«رومات» فارماتسەۆتيكالىق كومپانياسى گەماتوگەندى ءوندىرۋدى جولعا قويعان ەدى. ەندى اتالمىش ءونىمدى كەدەن وداعىنا كىرەتىن ەلدەرگە ەكسپورتتاماقشى. ول ءۇشىن گەماتوگەن ءوندىرۋ بەس ەسەگە ۇلعايماق. قازاقستاننىڭ 2050 جىلعا دەيىنگى دامۋ ستراتەگياسىنا وراي «ونىمدىلىك-2020» باعدارلاماسى بويىنشا, «رومات» كومپانياسى گەماتوگەن تسەحىن جاڭعىرتۋدى قولعا الىپ وتىر. سەبەبى, زاۋىت ۇدەمەلى يندۋستريالىق-يننوۆاتسيالىق دامۋ باعدارلاماسىنا ەنگىزىلگەن.
«رومات» فارماتسەۆتيكالىق كومپانياسى گەماتوگەندى ءوندىرۋدى جولعا قويعان ەدى. ەندى اتالمىش ءونىمدى كەدەن وداعىنا كىرەتىن ەلدەرگە ەكسپورتتاماقشى. ول ءۇشىن گەماتوگەن ءوندىرۋ بەس ەسەگە ۇلعايماق. قازاقستاننىڭ 2050 جىلعا دەيىنگى دامۋ ستراتەگياسىنا وراي «ونىمدىلىك-2020» باعدارلاماسى بويىنشا, «رومات» كومپانياسى گەماتوگەن تسەحىن جاڭعىرتۋدى قولعا الىپ وتىر. سەبەبى, زاۋىت ۇدەمەلى يندۋستريالىق-يننوۆاتسيالىق دامۋ باعدارلاماسىنا ەنگىزىلگەن. وسىنىڭ اياسىندا كاسىپورىن سەمەيدە 2014 جىلعا دەيىن جاڭا قوسىمشا عيمارات بولىگىن تۇرعىزباقشى. ءناتيجەسىندە دارىلەردىڭ تاعى دا 300 ءتۇرى شىعارىلماق. ال ەكسپورتقا شىعارىلادى دەگەن گەماتوگەن سوناۋ كەڭەستىك كەزەڭنەن ءبىر وزگەرمەگەن, قۇرامى سول كۇيىندە ساقتالىپتى. بۇگىندە زاۋىت جىلىنا 8,5 ميلليون عانا شىعارادى. بۇل قازاقستاننىڭ ىشكى رىنوگىنا تولىق جەتكىلىكتى ەمەس. سوندىقتان دا كومپانيا «ونىمدىلىك-2020» باعدارلاماسىنا ەنىپ وتىر.
ءبىز جوسپارىمىز بويىنشا, 2013 جىلدىڭ قاراشا ايىنا دەيىن تۇگەلدەي اۆتوماتتاندىرىلعان, جىلىنا 40 ملن. پليتكا وندىرەتىن تسەحتى ىسكە قوسپاقشىمىز, دەيدى «رومات» فارماتسەۆتيكالىق كومپانياسى جشس ديرەكتورى ۆيتالي يشمۋراتوۆ, ەگەر ءوندىرىستىڭ قۋاتتىلىعىن بەس ەسەگە ۇلعايتساق, ەنەرگيالىق تيىمدىلىك 35 پايىزعا ارتادى. وتاندىق ءونىمدى قازاقستاننىڭ ىشكى رىنوگىنا جىبەرەمىز, تەك 30 پايىزى عانا كەدەن وداعىنا مۇشە ەلدەرگە ەكسپورتتالاتىن بولادى.
مىنە, ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ يگى اسەرى وسىندا, دەيدى زاۋىت ۇجىمى. وسى باعدارلامانىڭ اياسىندا سەمەيلىك ءونىمدى كورشى مەملەكەتتەر دە تۇتىنباقشى. ايتا كەتۋ كەرەك, بولاشاقتا قازاقستاندا ءوندىرىلەتىن فارماتسەۆتيكالىق ءونىمنىڭ 50 پايىزعا جۋىعىن «رومات» فارماتسەۆتيكالىق كومپانياسى شىعاراتىن بولادى. ول جونىندە استانادا وتكەن «قازاقستان رەسپۋبليكاسىنىڭ ونەركاسىبىن جاڭعىرتۋ» تاقىرىبىنداعى عىلىمي-پراكتيكالىق كونفەرەنتسيا اياسىندا «رومات» فارماتسەۆتيكالىق كومپانياسىنىڭ پرەزيدەنتى تۇراربەك راقىش ءمالىم ەتكەن ەدى. ايتۋىنشا, قازاقستاننىڭ فارماتسەۆتيكالىق جانە مەديتسينالىق سالاسىن دامىتۋ باعدارلاماسىنا سايكەس 2015 جىلعا دەيىن فارماتسەۆتيكالىق ءونىم سالاسىنداعى ۇلتتىق مولشەردى 50 پايىزعا دەيىن جەتكىزۋ مىندەتى قويىلعان. بۇعان جەتۋ ءۇشىن مەديتسينالىق ءدارى-دارمەكتەر شىعاراتىن جاڭا زاۋىتتاردى سالىپ, ەسكى وندىرىستەردى قايتا جاڭعىرتۋ جوسپارلانىپ وتىر. «ەگەر 1992 جىلدا فارماتسەۆتيكالىق ءونىم سالاسىنداعى قازاقستاندىق مازمۇن 3-اق پايىز بولسا, 2010 جىلى ونىڭ دەڭگەيى 16 پايىزعا ءوستى. ال ءبۇگىندە وتاندىق فارماتسەۆتيكا سالاسىندا قولعا الىنعان ءىس-شارالاردى ەسكەرەتىن بولساق, 2015 جىلى فارماتسەۆتيكالىق ءونىم سالاسىنداعى ۇلتتىق مازمۇن كولەمى 50 پايىزعا دەيىن جەتەدى دەپ نىق سەنىممەن ايتۋعا بولادى», دەيدى تۇراربەك راقىش.
قالاداعى كاسىپكەرلىك ءبولىمىنىڭ باستىعى انۋاربەك ءسۇيىنشينوۆتىڭ ايتۋىنشا, «ءونىمدىلىك-2020» باعدارلاماسى بويىنشا وتاندىق ءونىم وندىرۋشىلەر بىرنەشە باعىتتا جۇمىس اتقارا الاتىن بولادى. باعدارلامانىڭ ەرەكشەلىگى – بۇرىننان كاسىپكەرلىكپەن اينالىسىپ كەلە جاتقان ءوندىرىس ورىندارىن ودان ءارى قۋاتتى كۇشكە اينالدىرادى. ينۆەستيتسيالىق جوبالاردىڭ كەشەندى باعدارلاماسى قامتىلعان. بۇعان قاجەتتى قاراجات تا مەملەكەت تاراپىنان قاراستىرىلعان.
راۋشان نۇعمانبەكوۆا.
سەمەي.