استانا قالاسى اكىمدىگى مەن سانكت-پەتەربۋرگ ۇكىمەتى 2013-2015 جىلدارعا ارنالعان ساۋدا-ەكونوميكالىق, عىلىمي-تەحنيكالىق, مادەني جانە گۋمانيتارلىق باعدارلامانى بەكىتتى.
استانا قالاسى اكىمدىگى مەن سانكت-پەتەربۋرگ ۇكىمەتى 2013-2015 جىلدارعا ارنالعان ساۋدا-ەكونوميكالىق, عىلىمي-تەحنيكالىق, مادەني جانە گۋمانيتارلىق باعدارلامانى بەكىتتى. اتالعان كەلىسىمگە ەلوردا اكىمدىگىندە قالا اكىمى يمانعالي تاسماعامبەتوۆ پەن سانكت-پەتەربۋرگ گۋبەرناتورى گەورگي پولتاۆچەنكو قول قويدى. بۇل شارا گ.پولتاۆچەنكونىڭ استاناعا رەسمي ساپارى اياسىندا قوس شاھار باسشىلىعىنىڭ كەزدەسۋى بارىسىندا ءوتتى.
باعدارلاما ارىپتەستىك باعىتىنداعى قالا قۇرىلىسى, كوممۋنالدىق شارۋاشىلىق, كاسىپكەرلىك, كولىك جانە ينجەنەرلىك ينفراقۇرىلىمدى دامىتۋ, الەۋمەتتىك قامسىزداندىرۋ, تۋريزم, ءبىلىم جانە عىلىم, دەنساۋلىق ساقتاۋ جانە ونەر مەن مادەنيەتتى كەڭ اۋقىمدى قولداۋدى قامتيدى. اتاپ ايتقاندا, ساۋدا ەكونوميكالىق قاتىناستى كەڭەيتۋ ءۇشىن سانكت-پەتەربۋرگتە – استانانىڭ, ال استانادا – سانكت-پەتەربۋرگتىڭ اقپاراتتىق-ىسكەرلىك ورتالىقتارىن اشۋ كوزدەلگەن. قوس تاراپ سانكت-پەتەربۋرگتە «استانا» ساۋدا-ىسكەرلىك كەشەنىن قۇرۋدى قولداۋ تۋرالى كەلىسىمگە قول جەتكىزسە, سونىمەن قاتار, استانا مەن سانكت-پەتەربۋرگتىڭ كورمە ەكسپوزيتسيالارىن ارنايى كورمەدە ۇيىمداستىرۋ جوسپارلانعان.
ءابدىراحمان قىدىربەك,
«ەگەمەن قازاقستان».