«SMEDA» قوعامدىق قورى ۇيىمداستىرعان جۋرناليستەرگە ارنالعان ءباسپاسوز ءماسليحاتىندا «سوروس-قازاقستان» قورىنىڭ قولداۋى بويىنشا باستاماشىل توپتار مەن اۋىلدىق ۇكىمەتتىك ەمەس ۇيىمداردىڭ ينستيتۋتتىق جانە كاسىبي تۇرعىدا دامۋىنا, تۇرعىنداردىڭ ايماقتاعى الەۋمەتتىك-ماڭىزدى ماسەلەلەرگە قاتىستى شەشىم قابىلداۋ ۇدەرىسىنە قاتىسۋىن ارتتىرۋعا باعىتتالعان «اقتوبە وبلىسىنىڭ كوممەرتسيالىق ەمەس ۇيىمدارىنىڭ الەۋەتىن ارتتىرۋ» جوباسىن جۇزەگە اسىرۋ باستالعانى ايتىلدى.
«SMEDA» قوعامدىق قورى ۇيىمداستىرعان جۋرناليستەرگە ارنالعان ءباسپاسوز ءماسليحاتىندا «سوروس-قازاقستان» قورىنىڭ قولداۋى بويىنشا باستاماشىل توپتار مەن اۋىلدىق ۇكىمەتتىك ەمەس ۇيىمداردىڭ ينستيتۋتتىق جانە كاسىبي تۇرعىدا دامۋىنا, تۇرعىنداردىڭ ايماقتاعى الەۋمەتتىك-ماڭىزدى ماسەلەلەرگە قاتىستى شەشىم قابىلداۋ ۇدەرىسىنە قاتىسۋىن ارتتىرۋعا باعىتتالعان «اقتوبە وبلىسىنىڭ كوممەرتسيالىق ەمەس ۇيىمدارىنىڭ الەۋەتىن ارتتىرۋ» جوباسىن جۇزەگە اسىرۋ باستالعانى ايتىلدى. جوبا جەتەكشىسى سۆەتلانا سيدوروۆا وسى باعىتتا الەۋمەتتىك زەرتتەۋلەر, ساۋالنامالار, سۇحباتتار ءجۇرگىزىلگەنىن, حرومتاۋ, العا ءجانە مارتوك اۋداندارىندا فوكۋس-توپتارمەن كەزدەسۋلەر ۇيىمداستىرىلعانىن, ساۋالناماعا قاتىسقان اۋداندىق ۇكىمەتتىك ەمەس ۇيىم بەلسەندىلەرىنىڭ تەك 13 پايىزى عانا الەۋمەتتىك-ماڭىزدى جوبالاردى جۇزەگە اسىرۋعا باعىتتالعان كونكۋرستارعا قاتىسقانىن تىلگە تيەك ەتە كەلىپ, ۇكىمەتتىك ەمەس ۇيىمدار ءۇشىن وقىتۋ ۇيىمداستىرۋدىڭ اسا قاجەتتىگىن, سونىمەن بىرگە, قوعامدىق بىرلەستىكتەردى قۇرۋ مەن دامىتۋ جونىندەگى ادىستەمەلىك ادەبيەتتەردى تاراتۋعا قاتىستى ماسەلەلەر بار ەكەندىگىن اتاپ ءوتتى. كوممەرتسيالىق ەمەس سەكتور وكىلدەرىنىڭ كوپشىلىگى گرانتتىق تاپسىرىستار دايىنداۋدى بىلمەيتىنىن, جوبالاۋ قىزمەتىن باسقارۋ تاجىريبەسى جەتكىلىكسىزدىگىن دە جاسىرمادى. الداعى ۋاقىتتا وبلىستىڭ اۋداندارىنداعى باستاماشىل توپتار مەن ۇەۇ وكىلدەرىنە ارنالعان قوعامداستىقتىڭ قاجەتتىلىكتەرىن باعالاۋ, جوبالار مەن ونىڭ مەنەدجمەنتىن دايىنداۋ, اتقارۋشى بيلىك ورگاندارى جانە سەرىكتەستەرمەن بىرگە جۇمىس جاساۋ داعدىلارىن ۇيرەتۋ بويىنشا ترەنينگتەر وتكىزۋ كوزدەلۋدە. اشىق كونكۋرس ناتيجەسى بويىنشا جەرگىلىكتى قوعامداستىق ماسەلەلەرىن شەشۋگە باعىتتالعان بەس جوباعا قولداۋ كورسەتىلەتىن بولدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.