جامبىل وبلىستىق ءبىلىم باسقارماسى ەلىمىزدىڭ ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن ورىنداۋ ماقساتىندا بىرقاتار اۋقىمدى جۇمىستار جۇرگىزۋدە. ءبىلىم بەرۋ جۇيەسىنە بولىنەتىن قارجى كولەمى جىل سايىن وسۋدە.
جامبىل وبلىستىق ءبىلىم باسقارماسى ەلىمىزدىڭ ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن ورىنداۋ ماقساتىندا بىرقاتار اۋقىمدى جۇمىستار جۇرگىزۋدە. ءبىلىم بەرۋ جۇيەسىنە بولىنەتىن قارجى كولەمى جىل سايىن وسۋدە.
اعىمداعى جىلى ءبىلىم نىساندارىنىڭ ماتەريالدىق-تەحنيكالىق جابدىقتالۋىنا 10,3 ميلليارد تەڭگە ءبولىندى. ونىڭ ىشىندە ءبىلىم نىساندارىنىڭ قۇرىلىسىنا 5,5 ميلليارد تەڭگە, جوندەۋ جۇمىستارىنا 4,4 ميلليارد تەڭگە, جاڭا موديفيكاتسيالى كابينەتتەرمەن جابدىقتاۋعا 385 ميلليون, مەكتەپ جيھازدارىن الۋعا 51 ميلليون تەڭگە قاراستىرىلدى.
اعىمداعى جىلى بارلىعى 24 ءبىلىم نىسانىنىڭ قۇرىلىسى جۇرگىزىلۋدە, ونىڭ ىشىندە 11 نىساندى ۇستىمىزدەگى جىلى پايدالانۋعا بەرۋ جوسپارلاندى.
جوسپارلانعان نىسانداردىڭ ىشىنەن تاراز قالاسىنداعى 320 ورىندىق بالاباقشا, بايزاق اۋدانى سارىكەمەر اۋىلىنداعى 280 ورىندىق بالاباقشا, جامبىل اۋدانى جاسوركەن اۋىلىنداعى 300 ورىندىق, جۋالى اۋدانى اقتوبە اۋىلىنداعى 150 ورىندىق, قورداي اۋدانى سورتوبە اۋىلىنداعى 300 ورىندىق ورتا مەكتەپ پايدالانۋعا بەرىلدى. ال جامبىل اۋدانى قاراتاۋ ۋچاسكەسىندەگى 120 ورىندىق, قورداي اۋدانى كەنەن اۋىلىنداعى 600 ورىندىق, ماسانشى اۋىلىنداعى 825 ورىندىق, مويىنقۇم اۋدانى مىڭارال بەكەتىندەگى 120 ورىندىق ورتا مەكتەپ پەن جۋالى اۋدانى ب.مومىش ۇلى اۋىلىنداعى 280 ورىندىق, مويىنقۇم اۋىلىنداعى 140 ورىندىق بالاباقشا جىل سوڭىنا دەيىن پايدالانۋعا بەرىلەدى دەپ جوسپارلانۋدا. قالعان 13 ءبىلىم نىسانىنىڭ, ياعني 5 مەكتەپ, 7 بالاباقشا, 1 كوللەدجدىڭ قۇرىلىسى 2014 جىلى اياقتالادى.
بۇگىنگى كۇنى اپاتتى جاعدايداعى, ءۇش اۋىسىمدى جانە ىڭعايلاستىرىلعان عيماراتتاردا ورنالاسقان مەكتەپتەردىڭ ماسەلەسىن شەشۋ – ەڭ نەگىزگى مىندەتتەردىڭ ءبىرى بولىپ وتىر دەسەك, سالىنىپ جاتقان مەكتەپتەر ەسەبىنەن اپاتتى جاعدايداعى 30 مەكتەپتىڭ 5-ءۋىنىڭ, ءۇش اۋىسىمدى 4 مەكتەپتىڭ 2-ءۋىنىڭ ماسەلەسى شەشىلەدى. ال 1 مەكتەپتىڭ, ياعني قورداي اۋدانىنداعى №2 ورتا مەكتەبىنىڭ 3-ءشى اۋىسىمدا وقيتىن 101 وقۋشىسى الداعى وقۋ جىلىنان باستاپ اۋدان ورتالىعىندا ورنالاسقان №3 جانە №4 ورتا مەكتەپتەرگە اۋىستىرىلاتىن بولادى. تاراز قالاسى قۇمشاعال بەكەتىندەگى №19 نەگىزگى مەكتەبى قۇرىلىسى 2014 جىلى جۇرگىزىلەدى دەپ جوسپارلانۋدا.
سونىمەن بىرگە, كەلەسى جىلى اپاتتى جاعدايداعى 4 مەكتەپتىڭ, ياعني جۋالى اۋدانىنداعى جاڭاوتكەل اۋىلىنداعى 50, قورداي اۋدانى العا اۋىلىنداعى 180, شۋ اۋدانى ساۋىتبەك اۋىلىنداعى 150 جانە بايدىبەك اۋىلىنداعى 150 ورىندىق مەكتەپتەردىڭ دە قيىن ءتۇيىنى شەشىلەدى دەپ كۇتىلۋدە. اپاتتى جاعدايداعى قالعان 21 مەكتەپتىڭ ماسەلەسى 2015-2020 جىلدارى كەزەڭ-كەزەڭىمەن شەشىلەتىن بولادى.
ءبىلىم مەكەمەلەرىن كۇردەلى جانە اعىمداعى جوندەۋدەن وتكىزۋ ماسەلەسى دە باستى نازاردا. بۇل ماقساتقا اعىمداعى جىلى 4 ميلليارد 453 ميلليون تەڭگە ءبولىندى. ونىڭ ىشىندە: 42 ءبىلىم نىسانىن (23 مەكتەپ, 13 بالاباقشا, 2 كوللەدج, 1 مەكتەپتەن تىس مەكەمەسى, 1 جازعى ساۋىقتىرۋ لاگەرى, 1 مەكتەپ-ينتەرناتى جانە 1 بالالار ءۇيى) كۇردەلى جوندەۋگە 3 ميلليارد 236 ميلليون تەڭگە ءبولىندى.
ال 273 ءبىلىم نىسانىنىڭ (193 مەكتەپ, 52 بالاباقشا, 28 باسقا ءبىلىم مەكەمەلەرى) اعىمداعى جوندەۋ جۇمىستارىنا 1 ميلليارد 217 ميلليون تەڭگە قاراستىرىلدى.
الماقتىڭ دا سالماعى بار. وتكەن وقۋ جىلىندا وبلىستا ءبىلىم ساپاسىن ارتتىرۋ ماقساتىندا 2012-2013 وقۋ جىلىنا ارنالعان مەكتەپ بىتىرۋشىلەردىڭ ۇبت-گە دايىندىعى مەن وقىتۋ ساپاسىنىڭ دەڭگەيىن ارتتىرۋ بويىنشا قادامدىق ءىس-قيمىل جوسپارى ازىرلەنىپ, بىرقاتار جۇمىستار جۇرگىزىلدى. تەستىلەۋگە قاتىسقانداردىڭ 81,2 پايىزى قازاق تىلىندە, 18,8 پايىزى ورىس تىلىندە ءبىلىمىن سىناپ, وبلىس بويىنشا ۇبت-دەگى ورتاشا بالل 75,02-ءنى قۇرادى. ول وتكەن جىلمەن سالىستىرعاندا 3,69 پايىزعا جوعارى بولدى.100-دەن استام بالل جيناعان بىتىرۋشىلەر ۇلەسى وتكەن جىلعى 10,3 پايىزدان 14,4 پايىزعا جەتىپ, 4,1 پايىزعا ءوستى. ەڭ جوعارى 120-124 بالدى 37 ءبىتىرۋشى الدى. ونىڭ ىشىندە 124 بالدى 3 ءبىتىرۋشى يەلەندى.
«التىن بەلگىگە» ۇسىنىلعان 297 ۇمىتكەردىڭ 124-ءى ءوز بىلىمدەرىن دالەلدەدى. بۇل رەسپۋبليكا بويىنشا الماتى, استانا قالالارى مەن باتىس قازاقستان وبلىسىنان كەيىن 4-ءشى ورىن بولدى. ۇزدىك اتتەستاتقا ۇسىنىلعان 166 ۇمىتكەردىڭ 29-ى ءوز ءبىلىمدەرىن دالەلدەدى. ەڭ تومەن ناتيجە كورسەتكەن مەكتەپتەر سانى 122-دەن 114-كە ازايدى. ءسويتىپ, وبلىس كورسەتكىشى رەسپۋبليكا كولەمىندە 8-ءشى ورىنعا كوتەرىلدى.
سۇلۋشاش قۇرمانبەكوۆا,
جامبىل وبلىستىق ءبىلىم باسقارماسىنىڭ باستىعى
تاراز.