2013 جىلعى 6 تامىز, استانا قالاسى
سوت ساراپتاماسىنىڭ بەلگىلى ءبىر ءتۇرىن جۇرگىزۋ قۇقىعىنا سوت-مەديتسينالىق, سوت-پسيحياتريالىق, سوت-ناركولوگيالىق ساراپشىسى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ ەرەجەسىن بەكىتۋ تۋرالى
«قازاقستان رەسپۋبليكاسىنداعى سوت-ساراپتاما قىزمەتى تۋرالى» قازاقستان رەسپۋبليكاسىنىڭ 2010 جىلعى 20 قاڭتارداعى زاڭىنىڭ 13-بابىنا سايكەس, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوت-ساراپتاما قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2013 جىلعى 2 شىلدەدەگى قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار تۋرالى» قازاقستان رەسپۋبليكاسى پرەمەر-ءمينيسترىنىڭ 2013 جىلعى 24 شىلدەدەگى № 115-ر وكىمىن ىسكە اسىرۋ ماقساتىندا, بۇيىرامىن:1. قوسا بەرىلىپ وتىرعان سوت ساراپتاماسىنىڭ بەلگىلى ءبىر ءتۇرىن جۇرگىزۋ قۇقىعىنا سوت-مەديتسينالىق, سوت-پسيحياتريالىق, سوت-ناركولوگيالىق ساراپشىسى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ ەرەجەسى بەكىتىلسىن.2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى (ل.يۋ.پاك):1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;2) وسى بۇيرىقتى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (د.ە. اساينوۆا) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.4. «سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك بەرۋ نۇسقاۋلىعىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 19 قازانداعى № 827 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە № 6648 بولىپ تىركەلگەن, «ەگەمەن قازاقستان» گازەتىندە 2011 جىلعى 31 ناۋرىزداعى № 116-119 (26521) جاريالانعان) كۇشى جويىلدى دەپ تانىلسىن.5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.6. وسى بۇيرىق رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى دەنساۋلىق ساقتاۋ ءمينيستردىڭ مىندەتىن اتقارۋشى ە.ءبايجۇنىسوۆ.
قازاقستان رەسپۋبليكاسى دەنساۋلىق ساقتاۋ مينيستردىڭمىندەتىن اتقارۋشى 2013 جىلعى 6 تامىزداعى №457 بۇيرىعىمەن بەكىتىلگەن
سوت ساراپتاماسىنىڭ بەلگىلى ءبىر ءتۇرىن ءوندىرۋ قۇقىعىنا سوت-مەديتسينالىق, سوت-پسيحياتريالىق, سوت-ناركولوگيالىق ساراپشى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ قاعيداسى
1. جالپى ەرەجەلەر1. وسى قاعيدا «قازاقستان رەسپۋبليكاسىنداعى سوت-ساراپتاما قىزمەتى تۋرالى» قازاقستان رەسپۋبليكاسىنىڭ 2010 جىلعى 20 قاڭتارداعى زاڭىنىڭ 13-بابىنا سايكەس ازىرلەندى.2. سوت-مەديتسينالىق, سوت-پسيحياتريالىق نەمەسە سوت-ناركولوگيالىق ساراپشى (بۇدان ءارى – سوت ساراپشىسى) بىلىكتىلىگىن بەرۋ سوت ساراپتاماسىنىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك كۋالىگىن (بۇدان ءارى – بىلىكتىلىك كۋالىگى) بەرە وتىرىپ, سوت ساراپشىسىنىڭ بىلىكتىلىك ەمتيحانىن تاپسىرۋى ارقىلى جۇزەگە اسىرىلادى.3. سوت-مەديتسينالىق ساراپشى بىلىكتىلىگىن بەرۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 26 قاراشاداعى № 791 بۇيرىعىمەن بەكىتىلگەن دەنساۋلىق ساقتاۋ قىزمەتكەرلەرى لاۋازىمدارىنىڭ بىلىكتىلىك سيپاتتامالارىن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5945 بولىپ تىركەلگەن) جانە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مىندەتىن اتقارۋشىنىڭ 2009 جىلعى 11 قاراشاداعى № 691 بۇيرىعىمەن بەكىتىلگەن مەديتسينا جانە فارماتسەۆتيكا كادرلارىنىڭ بىلىكتىلىگىن ارتتىرۋ جانە قايتا دايارلاۋ قاعيداسىن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5904 بولىپ تىركەلگەن) ەسەپكە الا وتىرىپ جۇزەگە اسىرىلادى.4. سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك (بۇدان ءارى - بىلىكتىلىك) بەرۋ - بۇل قازاقستان رەسپۋبليكاسىندا سوت-مەديتسينالىق, سوت-پسيحياتريالىق, سوت-ناركولوگيالىق ساراپتامانىڭ قىزمەتىن جۇزەگە اسىرۋعا تۇلعالار دايىندىعىنىڭ كاسىبي دەڭگەيىن انىقتاۋدىڭ مىندەتتى ءراسىمى.5. سوت ساراپشىسى بىلىكتىلىگىن بەرۋ كەزىندەگى باعالاۋدىڭ نەگىزگى كريتەريى جوعارى كاسىبي دەڭگەيدە جانە سوت ساراپتاماسى سالاسىندا قازىرگى زامانعى عىلىمي جەتىستىكتەرگە, سونداي-اق قازاقستان رەسپۋبليكاسىنىڭ ازاماتتىق, اكىمشىلىك نەمەسە قىلمىستىق پروتسەسسۋالدىق زاڭناماسىنىڭ تالاپتارىنا سايكەس سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ بويىنشا وعان جۇكتەلگەن مىندەتتەردى ورىنداۋعا قابىلەتتىلىگى بولىپ تابىلادى.6. بىلىكتىلىكتى مەديتسينالىق جانە فارماتسەۆتيكالىق قىزمەتتى باقىلاۋ جونىندەگى مەملەكەتتىك ورگاننىڭ (بۇدان ءارى – مەملەكەتتىك ورگان) بىلىكتىلىك كوميسسياسى بەرەدى.7. بىلىكتىلىك ەمتيحاندارى ءوتىنىش يەسى وسى قاعيدانىڭ 9-تارماعىندا بەلگىلەنگەن قۇجاتتاردى تاپسىرعان ساتتەن باستاپ كۇنتىزبەلىك 30 كۇن ىشىندە جۇرگىزىلەدى.
2. بىلىكتىلىك ەمتيحانىن تاپسىرۋ كەزىندە ۇسىنىلاتىن قۇجاتتار8. بىلىكتىلىك ەمتيحانىنان ءوتۋ ءۇشىن ءوتىنىش يەلەرى مەملەكەتتىك ورگاننىڭ اۋماقتىق بولىمشەلەرىنە مىناداي قۇجاتتاردى:1) وسى قاعيداعا 1-قوسىمشاعا سايكەس نىسان بويىنشا ءوتىنىشتى;2) ازاماتتىڭ جەكە باسىن كۋالاندىراتىن جانە قازاقستان رەسپۋبليكاسىنىڭ ازاماتتىعىن راستايتىن قۇجاتتىڭ كوشىرمەسىن;3) ۇيىم باسشىسىنىڭ قولى قويىلعان, اتقارعان جۇمىسى, كاسىبي قىزمەتى, كوتەرمەلەگەنى تۋرالى مالىمەتتەردەن تۇراتىن قىزمەتتىك مىنەزدەمەسىن;4) جوعارى كاسىپتىك ءبىلىمى تۋرالى ديپلومىنىڭ كوشىرمەسىن (سالىستىرىپ تەكسەرۋ ءۇشىن تۇپنۇسقاسى بەرىلمەگەن جاعدايدا نوتاريات راستاعان);5) قازاقستان رەسپۋبليكاسى ەڭبەك كودەكسىنىڭ 34-بابىنا سايكەس قىزمەتكەردىڭ ەڭبەك قىزمەتىن راستايتىن قۇجاتتىڭ كوشىرمەسىن;6) قازاقستان رەسپۋبليكاسىنىڭ باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ اۋماقتىق باسقارمالارى بەرەتىن سوتتىلىعى بولماعانى تۋرالى انىقتامانى;7) قۇجاتتاردى بەرۋ مەرزىمىنەن ءبىر ايدان كەشىكتىرمەي پسيحونەۆرولوگيالىق جانە ناركولوگيالىق ديسپانسەرلەردەن الىنعان انىقتامالاردى;8) مەديتسينالىق قىزمەتپەن اينالىسۋ قۇقىعىنا بەرىلگەن مامان سەرتيفيكاتىنىڭ كوشىرمەسىن (مەديتسينالىق ءبىلىمى بار تۇلعالار ءۇشىن);9) ۇيىمنىڭ كادر قىزمەتىنىڭ باسشىسى راستاعان بىلىكتىلىكتى ارتتىرۋ, ماماندانۋ كۋرستارىنان وتكەنى تۋرالى قۇجاتتاردىڭ كوشىرمەلەرىن ۇسىنادى.9. مەملەكەتتىك ورگاننىڭ اۋماقتىق بولىمشەلەرى:1) ءوتىنىش يەسىنىڭ ءوتىنىشى نەگىزىندە «ءبىر تەرەزە» قاعيداتى بويىنشا ءوتىنىش يەلەرىنىڭ قۇجاتتارىن ء(ىس جۇرگىزۋشى تىركەگەننەن كەيىن) قابىلداۋدى جۇزەگە اسىرادى;وسى قاعيدانىڭ 8-تارماعىندا كورسەتىلگەن قۇجاتتاردى قابىلداۋ جۇمىس كۇندەرى ساعات 13-00-دەن ساعات 14-30-عا دەيىنگى تۇسكى ۇزىلىسپەن ساعات 9-00-دان ساعات 17-30-عا دەيىن جۇزەگە اسىرىلادى.قۇجاتتاردى قابىلداۋ كەزەك تارتىبىمەن جۇزەگە اسىرىلادى, الدىن الا جازىلۋ جانە جەدەلدەتىلگەن قىزمەت كورسەتۋ كوزدەلمەگەن.ۇسىنىلعان قۇجاتتاردىڭ تولىق ەمەستىگى انىقتالعان جاعدايدا مەملەكەتتىك ورگاننىڭ اۋماقتىق بولىمشەسى ەكى جۇمىس كۇنى ىشىندە قۇجاتتاردى ودان ءارى قاراۋدان جازباشا دالەلدى باس تارتۋ بەرەدى.ءوتىنىش يەسى قۇجاتتاردى تولىق كولەمدە ۇسىنعان جاعدايدا ول تەستىلەۋگە جىبەرىلەدى.مەملەكەتتىك ورگاننىڭ اۋماقتىق بولىمشەسى قۇجاتتار تۇسكەننەن كەيىن ەكى جۇمىس كۇنىنەن كەشىكتىرمەي سوت ساراپتاماسى ورگاندارىنا ءوتىنىش يەسىن تەستىلەۋدىڭ ۋاقىتى مەن كۇنى تۋرالى (جازباشا, ەلەكتروندىق تۇردە نەمەسە تەلەفونوگرامما ارقىلى) حابارلاما جىبەرەدى.2) ۇمىتكەرلەردى تەستىلەۋدەن وتكىزەدى;3) مەملەكەتتىك ورگاننىڭ بىلىكتىلىك كوميسسياسىنا (تەستىلەۋ وڭ وتكەن جاعدايدا) ۇسىنىلعان قۇجاتتاردىڭ تىزىمدەرىن, پاكەتتەرىن, تەستىلەۋ ناتيجەلەرىن اڭگىمەلەسۋگە دەيىن 10 جۇمىس كۇنىنەن كەشىكتىرمەي تاپسىرادى.
3. بىلىكتىلىك ەمتيحانىن وتكىزۋ11. بىلىكتىلىك ەمتيحانى 2 كەزەڭنەن تۇرادى:1) تەستىلەۋ;2) اڭگىمەلەسۋ.11. تەستىلەۋدى ءوتىنىش يەسىنىڭ نەگىزگى جۇمىس ورنى بويىنشا مەملەكەتتىك ورگاننىڭ اۋماقتىق بولىمشەلەرى جۇزەگە اسىرادى جانە ول اۆتوماتتاندىرىلعان كومپيۋتەرلىك تاسىلمەن ءوتىنىش يەسىنىڭ تاڭداۋى بويىنشا مەملەكەتتىك نەمەسە ورىس تىلدەرىندە جۇمىس كۇندەرى ساعات 13-00-دەن ساعات 14-30-عا دەيىنگى تۇسكى ۇزىلىسپەن ساعات 9-00-دەن ساعات 18-30-عا دەيىن جۇرگىزىلەدى. ماماندىق بويىنشا تەست سۇراقتارىنىڭ سانى - 50. تەستىلەۋگە بەرىلەتىن جالپى ۋاقىت 60 مينۋتتى قۇرايدى.تەستىلەۋدەن ءوتۋ ءۇشىن باستاپقى دەڭگەي دۇرىس جاۋاپتىڭ 60 %-ىن قۇرايدى.ناتيجەلەرى ەكى دانادا باسىلادى, ونىڭ بىرەۋى ءوتىنىش يەسىنە بەرىلەدى, ەكىنشىسى ءوتىنىش يەسىنىڭ قولى قويىلىپ, مەملەكەتتىك ورگاننىڭ اۋماقتىق بولىمشەسىندە ساقتالادى.12. تەستىلەۋ ناتيجەلەرى تاپسىرعان كۇننەن باستاپ جىل بويى كۇشىندە بولادى.13. ەگەر تەستىلەۋدىڭ ناتيجەلەرى بەلگىلەنگەن شەكتى دەڭگەيدەن تومەن بولسا, ءوتىنىش يەسى بىلىكتىلىك ەمتيحانىنىڭ كەلەسى كەزەڭىنە جىبەرىلمەيدى جانە تەستىلەۋدىڭ تەرىس ناتيجەسىن العان ساتتەن باستاپ كەمىندە ءۇش ايدان كەيىن قايتا وتە الادى.14. اڭگىمەلەسۋدى مەملەكەتتىك ورگان جۇمىس كۇندەرى ساعات 13-00-دەن ساعات 14-30-عا دەيىنگى تۇسكى ۇزىلىسپەن ساعات 9-00-دەن ساعات 18-30-عا دەيىن بەلگىلى كەستە بويىنشا جۇرگىزەدى.15. مەملەكەتتىك ورگان اڭگىمەلەسۋدى جۇرگىزۋ ءۇشىن مەملەكەتتىك ورگاننىڭ, دەنساۋلىق ساقتاۋ سالاسىنداعى عىلىمي ۇيىمدار مەن ءبىلىم بەرۋ ۇيىمدارىنىڭ, سوت ساراپتاماسى ورگاندارىنىڭ جانە ۇكىمەتتىك ەمەس ۇيىمداردىڭ وكىلدەرى اراسىنان بىلىكتىلىك كوميسسياسىن (بۇدان ءارى - كوميسسيا) قۇرادى.بىلىكتىلىك كوميسسياسى مۇشەلەرىنىڭ اراسىنان توراعا بولىپ مەملەكەتتىك ورگاننىڭ وكىلى تاعايىندالادى. كوميسسيا مۇشەلەرىنىڭ سانى جەتى ادامنان كەم بولماۋى ءتيىس.كوميسسيانىڭ قىزمەتىن ۇيىمداستىرۋدى كوميسسيا حاتشىسى قامتاماسىز ەتەدى. كوميسسيا حاتشىسى مەملەكەتتىك ورگاننىڭ حاتشىسى بولىپ تابىلادى جانە ونىڭ داۋىس بەرۋ قۇقىعى بولمايدى.اڭگىمەلەسۋ قازاقستان رەسپۋبليكاسىنىڭ دەنساۋلىق ساقتاۋ جانە سوت ساراپتاماسى سالاسىنداعى زاڭنامانى ءبىلۋىن تەكسەرۋ ءۇشىن جۇرگىزىلەدى.16. كوميسسيانىڭ وتىرىسى مەملەكەتتىك ورگاننىڭ ءبىرىنشى باسشىسى بەلگىلەگەن مەرزىمدە, بىراق جىلىنا كەمىندە ەكى رەت جۇرگىزىلەدى.17. كوميسسيانىڭ شەشىمى كوميسسيا مۇشەلەرىنىڭ جالپى سانىنىڭ كەمىندە 2/3 قاتىسقاندا زاڭدى دەپ سانالادى. داۋىس بەرۋ ناتيجەلەرى وتىرىسقا قاتىسقان كوميسسيا مۇشەلەرىنىڭ كوپشىلىك داۋسىمەن انىقتالادى. داۋىستار تەڭ بولعان جاعدايدا كوميسسيا توراعاسى داۋىس بەرگەن شەشىم قابىلدانادى.18. بىلىكتىلىك ەمتيحانىنىڭ ناتيجەلەرى بويىنشا كوميسسيا كەلەسى شەشىمدەردىڭ ءبىرىن شىعارادى:1) بىلىكتىلىك كۋالىگىن سوت ساراپشىلارىنىڭ مەملەكەتتىك تىركەلىمىنە كەيىن ەنگىزە وتىرىپ بەرۋ; 2) بىلىكتىلىك كۋالىگىن بەرۋدەن باس تارتۋ.19. كوميسسيا حاتشىسى وسى قاعيداعا 2-قوسىمشاعا سايكەس نىسان بويىنشا اڭگىمەلەسۋ حاتتاماسىن (بۇدان ءارى – حاتتاما) جۇرگىزەدى, وعان حاتشى جانە قاتىسىپ وتىرعان بارلىق كوميسسيا مۇشەلەرى قول قويادى.20. بىلىكتىلىك كۋالىگىن بەرۋ نەمەسە بەرۋدەن باس تارتۋ تۋرالى شەشىم مەملەكەتتىك ورگاننىڭ ءبىرىنشى باسشىسىنىڭ بۇيرىعى تۇرىندە راسىمدەلەدى.21. سوت-مەديتسينالىق, سوت-پسيحياتريالىق, سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بەرىلەتىن بىلىكتىلىك كۋالىگى وسى قاعيداعا 3-قوسىمشاعا سايكەس نىسان بويىنشا بەرىلەدى.22. بىلىكتىلىك كوميسسياسىنىڭ حاتشىسى بىلىكتىلىك كۋالىكتەرىن بەرۋدى تىركەۋ جۋرنالىن جۇرگىزەدى, سونداي-اق بىلىكتىلىك ەمتيحانىنان وتكەن ادامداردى سوت ساراپشىلارىنىڭ بىرىڭعاي تىزىلىمىنە ەنگىزۋ ءۇشىن ادىلەت ورگاندارىنا ءتيىستى اقپاراتتى جىبەرەدى.23. اڭگىمەلەسۋدەن وتپەگەن مامان بىلىكتىلىك ەمتيحانىن ماماندىعى بويىنشا كەمىندە 108 ساعات بىلىكتىلىكتى ارتتىرۋ كۋرسىنان وتكەن جاعدايدا, التى ايدان كەيىن قايتادان وتە الادى.
4. قورىتىندى ەرەجەلەر24. مەملەكەتتىك ورگاننىڭ بىلىكتىلىك كۋالىگىن بەرۋدەن باس تارتۋ تۋرالى شەشىمىنە تىكەلەي مەملەكەتتىك ورگاندا نەمەسە سوتتا شاعىمدانۋعا بولادى.
سوت ساراپشىسى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ قاعيداسىنا 1-قوسىمشا
نىسان
مەملەكەتتىك ورگاننىڭ باسشىسىنا_______________________________(مەملەكەتتىك ورگان) (كىمنەن) _______________________________(تەگى, اتى, اكەسىنىڭ ءاتى)وتىنىش
سىزدەن ____________________________________________________________________________________________________________________________________________________________ماماندىعى بويىنشا مەنى سوت ساراپتاماسىن ءوندىرۋ قۇقىعىنا بىلىكتىلىك ەمتيحانىنا جىبەرۋىڭىزدى سۇرايمىن.ماماندىعىم بويىنشا جۇمىس ءوتىلىم ___________________________________________________________________________________________________________(تولتىرىلعان كۇنى)___________________________(وتىنىش يەسىنىڭ قولى)سوت ساراپشىسى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ قاعيداسىنا 2-قوسىمشا
نىسانبىلىكتىلىك كوميسسياسى وتىرىسىنىڭ20__جىلعى «__»_________________№ حاتتاماسى
1. تەگى, اتى, اكەسىنىڭ اتى____________________________________________________________________________________________________________________________2. ماماندىعى_____________________________________________________ ________________________________________________________________________________3. تەستىلەۋ ناتيجەلەرى______________________________________________________________________________________________________________________________4. اڭگىمەلەسۋ ناتيجەلەرى:سۇراق___________________________________________________________جاۋاپ_____________________________________________________________سۇراق____________________________________________________________جاۋاپ______________________________________________________________سۇراق_____________________________________________________________جاۋاپ____________________________________________________________
5. بىلىكتىلىك كوميسسياسى مۇشەلەرىنىڭ شەشىم قابىلداۋ بويىنشا داۋىس بەرۋ ناتيجەلەرى: «قوسىلامىن» _______, «قارسىمىن» ______ 6. بىلىكتىلىك كوميسسياسىنىڭ شەشىمى________________________________________________________________________________________________________________________________________________________________________________________________________________________________________________قولدارى:كوميسسيا توراعاسى: ______________________________________________كوميسسيا مۇشەلەرى: _________________________________________________________________________________________________________________كوميسسيا حاتشىسى: ______________________________________________
سوت ساراپشىسى بىلىكتىلىگىن بەرۋ ءۇشىن بىلىكتىلىك ەمتيحاندارىن قابىلداۋ قاعيداسىنا 3-قوسىمشا
نىسانسوت ساراپتاماسىن ءوندىرۋ قۇقىعىنا بەرىلەتىن بىلىكتىلىك كۋالىگىوسى كۋالىك ________________________________________________________________________________________________________________________________________________________________ (تەگى, اتى, اكەسىنىڭ اتى)_______________________________________________________________________________________________________________________________________________________________ ماماندىعى بويىنشا سوت ساراپتاماسىن ءوندىرۋ قۇقىعىنا بىلىكتىلىك بەرىلگەنىن راستاۋ ءۇشىن بەرىلدى.بىلىكتىلىك كۋالىگىن بەرۋ تۋرالى شەشىم شىعارعان مەملەكەتتىك ورگان باسشىسىنىڭ 20__جىلعى «___» № ____ بۇيرىعىتىركەۋ № _____بەرىلگەن كۇنى 20__جىلعى «___»___________بەرىلگەن ورنى: ____________
بىلىكتىلىك كۋالىگىن بەرۋ تۋرالى شەشىم شىعارعان مەملەكەتتىك ورگان باسشىسىنىڭ قولى ______________________________ (___________) ت.ا ءا.م.و.__________________________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 27 تامىزدا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8664 بولىپ ەنگىزىلدى.