مەكسيكادان اقش-قا ەسىرتكى جانە باسقا دا كونتراباندالىق زاتتار تاسىمالدانىپ كەلگەن جەراستى جولى تابىلدى. بۇل تۋرالى NTD تەلەارناسى حابارلادى.
اتالعان جەراستى جولىمەن مەكسيكانىڭ تيحۋانا قالاسىنان اقش-تىڭ سان-ديەگو شاھارىنا كەدەرگىسىز جەتۋگە بولادى ەكەن.
اقش-تىڭ ارنايى قىزمەتىنىڭ وكىلدەرى «سۋپەر توننەل» دەپ ايدار تاققان بۇل جول اسا ىجداھاتتىلىقپەن سالىنىپتى. زامان تالابىنا ساي جابدىقتالعان «سۋپەر توننەلگە» ەلەكتر جۇيەسى, جەلدەتكىش قۇرىلعىلارى, گيدراۆليكالىق ەسىكتەر ورناتىلىپ, ەلەكتروندى تەمىر جول توسەلگەن.
بيلىك ورىندارى بۇل جەراستى جولىن ەسىرتكى ساۋداسىمەن كەڭ اۋقىمدا شۇعىلداناتىن مەكسيكالىق «سينالوا» توبى پايدالانىپ كەلگەن دەپ ەسەپتەپ وتىر.
ۇزىندىعى 536 مەتردى قۇرايتىن «سۋپەر توننەل» سان-ديەگو وندىرىستىك ايماعىنا قاراستى قويمالاردىڭ بىرىنە بارىپ تۇيىقتالىپتى.
توننەلدى تەكسەرۋ بارىسىندا ءۇش ادام تۇتقىندالعان. سونداي-اق, 7700 كيلوگرامم ماريحۋانا مەن 147 كيلوگرامم كوكاين تابىلعان.
2008 جىلدان بەرى مەكسيكا مەن اقش-تىڭ وڭتۇستىك-باتىس شەكاراسىنان 75 جەراستى جولى تابىلعان.
جولدىباي بازار.