جامبىل وبلىسىندا 11 ميلليارد 20,2 ميلليون تەڭگە يگەرىلمەي قالدى
وبلىس اكىمى قانات بوزىمباەۆ بيۋدجەتتىك قاراجاتتى يگەرۋدە ورىن العان كەمشىلىكتەر مەن ونى يگەرۋدە تۋىنداعان كەيبىر ماسەلەلەر بويىنشا كەڭەس وتكىزدى. ءوڭىر بيۋدجەتىنىڭ قارجى-قاراجاتى جوسپار بويىنشا 159 ميلليارد 324,7 ميلليون تەڭگە بولسا, 2013 جىلدىڭ 1 قاراشاسىنا دەيىن ونىڭ 148 ميلليارد 304,4 ميلليون تەڭگەسى (93,1%) يگەرىلىپتى. يگەرىلمەگەن قارجى كولەمى – 11 ميلليارد 20,2 ميلليون تەڭگە. ونىڭ ىشىندە, جەرگىلىكتى بيۋدجەت ەسەبىنەن يگەرىلمەگەن اقشا 3 ميلليارد 520,7 ميلليون تەڭگەنى قۇرايدى.
*پرەزيدەنت تاپسىرماسى قالاي ورىندالۋدا؟
جامبىل وبلىسىندا 11 ميلليارد 20,2 ميلليون تەڭگە يگەرىلمەي قالدى
وبلىس اكىمى قانات بوزىمباەۆ بيۋدجەتتىك قاراجاتتى يگەرۋدە ورىن العان كەمشىلىكتەر مەن ونى يگەرۋدە تۋىنداعان كەيبىر ماسەلەلەر بويىنشا كەڭەس وتكىزدى. ءوڭىر بيۋدجەتىنىڭ قارجى-قاراجاتى جوسپار بويىنشا 159 ميلليارد 324,7 ميلليون تەڭگە بولسا, 2013 جىلدىڭ 1 قاراشاسىنا دەيىن ونىڭ 148 ميلليارد 304,4 ميلليون تەڭگەسى (93,1%) يگەرىلىپتى. يگەرىلمەگەن قارجى كولەمى – 11 ميلليارد 20,2 ميلليون تەڭگە. ونىڭ ىشىندە, جەرگىلىكتى بيۋدجەت ەسەبىنەن يگەرىلمەگەن اقشا 3 ميلليارد 520,7 ميلليون تەڭگەنى قۇرايدى.
وبلىس بيۋدجەتى قاراجاتتارىنىڭ يگەرىلمەگەن سومالارىنىڭ 66,9%-ى دامۋ بيۋدجەتتىك باعدارلامالارى بويىنشا جيناقتالعان. دەمەك, دامۋ باعدارلامالارى بويىنشا ەسەپتى مەرزىمگە ارنالعان جوسپار 78,5%-عا ورىندالىپ, 7 ميلليارد 362,7 ميلليون تەڭگە سوماسىنداعى قاراجات يگەرىلمەي قالعان. ونىڭ 61,1%-ى نەمەسە 4 ميلليارد 494,1 ميلليون تەڭگەسى قۇرىلىس, جولاۋشىلار كولىگى جانە اۆتوموبيل جولدارى باسقارماسى بويىنشا, 9,7%-ى نەمەسە 707,6 ميلليون تەڭگەسى تاراز قالاسى بويىنشا, 6,2%-ى نەمەسە 454,5 ميلليون تەڭگەسى قورداي اۋدانى بويىنشا, 5,7%-ى نەمەسە 414,2 ميلليون تەڭگەسى جامبىل اۋدانى بويىنشا, 5,1%-ى نەمەسە 371,5 ميلليون تەڭگەسى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى بويىنشا قوردالانعان.
تاقىرىپ اۋانى تالاپ پەن ءتارتىپ تۇرعىسىندا وتكەن كەڭەس قورىتىندىسىندا ەلدىڭ الەۋمەتتىك جاعدايىن كوتەرىپ, قالا مەن دالانىڭ اجارىن اشۋ ءۇشىن بەرىلگەن قارجىنى ۋاقتىلى يگەرە الماعان باسشىلارعا وبلىس اكىمى سوگىس جاريالاپ, ەسكەرتۋ بەردى. مىسالى, وبلىس اكىمدىگىنىڭ قۇرىلىس, جولاۋشىلار كولىگى جانە اۆتوموبيل جولدارى باسقارماسىنىڭ باستىعى ر.بايتەليەۆكە جانە اۋىل شارۋاشىلىعى باسقارماسىنىڭ باستىعى ا.نۇراليەۆكە سوگىس جاريالاسا, تالاس (د.رىمتاەۆ), جامبىل (ر.رىسباي) اۋداندارى مەن تاراز قالاسىنىڭ (ب.ورىنبەكوۆ) اكىمدەرىنە ەسكەرتۋ بەردى. وبلىس اكىمدىگىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باستىعى ج.تۇياقوۆ پەن قورداي اۋدانىنىڭ اكىمى ن.كالەندەروۆتىڭ جاۋاپكەرشىلىكتەرى ەڭبەك دەمالىسىنان ورالعان سوڭ قارالاتىن بولدى.
«باس بىلەتىن وگىزگە «وك» دەگەننىڭ ءوزى ارتىق». اكىمدەر مەن باسشىلارعا دا سوگىس الىپ, ەسكەرتۋ ەستي بەرگەن جاقسى ەمەس. سوندىقتان ەڭ ابزالى – بولىنگەن اقشانى دەر كەزىندە يگەرۋ. ويتكەنى, تاياق ەتتەن وتسە, ءسوز سۇيەككە جەتەدى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.