سوڭعى كۇندەرى سانكت-پەتەربۋرگتىڭ «زەنيت» كومانداسىنىڭ جارتىلاي قورعاۋشىسى اندرەي ءارشاۆيننىڭ تاعى دا ۇيلەنبەكشى بولىپ جاتقانى تۋرالى اقپار تارادى.بۇل تۋرالى «لەنتا.رۋ» حابارلادى.
فۋتبولشىنىڭ تاڭداۋى كەيىنگى كەزدەرى بۇقارالىق اقپارات قۇرالدارىندا كوپ كورسەتىلىپ كەتكەن داريا ەسىمدى كەلىنشەك ەكەن. بۇلاردىڭ بايلانىستارى تۋرالى ءبىز دە وسىنىڭ الدىندا ەكى رەت جازعانبىز. ونىڭ ءبىرىنشىسى بۇل ەكەۋىنىڭ جاقىندا پيتەردە رەجيسسەر فەدور بوندارچۋكتىڭ «ستالينگراد» اتتى ءفيلمىنىڭ پرەمەراسىنا ەكەۋىنىڭ قول ۇستاسىپ بىرگە بارعانى تۋرالى دەرەك بەرسە, ەكىنشىسى كەلىنشەكتىڭ جول-كولىك وقيعاسىنا ۇرىنعان كەزدەگى ءوزىن ۇستاۋ جاعدايى جايلى ايتۋعا ارنالدى.
اندرەي پرەمەراعا بارعاندا قاسىنداعى قۇربىسىنىڭ قولىنداعى نەكە ساقيناسىن جۇرتقا كورسەتىپ قالۋعا تىرىسقان (سۋرەتتە). مۇنىسى بۇلاردىڭ بۇل ءجۇرىسى بەكەر ەمەس ەكەنىن بىلدىرمەك بولعانى دەسەدى.
ەندى قازىر 32 جاسار فۋتبولشىنىڭ سول قۇربىسىنا ۇيلەنۋ جونىندە كەلىسىم سۇراعانى دا بەلگىلى بولىپ وتىر. كەلىنشەكتىڭ اتى – داريا, ازەربايجان قىزى. ول فۋتبولشىدان 3 جاس ۇلكەن. ەكى بالاسىمەن كۇيەۋىنەن اجىراسقان. ماماندىعى جۋرناليست. سپورت تاقىرىبىنا ماماندانعان. سانكت-پەتەربۋرگتىڭ ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.
داريانىڭ كۋرستاسىنىڭ سوزىنە قاراعاندا, ول وقىپ جۇرگەندە-اق كوركىمەن كوزگە تۇسكەن, بىراق تاكاببار بولعان.ۇنەمى جاقسى ءومىردى اڭساپ جۇرگەن.
داريا قازىر لوندون قالاسىندا تۇرادى. سوندا سپورت يندۋسترياسىندا قىزمەت ەتەدى.
مۇرات ايتقوجا.