كەشە, 12 قاراشا كۇنى «سامۇرىق-قازىنا» اق باسقارما توراعاسى ومىرزاق شوكەەۆ بوكستان WBA نۇسقاسى بويىنشا ورتا سالماقتاعى الەم چەمپيونى گەننادي گولوۆكيندى قابىلدادى. اڭگىمە بارىسىندا كاسىپقوي بوكسشىنىڭ پرەزيدەنتتىڭ «استانا» كاسىپقوي سپورت كلۋبىنا كىرۋ ماسەلەسى تالقىلاندى. بۇل تۋرالى «سامۇرىق-قازىنا» اق ءباسپاسوز قىزمەتىنىڭ مالىمەتىنە سىلتەمە جاساعان Egemennews.kz ءتىلشىسى حابارلادى.
«ءبىز گەنناديدىڭ تابىستارىن زور ماقتان تۇتامىز. ول – الەمدىك دەڭگەيدەگى جۇلدىز, قۇبىلىس. ءبىز ەڭ كورنەكتى سپورتشىلاردى ءوز كلۋبىمىزعا تاڭداپ العىمىز كەلەدى. بۇل وعان ەەركشە مارتەبە بەرەدى. ءوزىنىڭ مارتەبەسىن كوتەرۋ ءۇشىن بۇل گولوۆكينگە دە كەرەك», - دەدى ءو.شوكەەۆ كەزدەسۋ بارىسىندا.
توراعا ءوز سوزىندە پرەزيدەنتتىڭ كاسىپقوي كلۋبىن قۇرۋ قازاقستاننىڭ الەمدىك ارەناداعى بەدەلىن كوتەرە ءتۇسۋ ماقساتىن كوزدەگەنىن ايتتى. «ءبىز گەنناديدىڭ وسى كلۋب ساپىندا ونەر كورسەتۋى مەن ونىڭ سپورتتاعى باستامالارى وسى ۇلكەن جۇمىسقا وراسان زور تيىمدىلىك اكەلەتىنىنە سەنىمدىمىز», - دەپ اتاپ ءوتتى ءو.شوكەەۆ.
گەننادي گولوۆكيننىڭ ايتۋىنشا, ول ءوزىنىڭ پرەزيدەنتتىڭ «استانا» سپورت جوباسى تۋى استىنا بىرىككەن سپورتشىلاردىڭ قاتارىندا ونەر كورسەتۋگە شاقىرىلعانىن زور ماقتانىش ەتەدى.
«مەن بۇدان بىلاي «استانا» كلۋبى اتىنان ونەر كورسەتەتىنىمە وتە قۋانىشتىمىن جانە ونى زور ماقتان تۇتامىن. ەندى مەنىڭ باستى دەمەۋشىم «سامۇرىق-قازىنا» ءال-اۋقات قورى بولادى. ءبىز «استانا» كلۋبىن الەمدىك دەڭگەيدە تانىتا بەرەتىن بولامىز», - دەدى كەزدەسۋدەن كەيىن گەننادي گولوۆكين.
ال گەننادي گولوۆكينمەن كەلىسىم-شارت 13 قاراشا كۇنى وتەدى دەپ كۇتىلۋدە.
2012 جىلدىڭ سوڭىندا قۇرىلعان پرەزيدەنتتىڭ «استانا» كاسىپقوي سپورت كلۋبى ءوزىنىڭ اياسىنا قازاقستاننىڭ ۇزدىك سپورت كلۋبتارىن توپتاستىرىپ كەلەدى. ونىڭ ساپىندا قازىر الەمدىك دەڭگەيدەگى «Astana Pro Team» ۆەلوسپورت كلۋبى, باسكەتبول جانە فۋتبول كوماندالارى, «بارىس» حوككەي جاساعى, «Astana Dakar Team», «Astana Arlans» بوكسشىلارى, سۋ جانە ات پولوسى ۇجىمدارى, «قازاقستان بارىسى» ۇلتتىق كۇرەس جوباسى, سونداي-اق اۋىر اتلەتيكادان وليمپيالىق ويىنداردىڭ ەكى دۇركىن چەمپيونى يليا يلين مەن مانەرلەپ سىرعاناۋدان الەم چەمپيوناتىنىڭ كۇمىس جۇلدەگەرى دەنيس تەن بار.
رۋسلان يگىلىك.