توپ ىشىندەگى ءتورت ۇزدىك

پاندەمياعا بايلانىستى ءتۋرنيردىڭ كەي­بىر ەجەلەرىنە وزگەرىس ەنگىزىلۋى كەي كومان­دالارعا ءوز پايداسىن تيگىزىپ جاتىر. ءبىر ماتچ­تان تۇراتىن ويىننىڭ ارقاسىندا ەكىنشى دەڭگەيدە قالىپ قويعان كلۋبتار بارىن سا­لىپ, كىشىگىرىم سەنساتسيا تىركەپ جاتىر. ما­سەلەن, شيرەك فينالدا گەرمانيانىڭ «رب لەيپ­تسيگ» كلۋبى جىل سايىن ەۋروكۋبوك باسە­كەلەرىنىڭ فينالىندا ونەر كورسەتىپ كەلگەن يسپانيانىڭ «اتلەتيكو» كومانداسىن 2:1 ەسەبىمەن جەڭىپ كەتسە, شيرەك فينالدا رونالدۋ باستاعان «يۋۆەنتۋستى» تۋرنيردەن شى­عارىپ جىبەرگەن فرانتسيانىڭ «ليون» كومان­داسى اعىلشىننىڭ ازۋلى ۇجىمى «مان­چەستەر سيتيدەن» 3:1 ناتيجەسىمەن باسىم ءتۇستى.

سونداي-اق جارتىلاي فينالعا «بارسەلو­نا­نى» 8:2 ەسەبىمەن جەڭگەن «باۆاريا» مەن «اتالانتادان» سوڭعى مينۋتتا جەڭىستى جۇ­لىپ العان پسج كلۋبى جولداما الدى. وسى­لايشا ½ فينالدا گەرمانيا مەن فران­تسيانىڭ ەكى-ەكى كومانداسى ونەر كورسەتەتىن بولدى. جارتىلاي فينالداعى پسج جانە «رب لەيپتسيگ» اراسىنداعى ماتچ تامىزدىڭ 18-نەن 19-نا قاراعان ءتۇنى, ال «باۆاريا» مەن «ليون» ارا­سىنداعى كەزدەسۋ 19-نان 20-نا قاراعان ءتۇنى وتەدى. فينال 23 تامىزعا جوسپارلانعان.