. تسوي.