سيريادا گۋمانيتارلىق كومەكتى قاجەت ەتەتىن ادام سانى 9 ميلليوننان استى. بۇل تۋرالى يتار-تاسس حابارلادى.
بۇۇ-نىڭ گۋمانيتارلىق ماسەلەلەر جونىندەگى باسقارماسىنىڭ رەسمي وكىلى اماندا ءپيتتىڭ ايتۋى بويىنشا, بۇۇ باس حاتشىسىنىڭ ورىنباسارى ۆالەري اموس قاۋىپسىزدىك كەڭەسىنىڭ وتىرىسىندا سيرياداعى گۋمانيتارلىق جاعدايدىڭ ءالى دە كۇرت تومەندەپ بارا جاتقانىن ايتىپ, مالىمدەمە جاساعان. «ءبىزدىڭ دەرەكتەرىمىز بويىنشا, بۇگىنگى تاڭدا سيريادا 9,3 ملن. ادام گۋمانيتارلىق كومەككە مۇقتاج», – دەدى اماندا پيتت. ول سونداي-اق ۆالەري اموستىڭ بۇۇ قاۋىپسىزدىك كەڭەسىن سيرياداعى بەيبىت تۇرعىندارعا كومەك كورسەتىپ, گۋمانيتارلىق كومەكتىڭ جەتكىزىلۋى مەن مەديتسينالىق پەرسونالدىڭ قاۋىپسىزدىگىن قامتاماسىز ەتۋ ءۇشىن ونداعى تاراپتارعا ىقپال ەتۋىن سۇرادى. بۇل شارالاردىڭ بارلىعى 2 قازاندا قابىلدانعان قاۋىپسىزدىك كەڭەسى توراعاسىنىڭ مالىمدەمەسىندە قاراستىرىلعان بولاتىن.
ايدار ورىسباەۆ.