قازاقستان پرەزيدەنتى نۇرسۇلتان نازارباەۆ كانادا سىرتقى ىستەر ءمينيسترى دجون بەردپەن كەزدەسۋ وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى مينيستردىڭ قازاقستانعا ساپارىنا ءىلتيپاتىن ءبىلدىرىپ, ونىڭ ەكىجاقتى قارىم-قاتىناستاردى دامىتۋداعى ماڭىزىن اتاپ ءوتتى.
قازاقستان پرەزيدەنتى نۇرسۇلتان نازارباەۆ كانادا سىرتقى ىستەر ءمينيسترى دجون بەردپەن كەزدەسۋ وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى مينيستردىڭ قازاقستانعا ساپارىنا ءىلتيپاتىن ءبىلدىرىپ, ونىڭ ەكىجاقتى قارىم-قاتىناستاردى دامىتۋداعى ماڭىزىن اتاپ ءوتتى.
– قازاقستان گەوگرافيالىق جانە كليماتتىق ولشەمدەرى جاعىنان, سونداي-اق, ەكونوميكالىق قۇرىلىمى جونىنەن كوپ جاعدايدا كاناداعا ۇقساس. تاۋەلسىزدىك جىلدارى ءبىز ەكىجاقتى قارىم-قاتىناستىڭ بەلسەندى دامۋىنا ءمۇددەلى بولدىق. مىسالى, بىزدە اۋىل شارۋاشىلىعى سالاسىندا وتە قارقىندى ىنتىماقتاستىق قالىپتاسىپ كەلەدى, – دەدى نۇرسۇلتان نازارباەۆ.
قازاقستان پرەزيدەنتى كانادانىڭ سىرتقى ساياسات ۆەدومستۆوسى باسشىسىنىڭ ساپارى ەكى ەلدىڭ ءتۇرلى سالالارداعى ىقپالداستىعىن نىعايتۋعا ىقپال ەتەتىنىنە سەنىمىن ءبىلدىردى.
ءوز كەزەگىندە د.بەرد قابىلداۋ ءۇشىن العىس ايتا كەلىپ, ءوزىنىڭ قازاقستاندا بولۋى ەكىجاقتى قارىم-قاتىناستى ودان ءارى جاقسارتۋعا جاڭا سەرپىن بەرەتىنىن ايتتى.
– ءبىز اتوم ەنەرگياسىن بەيبىت ماقساتتا پايدالانۋ سالاسىنداعى شارتقا قول قويىلۋىن تاعاتسىز كۇتۋدەمىز. مەن بۇل ىنتىماقتاستىعىمىزدى دامىتۋدىڭ نەگىزگى ۇستىنىنىڭ ءبىرى بولادى دەپ ويلايمىن. اۋىل شارۋاشىلىعى سالاسىندا, وعان جاڭا تەحنولوگيالاردى ەنگىزۋ باعىتىندا اتقارىلعان جاقسى جۇمىستار بار. ءبىز ساۋدا-ەكونوميكالىق بايلانىستاردى ودان ءارى دامىتۋعا مۇددەلىمىز. سونداي-اق, ساياسي جانە ديپلوماتيالىق ءوزارا ىقپالداستىققا زور كوڭىل بولەمىز, – دەدى د.بەرد.
كانادا سىرتقى ىستەر ءمينيسترى استاناعا قاتىستى تاڭدانىسىن بىلدىرە كەلىپ, جاڭا ەلوردانىڭ قۇرىلىسى بولاشاق ۇرپاق ءۇشىن لايىقتى مۇرا بولاتىنداي جارقىن جەتىستىك ەكەنىن اتاپ ءوتتى.
سۋرەتتى تۇسىرگەندەر
س.بوندارەنكو, ب.وتارباەۆ.