كەشە ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ وتكىزگەن ءداستۇرلى بريفينگتە اعىمداعى اپتاعا جوسپارلانعان نەگىزگى شارالار حابارلاندى.
كەشە ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ وتكىزگەن ءداستۇرلى بريفينگتە اعىمداعى اپتاعا جوسپارلانعان نەگىزگى شارالار حابارلاندى.
اتاپ ايتار بولساق, اپتانىڭ باستى ءىس-شاراسى 10-11 قاراشادا رەسەيدىڭ ەكاتەرينبۋرگ قالاسىندا وتەتىن قازاقستان مەن رەسەي اراسىنداعى ايماقارالىق فورۋم بولعالى وتىر. وعان ەكى ەلدىڭ پرەزيدەنتتەرى قاتىسادى دەپ جوسپارلانعان. وسى اپتانىڭ ەنشىسىندەگى تاعى ءبىر ايتۋلى شارا – 5-11 قاراشا ارالىعىندا قىتاي حالىق رەسپۋبليكاسىندا وتەتىن قازاقستاننىڭ مادەني كۇندەرى. سونىمەن قاتار, 6 قاراشادا بەيجىڭدە قازاقستان رەسپۋبليكاسىنىڭ مادەنيەت جانە اقپارات مينيسترى مۇحتار قۇل-مۇحاممەدتىڭ قاتىسۋىمەن ەكى ەل اراسىنداعى مادەني-گۋمانيتارلىق ىنتىماقتاستىق جونىندەگى كىشى كوميتەتتىڭ 9-شى وتىرىسىن وتكىزۋ جوسپارلانعان.
ال 6-7 قاراشادا الماتىدا مەديتسينالىق-سانيتارلىق العاشقى كومەك جونىندەگى دۇنيەجۇزىلىك دەنساۋلىق ساقتاۋ ۇيىمى – بىرىككەن ۇلتتار ۇيىمىنىڭ بالالار قورى – يۋنيسەف-ءتىڭ الماتى دەكلاراتسياسىنىڭ 35 جىلدىعىنا ارنالعان حالىقارالىق كونفەرەنتسياسى وتەدى. 7 قاراشادا استانادا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆتىڭ قاتىسۋىمەن «گەولوگيالىق سالا جانە جەر قويناۋىن پايدالانۋ سالاسى دامۋىنىڭ پەرسپەكتيۆالارى مەن نەگىزگى باعىتتارى» تاقىرىبىندا دوڭگەلەك ۇستەل وتكىزۋ جوسپارلانعان.
وسى كۇنى, سونداي-اق, استانادا «جاڭا جىبەك جولى» II حالىقارالىق كولىك-لوگيستيكالىق بيزنەس-فورۋمى وتەدى. ونىمەن قوسا, ءدال وسى كۇنى «استانا ەكسپو-2017» ۇك» اق-تا پرەمەر-مينيستر سەرىك احمەتوۆ ەكسپو-2017 حالىقارالىق مامانداندىرىلعان كورمەسىنىڭ دايىندىعى مەن وتكىزۋ جونىندەگى مەملەكەتتىك كوميسسيانىڭ كوشپەلى وتىرىسىن وتكىزەدى. ال ماجىلىستە «استانا ەكسپو-2017» حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ ماسەلەلەرى جونىندەگى كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى وتەدى.
«ەگەمەن-اقپارات».