قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى (بۇدان ءارى – كوميتەت) حالىق پەن بيزنەستىڭ مەملەكەتتىك كىرىستەر ورگاندارىمەن ءوزارا ءىس-قيمىلىنا قولايلى جاعداي جاساۋ ماقساتىندا تۇراقتى نەگىزدە مەملەكەتتىك قىزمەتتەردىڭ ساپاسىن ارتتىرۋعا باعىتتالعان جۇمىستار جۇرگىزەدى, دەپ حابارلايدى Egemen.kz ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنە سىلتەمە جاساپ.
سونىمەن, وسى جىلدىڭ شىلدە ايىندا "e-Salyq mobile" ءموبيلدى قوسىمشاسىندا مەملەكەتتىك كىرىستەر ورگاندارىنا بارۋ كۇنى مەن ۋاقىتىن برونداۋ مۇمكىندىگى ىسكە اسىرىلدى. بۇل فۋنكتسيا قىزمەت الۋشىلارعا كەزەك كۇتۋ تۇرىندە ۋاقىت شىعىندارىن جويۋعا مۇمكىندىك بەرەدى. سونىمەن قاتار, كوروناۆيرۋستىق ينفەكتسيانىڭ تارالۋ قاۋپى جوعارى بولعان جاعدايدا, الدىن-الا برونداۋ مۇمكىندىگى قىزمەت الۋشىلاردىڭ اعىنىن رەتتەۋگە, سەرۆيس ورتالىقتارىندا كەزەكتەردىڭ پايدا بولۋىنا جول بەرمەيدى. ونلاين برونداۋ "e-Salyq mobile" ءموبيلدى قوسىمشاسىنىڭ "ەلەكتروندىق قىزمەتتەر" بولىمىندە, سونداي-اق كوميتەتتىڭ پورتالىندا قول جەتىمدى.
سونىمەن قاتار, كورسەتىلەتىن قىزمەتتى الۋشىلاردىڭ مەملەكەتتىك كىرىستەر ورگاندارىنىڭ جۇمىسىنا قاناعاتتانۋشىلىق دەڭگەيىن انىقتاۋ ماقساتىندا كوميتەتتىڭ پورتالىندا "ساۋالناما" بولىمىندە سالىق تولەۋشىلەر مەن سىرتقى ەكونوميكالىق قىزمەت قاتىسۋشىلارىنىڭ پىكىرلەرىن الۋ ءۇشىن ونلاين-ساۋالناما ىسكە اسىرىلدى. ساۋالناما قىزمەت الۋشىلارعا مەملەكەتتىك كىرىستەر ورگاندارىنىڭ مەملەكەتتىك قىزمەتتەر كورسەتۋ, قىزمەت الۋشىلارعا م ۇلىك سالىعى, جەر سالىعى, كولىك سالىعى جانە باسقا دا ماسەلەلەر بويىنشا قىزمەت كورسەتۋ ساپاسىن باعالاۋعا مۇمكىندىك بەرەدى. ساۋالناما ناتيجەلەرى كوميتەتتىڭ پورتالىنا ورنالاستىرىلادى.