قازاقستاننىڭ استىعىنا سۇرانىس جوعارى

اۋىل شارۋاشىلىعى مينيسترلى­گىنىڭ حابارلاۋىنشا, وتكەن ماركە­تينگتىك جىل­دىڭ العاشقى 4 ايىندا ەلىمىز شەت مەم­لەكەتتەرگە 1 ملن 624 مىڭ توننا بيداي مەن 628 مىڭ توننا استىق ەكۆيۆالەنتىندەگى ۇن ەكسپورتتاعان. باسقا ارپا, س ۇلى, جۇگەرى, كۇرىش, قاراقۇمىق, تارى سىندى ءداندى داقىلدار ەكسپورتى 2020-2021 ماركەتينگتىك جىلدىڭ 4 ايىندا 98 مىڭ توننانى قۇرادى, ونىڭ ىشىندە 76 مىڭ توننا ارپا يران ەلىنە جونەلتىلدى.

– بيداي مەن بيداي ۇنىنىڭ باسىم بولىگى بيىل ورتالىق ازيا ەل­دەرىنە ساتىلدى. 1 ملن 293 مىڭ توننا – وزبەك­ستان­عا, 406 مىڭ توننا – تاجىك­ستانعا جو­نەل­تىلدى. قىرعىزستان مەن تۇرىك­مەن­ستان­عا سا­تۋ كولەمى – 38 جانە 11 مىڭ تونن­ا­­نى قۇ­رايدى. بيىلعى 1 شىلدەدەن باستاپ اۋعان­ستانعا 593 مىڭ تونناعا جۋىق, قى­­تاي­عا 194 مىڭ توننا ەكسپورتتالدى, – دەپ حا­بار­لادى ۆەدومستۆونىڭ ءباسپاسوز قىزمەتى.

سوڭعى جىلدارى گرۋزياعا استىق پەن ۇن ساتۋ تومەندەگەن. بۇل ەل 2014 جىلعا دەيىن باسىم نارىقتار قاتارى­نا كىرگەن بولاتىن. وتكەن ماركەتينگ­تىك جىلى قازاقستان گرۋزياعا بار بولعانى 2,6 مىڭ توننا استىق پەن ۇن ساتسا, بيىل وتاندىق ءونىم مۇلدە جونەلتىلمەدى.

بىرقاتار ەلدەردىڭ قازاقستان­دىق ۇنعا دەگەن قىزىعۋشىلىعىنىڭ تومەندەگەنىن دە ايتپاي كەتە المايمىز. ايتالىق, قازاقستاندىق ءونىمنىڭ ءىرى يمپورتتاۋشىسى بولىپ تابىلاتىن وزبەكستانعا 2011-2012 ماركەتينگتىك جىلى – 1,3 ملن توننا ۇن, 2015-2016 جىلدارى – 843 مىڭ توننا, 2019-2020 جىلدارى – 345 مىڭ توننا جىبەرىلسە, 2020-2021 ماركەتينگتىك جىلدىڭ 4 ايىن­دا كورشى ەل بار بولعانى 103 مىڭ توننا ۇن ساتىپ الدى.

سوڭعى جىلدارى قازاقستاندىق ۇن ەكسپورتى اۋعانستان مەن قىتاي نارىعىنا كوپتەپ جىبەرىلىپ جاتقانىن اتاپ وتكەن ءجون. نارىق قاتىسۋشىلارى ءۇشىن قازاقستان ارقىلى وتەتىن استىق پەن ۇن ءترانزيتىنىڭ كولەمى تۋرالى اقپارات ماڭىزدى بولىپ تابىلادى.

2020 جىلعى شىلدەدە رەسپۋبليكا اۋماعى ارقىلى باسقا ەلدەرگە 17,4 مىڭ توننا, تامىزدا – 32,8 مىڭ توننا, قىركۇيەكتە – 25,5 مىڭ توننا, قازاندا – شامامەن 25 مىڭ توننا استىق جەتكىزىلدى. ەڭ كوپ جۇك كولەمىن – شامامەن 42 مىڭ توننانى قىرعىزستان الدى.

اۋىل شارۋاشىلىعى مينيستر­لىگى حابارلاعانداي, شىلدەدە – 9,6 مىڭ توننا, تامىزدا – 11 مىڭ توننا, قىركۇيەكتە – 8 مىڭ, قازاندا 12 مىڭ توننا بيداي ۇنى ترانزيتتەلدى. جۇكتەردىڭ كوپ بولىگى, ياعني 48 مىڭ تونناسى اۋعانستانعا باعىت العان. استىق ەكۆيۆالەنتىندەگى استىق پەن ۇننىڭ جالپى ءترانزيتى 160 مىڭ تونناعا تەڭ.

بيىل 3 قاراشادا بۇۇ-نىڭ ەۋروپا­عا ارنالعان ازىق-ت ۇلىك جانە اۋىل شارۋا­شىلىعى ۇيىمىنىڭ 32-سەسسياسىندا اۋىل شارۋاشىلىعى ءمينيسترى ساپارحان وماروۆ: «كوروناۆيرۋس پاندەمياسىنا, لوكداۋنعا جانە وسىعان بايلانىستى شەكتەۋلەرگە قاراماس­تان, قازاقستان كورشى ەلدەرگە ازىق-تۇ­لىك جەتكىزۋدى جالعاستىردى. بيىلعى 8 ايدا شىۇ ەل­دەرىنە 1,3 ملرد دوللاردىڭ ازىق-ت ۇلى­گى جونەلتىلدى, ال وتكەن جىلى بيداي مەن ۇن ەكسپورتى ەسەبىنەن قازاقستان عالام­شاردىڭ 45 ميلليوننان اسا حال­قىن تاماق­تاندىردى» دەگەن بولاتىن. سون­داي-اق مينيستر كورشى ەلدەردەگى سۇرا­نىستىڭ ءوسۋىن ەسكەرە وتىرىپ, قازاق­ستان اۋىل شارۋاشىلىعى ونىمدەرى مەن ازىق-ت ۇلىك ونىمدەرىن ءوندىرۋدى ۇل­عايتۋدى جالعاستىراتىنىن مالىمدەدى. سان­دىق كورسەتكىشتەر عانا ەمەس, ءونىم ساپاسى دا ماڭىزدى بولماق. اتاپ ايتقان­دا, ەلى­مىزدىڭ ورگانيكالىق اۋىل شارۋا­شىلى­عىن دامىتۋعا ۇلكەن مۇم­كىندىكتەرى بار.

ەۋروپالىق كوميسسيانىڭ رەسمي دەرەكتەرىندە ەكسپورت كولەمى بو­يىنشا قازاقستان ەۋروپالىق وداق ەلدەرىنە ورگانيكالىق ازىق-ت ۇلىك ونىمدەرىن جەتكىزەتىن 123 ەلدىڭ ىشىندە 9-شى ورىندا تۇر. ال ورگانيكالىق بيداي مەن مايلى زىعىر تۇقىمدارىن ساتۋ بويىنشا ەلىمىز كوشباسشىلار قاتارىنا كىرەدى.