اقش پرەزيدەنتى باراك وباما گۋانتانامو تۇرمەسىن جابۋ ماسەلەسىنە قاتىستى ءتيىستى ورىنداردىڭ وكىلدەرىمەن كەزدەستى. بۇل تۋرالى ربك سايتى حابارلادى.
كەزدەسۋ بارىسىندا باراك وباما گۋانتانامونىڭ جابىلۋى قاجەت دەپ ەسەپتەيتىنىن جەتكىزدى. ونىڭ بۇل نيەتىن اقش قورعانىس مينيسترلىگى مەن مەملەكەتتىك دەپارتامەنتىنىڭ وكىلدەرى قولدادى.
باراك وباما پرەزيدەنتتىك سايلاۋعا ءتۇسىپ جاتقان كەزىندە اتالعان تۇرمەنى جابامىن دەپ ۋادە بەرگەن. كەيىننەن وسى ۋادەسىن ورىنداۋعا تالپىنعان دا بولاتىن. بىراق, ونىڭ ويىن اقش كونگرەسى ماقۇلداماي تاستاعان.
دەگەنمەن, اقش پرەزيدەنتى 2013 جىلدىڭ مامىرىندا گۋانتاناموداعى تۇتقىنداردى اقش ايماعىنا اكەلۋ ءۇشىن ارنايى ورىن دايىنداۋدى پەنتاگونعا تاپسىرعان.
باراك وباما اقش كونگرەسىنەن گۋانتانامونى جابۋعا قارجى ءبولۋدى سۇراۋدا.
قازىرگى تاڭدا 2001 جىلدىڭ 11 قىركۇيەگىندە قۇرىلعان گۋانتانامو تۇرمەسىندە 164 ادام قامالىپ وتىر. ءبىر قىزىعى, ولاردىڭ كەيبىرەۋلەرىنە قانداي ايىپ تاعىلعانى دا بەلگىسىز كورىنەدى.
جولدىباي بازار.