اۆستراليانىڭ مەلبۋرن قالاسىندا جول اپاتىنان جاراقات العان كەنگۋرۋ اۋەجايدىڭ ەكىنشى قاباتىندا ورنالاسقان دارىحاناعا ءوز بەتىنشە كەلدى. بۇل تۋرالى Lenta.ru حابارلادى.
كەنگۋرۋ اۆتوكولىكتىڭ استىنا ءتۇسىپ, اياعىن جاراقاتتاپ العان ەكەن. ونىڭ جاراقاتىن تەكسەرىپ شىققان اۆستراليا قورشاعان ورتانى قورعاۋ قوعامىنىڭ ەرىكتىلەرى اسفالتقا سەكىرگەندىكتەن, ونىڭ تىرناقتارى قاتتى سىرىلىپ كەتكەنىن ايتادى.
كەنگۋرۋدىڭ قالاعان ۋاقىتىندا ءدارىحانا ىشىنەن قاشىپ كەتۋىنە مۇمكىندىگى بولعانىمەن, ادەيى كومەك كۇتكەندەي ەشقايدا كەتە قويماعان ەكەن. ءبىراز ۋاقىتتان سوڭ قورشاعان ورتانى قورعاۋ قوعامىنىڭ ەرىكتىلەرى كەلىپ, جانۋاردى مال دارىگەرىنە الىپ كەتكەن.
«كەنگۋرۋ جاراقات العان سوڭ, ءوزىنىڭ قاۋىپسىزدىگىن ويلاپ, دارىحاناعا ادەيى كەلگەن كورىنەدى», – دەيدى مەلبۋرن اۋەجايىنىڭ ءباسپاسوز حاتشىسى اننا دجيللەت.
ايدار ورىسباەۆ.