ەلوردادا ءموبيلدى توپتار شوب سۋبەكتىلەرىنە رەيدتەردى جالعاستىرىپ, كوروناۆيرۋس ينفەكتسياسىنىڭ تارالۋىنا جول بەرمەۋ شارالارىن وتكىزۋدە. پوليتسيا دەپارتامەنتى اتاپ وتكەندەي, كەيبىر ويىن-ساۋىق مەكەمەلەرى مەن تۇرعىندار COVID-19 تارالۋ قاۋپى ارتقانىنا قاراماستان, ەرەجەلەردى ەلەمەي كەلەدى, دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.
16 قاراشادا ساعات 00: 39-دا ءموبيلدى توپ Qwartet كاراوكە-بارىندا 40-قا جۋىق كەلۋشى بولعانىن انىقتادى. 15 قاراشا كۇنى ساعات 23.54-تە Tequila لاۋندج-بارىندا 50-گە جۋىق كەلۋشى بولعان.
14 قاراشادا ساعات 22: 00-دە "زەيد" مەيرامحاناسىندا وتباسىلىق مەرەكە ءوتىپ, 40-تان استام قوناق كەلۋشىلەردىڭ ءبىرىنىڭ 50 جىلدىعىن اتاپ وتكەن.
مەكەمە يەلەرىنە قاتىستى جينالعان ماتەريال پروتسەسسۋالدىق شەشىم قابىلداۋ ءۇشىن نۇر-سۇلتان قالاسىنىڭ تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ باسقارماسىنا جىبەرىلدى.
جالپى العاندا, 9 - 15 قاراشا ارالىعىندا كارانتيندىك شارالاردىڭ ساقتالۋى بويىنشا ءموبيلدى توپتاردىڭ ارالاۋى كەزىندە الماتى اۋدانىندا 14, بايقوڭىر اۋدانىندا - 7, ەسىل اۋدانىندا - 18; سارىارقا اۋدانىندا - 18 بۇزۋشىلىق انىقتالدى.
16 قاراشاداعى جاعداي بويىنشا نۇر-سۇلتان قالاسىنىڭ تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ كوميتەتىنىڭ اۋداندىق باسقارمالارىنا كارانتيندى بۇزعان ادامدارعا قاتىستى اۋداندىقپوليتسيا باسقارمالارىنان 2043 ماتەريال كەلىپ تۇسكەن. جالپى سوماسى 193 288 236 تەڭگەنى قۇرايتىن 963 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.
بۇگىنگى تاڭدا جالپى سوماسى 151 324 915 تەڭگەگە 752 اكىمشىلىك ايىپپۇل تولەندى.