سولتۇستىك كورەيادا جات قىلىقتار جاسادى جانە وڭتۇستىككورەيالىق تەلەباعدارلامالاردى كوردى دەپ ايىپتالعان 80 ادام ءولىم جازاسىنا كەسىلدى. بۇل تۋرالى LIGA. net سايتى حابارلادى.
ءولىم جازاسىنا بۇيىرىلعانداردى ون-وننان ءبولىپ, سولتۇستىك كورەيانىڭ 7 قالاسىندا اتتى. جات قىلىقتارعا بوي الدىردى جانە وڭتۇستىككورەيالىق تەلەباعدارلامالاردى كوردى دەپ جازعىرىلعانداردىڭ اراسىندا پورنوگرافيالىق كورىنىستەردى جاريالاپ ۇستالعاندار دا بار.
ءولىم جازاسىنا كەسىلگەندەردىڭ ءبىر توبىن اشىق ستاديوندا اتقان. الگى ستاديونعا 10 مىڭداي ادام جينالعان. ولاردىڭ اراسىندا بالالار دا بولعان. اتۋ جازاسىن ورىنداۋ ءساتىن بالالارعا دا كورسەتۋ ارنايى ۇيىمداستىرىلعان.
سولتۇستىك كورەيادا بيلىككە قارسى سويلەگەندەر, مەملەكەتتى ساتقاندار جانە لاڭكەستىك ارەكەتكە بارعاندار زاڭ بويىنشا ءولىم جازاسىنا كەسىلەتىنى بەلگىلى. الايدا, كەيىنگى ۋاقىتتاردا سولتۇستىك كورەيادا ۇساق-تۇيەككە بولا ادامدى ءولىم جازاسىنا بۇيىراتىن جاعدايلار ورىن الا باستاعان. ماسەلەن, ۇيالى تەلەفون پايدالانعاندارعا نەمەسە ازىق-ت ۇلىك ۇرلاعاندارعا ءولىم جازاسى تاعايىندالاتىن كورىنەدى.
جولدىباي بازار.