جاڭا جانە ەسكى اۆتوكولىكتەر قاي وڭىردە كوپ؟

ۇلتتىق ەكونوميكا مينيستر­لىگى ستاتيستيكا كوميتەتىنىڭ بەلگى­لەۋى بويىنشا, بيىل 1 ماۋ­سىمدا ەلىمىزدە 3 ملن 884,4 مىڭ جەڭىل اۆتوماشينا تىر­كە­ل­گەن. بۇل 2019 جىلدىڭ وسى تاق­ى­لەتتەس كەزەڭىمەن سالىستىرعاندا (3774,9 مىڭ بىرلىك) 3%-دان استام كورسەتكىش. زەردەلەۋ بارىسىندا ەلدەگى كولىكتەردىڭ باسىم كوپشىلىگىن زاۋىتتان شىق­قانىنا 10 جىلدان اسقان كولىك قۇرالدارى قۇرادى – 65% (2 537 083 بىرلىك). شىعارىلعان ۋاقىت 7-10 جىل ارالىعىنداعى كولىكتەردىڭ جالپى سانى 6%-دى قۇرايدى (248 696 بىرلىك). سونداي-اق 3 جىلدان 7 جىلعا دەيىنگى تەمىر تۇلپار ۇلەسى – 15,2% (592 249) بولسا, سوڭعى ءۇش جىلدا شىعارىلعان كولىكتەرگە 11% (425 222) تيەسىلى.

ستاتيستيكا كوميتەتىنىڭ مالىمەتتەرىنە سايكەس, Freedom Finance Insurance ماماندارى جاڭا اۆتوكولىكتەردى ءجيى كەز­دەستىرۋگە بولاتىن اۋماق­تار­دى, سونىمەن قاتار ەسكى اۆتو­ما­شينالارى ەڭ كوپ وڭىر­لەردى ايقىندادى. بۇل رەيتينگ­تەر تىركەلگەن جەڭىل اۆتوماشينا­لاردىڭ جالپى سانىنا قاتىستى پايىز بەن جاس شاماسىنا سايكەس قۇراستىرىلعان.

وسىلايشا زاۋىتتان شىعا­رىل­عانىنا, ياعني جاس شاماسى 3 جىلدان اسپايتىن اۆتو­كولىك سانى باسىم 5 اۋماق توپتا­ماسىنىڭ ەڭ تومەنگى ساتىسىندا اقمولا, شىعىس قازاقستان, باتىس قازاقستان, ماڭعىستاۋ جانە اق­توبە وبلىستارى ەندى. جاڭا اۆتوكولىك سانى بۇل وڭىر­لەردە جاس شاماسىنا سايكەس, كولىك قۇرالدارىنىڭ جالپى سانىنىڭ 4%-ىن قۇرايدى. ال 4 ورىندى الماتى جانە قوستاناي وب­لىس­تارى ءبولىستى – 5%. 3-ورىن قارا­­عاندى جانە اتىراۋ وبلىس­تارىندا – 6%. 2-ورىن نۇر-سۇلتان قالاسىنا بەرىلدى, جاڭا اۆتو­نىڭ جالپى سانىنداعى ەلور­دانىڭ ۇلەسى 14%-دى قۇرايدى. اتالعان رەيتينگتىڭ ۇزدىگى الماتى قالاسى بولىپ شىقتى. الىپ شاھاردا تىركەلگەن كولىك قۇرالدارىنىڭ سانى – 73 525, ياعني جاس شاماسى 3 جىلدان كەم كولىكتەردىڭ ۇلەسى – 17%.

پايدالانىلعانىنا 10 جىلدان اسقان كولىك سانى بويىنشا رەسپۋبليكاداعى بەستىكتىڭ سوڭىندا جامبىل وبلىسى (7%) تۇرسا, 4-ورىندا قاراعاندى وبلىسى – 8%. ال ۇزدىكتەر ۇش­تىگىن ۇلەسى 9%-دى قۇرايتىن شى­عىس قازاقستان وبلىسى اشادى. ەكىنشى ورىنداعى الماتى قا­لاسىنا ەسكى كولىكتەردىڭ 10%-ى تيەسىلى. ەسكى كولىگى ەڭ كوپ ءوڭىر رەتىندە الماتى وبلىسى تانىلدى. مۇندا زاۋىتتان شىققانىنا ون جىلدان اسقان 392 160 جەڭىل كولىك قۇرالى تىركەلگەن, بۇل وڭىردەگى كولىكتەردىڭ جالپى سانىنىڭ 15%-ىن قۇرايدى.

ال 3 جانە 7 جىل ارالىعىن­داعى اۆتوكولىك سانى بويىن­شا ەڭ كوبى الماتى (15%) جانە نۇر-سۇلتان قالالارىندا (11%) تىركەلسە, ەڭ ازى تۇركىستان, سولتۇستىك قازاقستان جانە جام­بىل وبلىستارىندا – 2%.

سونىمەن قاتار الماتى قالا­­سىن­داعى جاس شاماسى 7-10 جىل ارال­ىعىنداعى ەڭ كوپ جە­ڭىل اۆتو­ماشينالار سانى اي­قىن­­دال­دى, بۇل جاس شاماسىنا ساي­كەس جالپى ساننىڭ 18%-ىن قۇ­رايدى. اتالعان سانات­تا­عى كو­لىك­تەردىڭ ەڭ از سانى تۇركىس­تان وب­لىسىندا – بار بولعانى 2%.