قارىم-قاتىناستىڭ التىن كوپىرى بولۋ مۇمكىندىگى مول ماڭعىستاۋدا تەمىرجول, تاسجول قۇرىلىستارى وركەندەۋدە. بولاشاققا جوسپارلانعان جول سالۋ ىستەرى دە جوق ەمەس. وبلىس اۋماعىندا اياقتالۋىن ەل-جۇرت اسىعا كۇتىپ جۇرگەن جول قۇرىلىستارى بار. بۇلاردىڭ بۇگىنگى احۋالى مەن ەرتەڭگى باعىت-باعدارى تۋرالى وڭىرگە رەسپۋبليكالىق اقپاراتتىق-ناسيحاتتىق توپتى باستاپ كەلگەن قازاقستان رەسپۋبليكاسى كولىك جانە كوممۋنيكاتسيا ءمينيسترى اسقار جۇماعاليەۆتىڭ اۋزىنان ەستىدىك.
قارىم-قاتىناستىڭ التىن كوپىرى بولۋ مۇمكىندىگى مول ماڭعىستاۋدا تەمىرجول, تاسجول قۇرىلىستارى وركەندەۋدە. بولاشاققا جوسپارلانعان جول سالۋ ىستەرى دە جوق ەمەس. وبلىس اۋماعىندا اياقتالۋىن ەل-جۇرت اسىعا كۇتىپ جۇرگەن جول قۇرىلىستارى بار. بۇلاردىڭ بۇگىنگى احۋالى مەن ەرتەڭگى باعىت-باعدارى تۋرالى وڭىرگە رەسپۋبليكالىق اقپاراتتىق-ناسيحاتتىق توپتى باستاپ كەلگەن قازاقستان رەسپۋبليكاسى كولىك جانە كوممۋنيكاتسيا ءمينيسترى اسقار جۇماعاليەۆتىڭ اۋزىنان ەستىدىك.
مينيستر مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىنىڭ نەگىزگى باعىتتارىنىڭ, ونىڭ ىشىندە قازاقستاندا كولىك ينفراقۇرىلىمىن دامىتۋ اياسىندا بەرگەن تاپسىرمالارىنىڭ جۇزەگە اسۋى بارىسىنا توقتالدى.
ا.جۇماعاليەۆتىڭ ايتۋىنشا, بەينەۋ كەنتىنەن شەتپە كەنتىنە دەيىن جۇرگىزىلىپ جاتقان 240 شاقىرىم اۆتوموبيل جولى قۇرىلىس جۇمىستارىن كەلەسى جىلى اياقتاۋ جوسپارلانىپ وتىر, سونداي-اق 2017 جىلى جەتىباي كەنتىنەن جاڭاوزەن قالاسىنا دەيىنگى اۆتوجول ۋچاسكەسىن قايتا قۇرىلىمداۋ جۇمىسى باستالاتىن بولادى. بۇگىندە قۇرىلىسى قىزۋ ءجۇرىپ جاتقان «بەينەۋ-شالقار» تەمىرجولى قۇرىلىسىن بويلاي تاسجول سالىنادى دەگەن ەلدىڭ قۋانىشتى اڭگىمەسى راس ەكەن, بۇل ەكى مەكەننىڭ اراسىن قوساتىن جالپى ۇزىندىعى 500 شاقىرىمدىق اۆتوجول قۇرىلىسى 2015 جىلى باستالماق. 120 شاقىرىمى ماڭعىستاۋ وبلىسىنىڭ اۋماعىمەن وتەتىن جول «باتىس ەۋروپا – باتىس قىتاي» حالىقارالىق كولىك دالىزىنە قوسىلۋعا مۇمكىندىك بەرەدى. ال «باتىس ەۋروپا – باتىس قىتاي» اۆتوماگيسترالىن قۇرىلىمداۋ بارىسىندا 698 شاقىرىم سالىنىپ بىتكەن, بۇل بيىلعى جىلعا جوسپارلانعان 806 شاقىرىمنىڭ ءبىر بولىگى. سونىمەن قاتار, ا.جۇماعاليەۆ ۆوكزالداردىڭ ينفراقۇرىلىمىن دامىتۋ, ولاردىڭ قىزمەت كورسەتۋ ساپاسىن ارتتىرۋ جونىندەگى جۇمىستارعا توقتالدى. بيىل ەراليەۆ, قوركول, 10-شى بەكەت, ءۇستىرت ستانسالارىنداعى ۆوكزالداردىڭ جوندەلۋى اياقتالادى دەپ كۇتىلۋدە. مەملەكەت باسشىسىنىڭ اقتاۋ تەڭىز پورتىنىڭ قۋاتىن ۇلعايتۋ جونىندەگى تاپسىرماسىن ىسكە اسىرۋ اياسىنداعى قۇرعاق جۇك تەرمينالدارىن سالۋ جوسپارىنا ساي قۇرعاق جۇك تەرمينالدارىن سالۋ جوباسىنىڭ تەحنيكالىق-ەكونوميكالىق نەگىزدەمەسى بيىل قىركۇيەك ايىندا بەكىتىلىپ, قاراشا ايىندا سۋ ءتۇبىن تەرەڭدەتۋ جۇمىستارى باستالماق. تەلەكوممۋنيكاتسيالىق جەلىلەردى جاڭعىرتۋ, ەلدى مەكەندەردەگى بايلانىستى دامىتۋ, ساندىق ەفيرلىك تەلەديداردى ەنگىزۋ ماسەلەلەرىنە توقتالعان مينيستر اعىمداعى جىل سوڭىنا دەيىن ماڭعىستاۋ وبلىسى ساندىق تەلەحابار تاراتۋمەن 100 پايىز قامتىلاتىندىعىن, 2013 جىلى ەلىمىزدىڭ بارلىق وبلىس ورتالىقتارىندا, ونىڭ ىشىندە اقتاۋ قالاسىندا 4G جۇيەسىنىڭ قۇرىلىسىن اياقتاۋ جوسپارلانۋدا ەكەندىگىن ايتتى. جۇرتشىلىقپەن كەزدەسۋدە حالىققا مەملەكەتتىك قىزمەت كورسەتۋدىڭ ماڭعىستاۋ وبلىسىنداعى ساپاسى مەن كولەمدىلىگى دە ايتىلدى. 2013 جىلدىڭ 9 ايىندا ماڭعىستاۋ وبلىسىنىڭ حقو-لارى 421 769, ۇتقىر حقو-لارى – 7 240 قۇجات بەرسە, e-gov بۇرىشتارى مەن وزىنە-ءوزى قىزمەت كورسەتۋ ايماقتارىندا 52 351 كەڭەس بەرىلگەن. كوكتەمدە اقتاۋدا اشىلعان ارنايى حقو باس-اياعى 5-6 اي ىشىندە 17 مىڭ ادامعا قىزمەت كورسەتىپ ۇلگەرىپتى. ۇشى-قيىرى جوق جازىق دالادا دىتتەگەن جەرىنە جەتە الماي كەلە جاتقان اقىننىڭ «دالا جاتىر اياقتالماي, باستالماي» دەپ جىرلاعانىنداي, كولىك جانە كوممۋنيكاتسيا ءمينيسترى قۇزىرىنداعى ماڭعىستاۋ وڭىرىندەگى بىتكەن جانە بولاشاقتا بىتەتىن ىستەرگە قاراپ, وڭىردە جولدار جاڭارىپ, بايلانىس جەدەلدەي تۇسەدى دەۋگە بولادى.
جولداۋعا قولداۋ كورسەتۋ بارىسىندا ماڭعىستاۋعا كەلىپ, جۇرتشىلىقپەن جۇزدەسىپ, ءوز سالاسىنىڭ وڭىردە وركەندەۋى مەن الداعى مىندەتتەرى تۋرالى وسىلاردى ءمالىم ەتتى مينيستر. جول, بايلانىس سالاسىندا سەرپىندى جوبالاردى قولعا العان وڭىردە بىتكەن ءىستىڭ دە, بىتەتىن ءىستىڭ دە «مەنمۇندالاپ» كورىنىپ تۇراتىنى انىق. سوندىقتان, ءاربىر جوبانىڭ جولدا قالماي, حالىق يگىلىگىنە, ەل ەرتەڭىنە قىزمەت ەتۋى – باستى پارىز.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.