كاباردينو-بالكاريا رەسپۋبليكاسىنداعى مەشىت اۋلاسىندا جارىلىس بولدى. بۇل تۋرالى جەرگىلىكتى ىشكى ىستەر مينيسترلىگى ءباسپاسوز قىزمەتىنىڭ اقپارىنا سىلتەمە جاساعان يتار-تاسس حابارلادى.
پوليتسيا دەرەگى بويىنشا, وقيعا جەرگىلىكتى ۋاقىتپەن 03:20-دا بولعان. «انىقتالماعان جارىلعىش قۇرىلعىنىڭ جانىنان ادامنىڭ دەنە مۇشەلەرى تابىلدى», – دەپ مالىمدەدى ءىىم.
جارىلىستان جاقىن جەردە ورنالاسقان ۇيلەردىڭ تەرەزەلەرى دە سىنعان ەكەن. قازىرگى ۋاقىتتا وقيعا ورنى پوليتسيا جاساعىمەن قورشاۋعا الىنعان. وندا جەدەل تەرگەۋ توبى جارىلىستىڭ نەدەن بولعانىن جانە قازا تاپقانداردىڭ ناقتى سانىن انىقتايتىن بولادى.
ايدار ورىسباەۆ.