2013 جىلعى 26 تامىز, استانا, ۇكىمەت ءۇيى
حالىقارالىق تەمىرجول جانە اۆتوموبيل قاتىناسى جولدارىنىڭقازاقستان رەسپۋبليكاسىنىڭ مەملەكەتتىك شەكاراسىنان وتكىزۋپۋنكتتەرىنە دەيىنگى ۋچاسكەلەرىن بەلگىلەۋگە جانە جابدىقتاۋعا قويىلاتىنتالاپتاردى جانە ولار بويىنشا ءجۇرۋ قاعيدالارىن, سونداي-اق قازاقستانرەسپۋبليكاسىنىڭ مەملەكەتتىك شەكاراسىندا ورنالاسقان حالىقارالىقشەكارا ماڭى ىنتىماقتاستىعى ورتالىعى پەريمەترىنىڭ قازاقستاندىقبولىگىن جابدىقتاۋعا قويىلاتىن تالاپتاردى بەكىتۋ تۋرالى
«قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭى 55-بابىنىڭ 11) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان حالىقارالىق تەمىرجول جانە اۆتوموبيل قاتىناسى جولدارىنىڭ قازاقستان رەسپۋبليكاسىنىڭ مەملەكەتتىك شەكاراسىنان وتكىزۋ پۋنكتتەرىنە دەيىنگى ۋچاسكەلەرىن بەلگىلەۋگە جانە جابدىقتاۋعا قويىلاتىن تالاپتار جانە ولار بويىنشا ءجۇرۋ قاعيدالارى, سونداي-اق قازاقستان رەسپۋبليكاسىنىڭ مەملەكەتتىك شەكاراسىندا ورنالاسقان حالىقارالىق شەكارا ماڭى ىنتىماقتاستىعى ورتالىعى پەريمەترىنىڭ قازاقستاندىق بولىگىن جابدىقتاۋعا قويىلاتىن تالاپتار بەكىتىلسىن.2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى №843 قاۋلىسىمەن بەكىتىلگەن
حالىقارالىق تەمىرجول جانە اۆتوموبيل قاتىناسى جولدارىنىڭ قازاقستان رەسپۋبليكاسىنىڭ مەملەكەتتىك شەكاراسىنان وتكىزۋ پۋنكتتەرىنە دەيىنگى ۋچاسكەلەرىن بەلگىلەۋگە جانە جابدىقتاۋعا قويىلاتىن تالاپتار جانە ولار بويىنشا ءجۇرۋ قاعيدالارى, سونداي-اق قازاقستان رەسپۋبليكاسىنىڭ مەملەكەتتىك شەكاراسىندا ورنالاسقان حالىقارالىق شەكارا ماڭى ىنتىماقتاستىعى ورتالىعى پەريمەترىنىڭ قازاقستاندىق بولىگىن جابدىقتاۋعا قويىلاتىن تالاپتار
1. جالپى ەرەجەلەر1. وسى حالىقارالىق تەمىرجول جانە اۆتوموبيل قاتىناسى جولدارىنىڭ قازاقستان رەسپۋبليكاسىنىڭ مەملەكەتتىك شەكاراسىنان وتكىزۋ پۋنكتتەرىنە دەيىنگى ۋچاسكەلەرىن بەلگىلەۋگە جانە جابدىقتاۋعا قويىلاتىن تالاپتار جانە ولار بويىنشا ءجۇرۋ قاعيدالارى, سونداي-اق قازاقستان رەسپۋبليكاسىنىڭ مەملەكەتتىك شەكاراسىندا ورنالاسقان حالىقارالىق شەكارا ماڭى ىنتىماقتاستىعى ورتالىعى پەريمەترىنىڭ قازاقستاندىق بولىگىن جابدىقتاۋعا قويىلاتىن تالاپتار «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭىنا سايكەس ازىرلەندى جانە حالىقارالىق تەمىرجول جانە اۆتوموبيل قاتىناسى جولدارىنىڭ قازاقستان رەسپۋبليكاسىنىڭ مەملەكەتتىك شەكاراسىنان وتكىزۋ پۋنكتتەرىنە دەيىنگى ۋچاسكەلەرىن بەلگىلەۋگە جانە جابدىقتاۋعا قويىلاتىن تالاپتاردى جانە ولار بويىنشا ءجۇرۋ ءتارتىبىن, سونداي-اق قازاقستان رەسپۋبليكاسىنىڭ مەملەكەتتىك شەكاراسىندا ورنالاسقان حالىقارالىق شەكارا ماڭى ىنتىماقتاستىعى ورتالىعى پەريمەترىنىڭ قازاقستاندىق بولىگىن جابدىقتاۋعا قويىلاتىن تالاپتاردى بەلگىلەيدى.
2. حالىقارالىق تەمىرجول جانە اۆتوموبيل قاتىناسى جولدارىنىڭ قازاقستان رەسپۋبليكاسىنىڭ مەملەكەتتىك شەكاراسىنان وتكىزۋ پۋنكتتەرىنە دەيىنگى ۋچاسكەلەرىن بەلگىلەۋگە جانە جابدىقتاۋعا قويىلاتىن تالاپتار جانە ولار بويىنشا ءجۇرۋ قاعيدالارى2. حالىقارالىق تەمىرجول جانە اۆتوموبيل قاتىناسى جولدارىنىڭ قازاقستان رەسپۋبليكاسى مەملەكەتتىك شەكاراسىنان وتكىزۋ پۋنكتتەرىنە دەيىنگى ۋچاسكەلەرى (بۇدان ءارى – تەمىرجول جانە اۆتوموبيل جولدارىنىڭ ۋچاسكەلەرى) كولىكتىڭ قوزعالىس باعىتى بويىنشا اقپاراتتىق قالقاندارمەن, بەلگىلەرمەن بەلگىلەنەدى, ولاردا جول قوزعالىسىنىڭ قاۋىپسىزدىگى تۋرالى قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسى مەملەكەتتىك شەكاراسىن كەسىپ ءوتۋ تۋرالى نەمەسە اقپاراتتىق قالقاننىڭ ورنالاسۋ ورنىنان قازاقستان رەسپۋبليكاسىنىڭ مەملەكەتتىك شەكاراسىنا دەيىنگى اراقاشىقتىق تۋرالى اقپارات, سونداي-اق قازاقستان رەسپۋبليكاسىنىڭ زاڭناماسىندا بەلگىلەنگەن وسى ۋچاسكەلەردەگى شەكتەۋلەر تۋرالى اقپارات ورنالاستىرىلادى. اقپارات مەملەكەتتىك, ورىس, اعىلشىن تىلدەرىندە جانە قاجەت بولعان جاعدايدا كورشىلەس مەملەكەتتىڭ رەسمي تىلىندە ورنالاستىرىلادى.3. تەمىرجول جانە اۆتوموبيل جولدارىنىڭ ۋچاسكەلەرىن جابدىقتاۋدى كولىك جانە كوممۋنيكاتسيا سالاسىنداعى ۋاكىلەتتى مەملەكەتتىك ورگان, سونداي-اق جەرگىلىكتى اتقارۋشى ورگاندار قازاقستان رەسپۋبليكاسىنىڭ اۆتوموبيلدىك جولدار جانە تەمىرجول كولىگى تۋرالى زاڭناماسىنا سايكەس جۇزەگە اسىرادى.تەمىرجول جانە اۆتوموبيل جولدارى ۋچاسكەلەرىن جابدىقتاۋ جونىندەگى, ونىڭ ىشىندە ءتيىستى بەلگىلەر مەن قوزعالىستى ۇيىمداستىرۋدىڭ تەحنيكالىق قۇرالدارىن ورناتۋ جونىندەگى جۇمىستاردى جۇرگىزۋ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىمەن كەلىسىلەدى.4. قازاقستان رەسپۋبليكاسىنىڭ مەملەكەتتىك شەكاراسىنان وتكىزۋ پۋنكتتەرىنە دەيىن تەمىرجول جانە اۆتوموبيل جولدارىنىڭ ۋچاسكەلەرىندە ادامدار مەن كولىك قۇرالدارىنىڭ قوزعالىسى بارىسىندا ءجۇرۋدىڭ مىناداي ءتارتىبى بەلگىلەنەدى:1) قوزعالىس تەك بەلگىلەنگەن مارشرۋت بويىنشا عانا جۇزەگە اسىرىلادى;2) ادامداردى ءتۇسىرۋ (وتىرعىزۋ), جۇكتەردى جانە تاۋارلاردى ءتۇسىرۋ (تيەۋ) ماقساتىندا توقتاۋعا, وتكىزۋ پۋنكتتەرىنە كىرۋ كەزىندە كەپتەلىستەردى تۋعىزۋعا رۇقسات ەتىلمەيدى;3) تەمىرجول قۇرامدارىنىڭ, ونىڭ ىشىندە جەكە جۇرەتىن تەپلوۆوزداردىڭ (لوكوموتيۆتەردىڭ) توقتاۋى قوزعالىس قاۋىپسىزدىگىن قامتاماسىز ەتۋ ماقساتىندا قارسى كەلە جاتقان قۇرامداردى وتكىزۋ ءۇشىن عانا جۇزەگە اسىرىلادى;4) قازاقستان رەسپۋبليكاسى مەملەكەتتىك شەكاراسىن كەسىپ ءوتۋدى ماقسات ەتپەگەن جولاۋشىلاردى ءتۇسىرۋ جانە وتىرعىزۋ ماقساتىندا جولاۋشىلار پويىزدارىنىڭ, جەرگىلىكتى (قالا ماڭى) پويىزداردىڭ, وسىنداي ۋچاسكەلەردە ورنالاسقان ستانتسيالاردا (رازەزدەردە) توقتاۋىنا مۇنداي كولىك قۇرالدارىن شەكارالىق ناريادتار الىپ جۇرگەن جاعدايدا رۇقسات بەرىلەدى.
3. قازاقستان رەسپۋبليكاسىنىڭ مەملەكەتتىك شەكاراسىنداورنالاسقان حالىقارالىق شەكارا ماڭى ىنتىماقتاستىعى ورتالىعىپەريمەترىنىڭ قازاقستاندىق بولىگىن جابدىقتاۋعا قويىلاتىن تالاپتار5. حالىقارالىق شەكارا ماڭى ىنتىماقتاستىعى ورتالىعىنىڭ قازاقستاندىق بولىگى قازاقستان رەسپۋبليكاسى مەملەكەتتىك شەكاراسىنىڭ رەجيمىن قامتاماسىز ەتۋ ماقساتىندا قازاقستان رەسپۋبليكاسىنىڭ مەملەكەتتىك شەكاراسى سىزىعىنان ون مەتردەن جاقىن ەمەس جەردە ورنالاسادى جانە ونىڭ بەينەباقىلاۋ, سيگناليزاتسيا جۇيەلەرىمەن, جارىقتاندىرۋ قۇرىلعىلارىمەن, سونداي-اق شەكارا ناريادتارىنىڭ ءجۇرىپ-تۇرۋى ءۇشىن وتەتىن جەرلەرمەن جابدىقتالاتىن قورشاۋلارى بولۋى ءتيىس.6. قورشاۋ پەريمەترىنىڭ ىشكى جاعىنان حالىقارالىق شەكارا ماڭى ىنتىماقتاستىعى ورتالىعىنىڭ قاۋىپسىزدىك بولىمشەلەرى, قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ بولىمشەسى حالىقارالىق شەكارا ماڭى ىنتىماقتاستىعى ورتالىعىنىڭ قازاقستاندىق بولىگىنە قىزمەت كورسەتۋى جانە كۇزەتۋى ءۇشىن جول جابدىقتالادى.7. حالىقارالىق شەكارا ماڭى ىنتىماقتاستىعى ورتالىعىنىڭ قازاقستاندىق بولىگى شەكتەس مەملەكەتتىڭ حالىقارالىق شەكارا ماڭى ىنتىماقتاستىعى ورتالىعىنىڭ بولىگىمەن ادامداردىڭ, كولىك قۇرالدارىنىڭ جانە جۇكتەردىڭ ورىن اۋىستىرۋى ءۇشىن ارنايى وتكەلمەن قوسىلادى.قاۋىپسىزدىكتى قامتاماسىز ەتۋ مۇددەسىندە شەكتەس مەملەكەتتەردىڭ بولىكتەرى اراسىندا ۋاقىتشا باقىلاۋدى ەنگىزۋ نەمەسە قاتىناستى توقتاتۋ ءۇشىن ارنايى وتكەلدىڭ قاجەتتى ينفراقۇرىلىمى (قۇرىلىسى) بولۋى ءتيىس. كورسەتىلگەن ينفراقۇرىلىمدى (قۇرىلىستاردى) پايدالانۋ ءتارتىبى حالىقارالىق كەلىسىمدەرمەن بەلگىلەنەدى.8. حالىقارالىق شەكارا ماڭى ىنتىماقتاستىعى ورتالىعى قازاقستاندىق بولىگىنىڭ اۋماعىنا كىرۋ-شىعۋ ورىندارىندا شەكارالىق, كەدەندىك جانە باقىلاۋدىڭ باسقا دا تۇرلەرىن وتكىزۋ ءۇشىن قاجەتتى ينفراقۇرىلىمى بار پۋنكتتەر (دالىزدەر) قۇرىلادى.