الماتى قالاسىنىڭ باس سانيتار دارىگەرى جانداربەك بەكشين وڭىرلىك كوممۋنيكاتسيالار قىزمەتىندە وتكەن بريفينگتە 26 قازاننان باستاپ كينوتەاترلاردىڭ اشىلۋىنا قاتىستى پىكىر ءبىلدىردى, دەپ حابارلايدى Egemen.kz.
"26 قازاندا كينوتەاترلار اشىلا باستايدى. وعان دەيىن جەتكىلىكتى ۋاقىت بار. ءبىز مۇنى تاعى قاراستىرامىز. سوڭعى ەكى كۇندە اۋرۋ ءوسىمى بايقالىپ وتىر. اۋرۋدىڭ تارالۋ كوەففيتسيەنتى 1-دەن استى. الداعى ۋاقىتتا نە بولاتىنىن تاعى دا باعامداپ كورەمىز. ەگەر اۋرۋ كورسەتكىشى وسسە, بارلىق قاۋىپتى تالقىلاپ, كينوتەاترلاردىڭ دايىندىعىن جەكە قاراستىرىپ, ءتيىستى شەشىم قابىلدايمىز. بۇل شەشىم بىردەن قابىلدانبايدى", - دەدى ج.بەكشين.
ەسكە سالا كەتەيىك, بۇعان دەيىن 26 قازاننان باستاپ قازاقستاندا كينوتەاترلار اشىلاتىنىن حابارلاعان ەدىك.