2013 جىلعى 26 تامىز, استانا, ۇكىمەت ءۇيى
قىزمەتكەردىڭ مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن اي سايىنعى تابىسىن ايقىنداۋ قاعيدالارىن بەكىتۋ تۋرالى
«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسىنىڭ زاڭى 26-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان قىزمەتكەردىڭ مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن اي سايىنعى تابىسىن ايقىنداۋ قاعيدالارى بەكىتىلسىن.2. «ەرىكتى كاسىپتىك زەينەتاقى جارنالارىن ەسەپتەۋ ءۇشىن قابىلداناتىن اي سايىنعى تابىستى بەلگىلەۋ ەرەجەسىن جانە سالىمشىلار ءوز قاراجاتى ەسەبىنەن ولاردىڭ پايداسىنا ەرىكتى كاسىپتىك زەينەتاقى جارنالارىن جۇزەگە اسىراتىن قىزمەتكەرلەر كاسىپتەرىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 15 مامىرداعى № 452 قاۋلىسىنىڭ كۇشى جويىلدى دەپ تانىلسىن.3. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى №849 قاۋلىسىمەن بەكىتىلگەن
قىزمەتكەردىڭ مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن اي سايىنعى تابىسىن ايقىنداۋ قاعيدالارى1. وسى قىزمەتكەردىڭ مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن اي سايىنعى تابىسىن ايقىنداۋ قاعيدالارى (بۇدان ءارى -قاعيدالار) «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسىنىڭ زاڭىنا سايكەس ازىرلەندى جانە بىرىڭعاي جيناقتاۋشى زەينەتاقى قورىنا قىزمەتكەردىڭ مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن اي سايىنعى تابىسىن ايقىنداۋ ءتارتىبىن بەلگىلەيدى.2. مىندەتتى كاسىپتىك زەينەتاقى جارنالارىنىڭ سالىمشىلارى مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن تابىستى قىزمەتكەردىڭ ءبىر ايدا ەسەپتەلگەن تابىسىنىڭ سوماسىنا قاراي ەسەپتەيدى.3. مىندەتتى كاسىپتىك زەينەتاقى جارنالارىن ەسەپتەۋ كەزىندە قىزمەتكەردىڭ اقشالاي نىساندا ەڭبەككە اقى تولەۋ تۇرىندە الاتىن مىناداي تابىستارى: لاۋازىمدىق جالاقىلار (تاريفتىك مولشەرلەمەلەر), قوسىمشا اقىلار, ۇستەمەاقىلار, وتەماقى تولەمدەرى, سىيلىقاقىلار ەسكەرىلەدى.4. مىندەتتى كاسىپتىك زەينەتاقى جارنالارىن ەسەپتەۋ كەزىندە تولەمدەردىڭ مىناداي تۇرلەرى ەسكەرىلمەيدى:1) جۇمىس رەجيمىنە جانە ەڭبەك جاعدايلارىنا بايلانىستى بەرىلەتىن وتەماقى تولەمدەرى:ەكولوگيالىق اپات نەمەسە يادرولىق سىناق پوليگونىندا يادرولىق سىناقتار سالدارىنان زارداپ شەككەن ازاماتتاردى الەۋمەتتىك قورعاۋ تۋرالى قازاقستان رەسپۋبليكاسىنىڭ زاڭناماسىنا سايكەس تولەمدەر;دالالىق جاعدايلاردا كەن-بارلاۋ, توپوگرافيالىق-گەودەزيالىق جانە ىزدەستىرۋ جۇمىستارىمەن اينالىساتىن قىزمەتكەرلەرگە قازاقستان رەسپۋبليكاسىنىڭ زاڭناماسىندا بەلگىلەنگەن مولشەردە بەرىلەتىن دالالىق ۇلەس;تۇراقتى جۇمىسى جول ۇستىندە وتەتىن نەمەسە ءجۇرىپ-تۇرۋ سيپاتىندا بولعان جاعدايلاردا نە قىزمەت كورسەتەتىن ۋچاسكەلەر شەگىندەگى قىزمەتتىك جول جۇرۋلەرگە بايلانىستى, قازاقستان رەسپۋبليكاسىنىڭ زاڭناماسىندا بەلگىلەنگەن مولشەردە تولەنەتىن تولەمدەر;2) جۇمىس بەرۋشىنىڭ قىزمەتكەرگە پايدالانىلماعان ەڭبەك دەمالىسى ءۇشىن تولەيتىن وتەماقىلارى;3) ۇيىم تاراتىلعان نەمەسە جۇمىس بەرۋشى قىزمەتىن توقتاتقان, قىزمەتكەرلەردىڭ سانى نەمەسە شتاتى قىسقارعان جاعدايلاردا ەڭبەك شارتى بۇزىلعان كەزدە تولەنەتىن وتەماقىلار ەسەپتەلمەيدى.5. مىندەتتى كاسىپتىك زەينەتاقى جارنالارىنىڭ سالىمشىلارى مىندەتتى كاسىپتىك زەينەتاقى جارنالارىن ءوز قاراجاتى ەسەبىنەن كاسىپتەرى قازاقستان رەسپۋبليكاسىنىڭ ۇكىمەتى ايقىنداعان وندىرىستەر, جۇمىستار, قىزمەتكەرلەردىڭ كاسىپتەرى تىزبەسىندە كوزدەلگەن قىزمەتكەرلەردىڭ پايداسىنا جۇزەگە اسىرادى.6. مىندەتتى كاسىپتىك زەينەتاقى جارنالارىنىڭ مولشەرلەمەسى قىزمەتكەردىڭ وسى قاعيدالارعا سايكەس ەسەپتەلگەن اي سايىنعى تابىسىنان بەس پايىز مولشەردە بەلگىلەنەدى.