الماتىدا ءوتىپ جاتقان بوكستان XVII الەم چەمپيوناتىنىڭ ءتورتىنشى كۇنى مارەگە جەتتى. كەشە كەشكە سايىستىڭ 1/32 فينالدىق ىرىكتەۋ كەزەڭى اياقتالدى. بۇگىن 1/16 فينالدىڭ العاشقى ايقاستارى كەرۋەن كەرەدى. وندا 52, 64 جانە 91 كيلوعا دەيىنگىلەر كۇش سىناسادى.
چەمپيوناتتىڭ ءۇشىنشى كۇنگى, 16 قازانداعى شىمىلدىعىن 49 كيلوعا دەيىنگى رەسەيلىك بەليك گالانوۆ پەن ۋكراينالىق ۆاديم كۋدرياكوۆ اشتى. ۇرىس ءۇش راۋند بويىنا بۇلاردىڭ تاجىريبەسى مەن اتاعى كوبىنىڭ باسىمدىلىعىمەن ءوتتى.
الماتىدا ءوتىپ جاتقان بوكستان XVII الەم چەمپيوناتىنىڭ ءتورتىنشى كۇنى مارەگە جەتتى. كەشە كەشكە سايىستىڭ 1/32 فينالدىق ىرىكتەۋ كەزەڭى اياقتالدى. بۇگىن 1/16 فينالدىڭ العاشقى ايقاستارى كەرۋەن كەرەدى. وندا 52, 64 جانە 91 كيلوعا دەيىنگىلەر كۇش سىناسادى.
چەمپيوناتتىڭ ءۇشىنشى كۇنگى, 16 قازانداعى شىمىلدىعىن 49 كيلوعا دەيىنگى رەسەيلىك بەليك گالانوۆ پەن ۋكراينالىق ۆاديم كۋدرياكوۆ اشتى. ۇرىس ءۇش راۋند بويىنا بۇلاردىڭ تاجىريبەسى مەن اتاعى كوبىنىڭ باسىمدىلىعىمەن ءوتتى.ءسويتىپ, جەڭىس 2011 جىلعى ەۋروپا چەمپيوناتىنىڭ كۇمىس جۇلدەگەرى ب.گالانوۆقا بەرىلدى. ول ەندى كەلەسى شايقاسىن 19 قازان كۇننىڭ كۇندىزگى سەسسياسىندا ءبىزدىڭ ءبىرجان جاقىپوۆپەن وتكىزەدى. بۇل كۇنگى كۇندىزگى سەسسيادا 69 كيلوعا دەيىنگى شوتلاند ليۋس بەنسون مەن باگام ارالدارىنان كەلگەن كارل حيەلدتىڭ جەكپە-جەگى قورىتىندىسىندا دانيار ەلەۋسىنوۆتىڭ 20 قازاندا بولاتىن ءبىرىنشى كەزدەسۋىندەگى قارسىلاسى انىقتالدى. وعان تورەشىلەر ارال-مەملەكەتتىڭ بوكسشىسىن لايىقتى دەپ تاپتى. ال 81 كيلولىق ادىلبەك نيازىمبەتوۆ وسى كۇنى فين ۆەللە حۋككونەنگە قارسى شىعاتىن بولدى. بۇعان سۋومي جىگىتى نەپالدىق ديپاك ماحارجاندى ۇتۋى ارقىلى قول جەتكىزدى.
ەگەر ب.جاقىپوۆ رەسەيلىك بۋريات جىگىتىنەن ايدىنىن اسىرا السا, 8/1 فينالدا وزبەك حۋسانبوي دۋسماتوۆپەن كەزدەسۋى ءابدەن ىقتيمال. سەبەبى, كەلەسى اينالىمدا العاش رەت رينگكە كوتەرىلەتىن ونىڭ بوتسۆانا ەلىنىڭ وكىلىن جەڭەتىنىنە پالەندەي ءشۇبا جوق. سول سياقتى د.ەلەۋسىنوۆتىڭ دە باگامدىق باقتالاسىن ۇتاتىنىنا كۇمان كەلتىرۋدىڭ ءوزى كۇپىرلىك سياقتى. ال بولجام دۇرىس شىقسا, ول بۇدان ءارى جاپون ياسيحيرو سۋزۋكي مەن فرانتسيالىق سوۋلەمان سيسسوحونىڭ قاي ۇتقانىمەن ۇشىراسادى. بۇدان ءارى ءا.نيازىمبەتوۆتىڭ دە كەلەر كۇندەرىنە كوز جىبەرىپ كورسەك, ول فيننەن وتە السا, بولگار رادوسلاۆ پانتەلەەۆ پەن كوسوۆولىق ارمەند حوحاجدىڭ بىرىمەن ۇستاسادى.
كەشەگى ۇرىستاردىڭ ناتيجەسىندە تاعى ەكى قازاقستاندىقتىڭ العاشقى قولعاپ تۇيىستىرەتىن بوكسشىلارىنىڭ اتتارى ايعاقتالدى. الدىمەن 56 كيلوداعى قايرات ەراليەۆتىڭ ءبىرىنشى باسەكەلەسى رۋمىن نيكولاە ادرەانا بولاتىنىن بىلدىك. ۆولح ۇلانى بۇل جولدامانى كانادالىق تاي جىگىتى تاپجيت لالليمەن تالاستا تارتىپ الدى. ەرتەڭ, 19 قازاندا وتەتىن وسى ۇرىستان ءساتتى وتسە, ق.ەراليەۆتى وزبەك شاحريەر يساقوۆ كۇتۋى مۇمكىن. ويتكەنى, ءبىز ونى قىرعىز ومۋربەك مالابەكوۆتەن اسا الادى دەپ وتىرمىز. ال 75 كيلوداعى جانىبەك ءالىمحان ۇلىنىڭ سىناقشىسى ازەربايجاندىق اۆار سولتان ميگيتينوۆ پەن يامايكالىق دجوناتان حانسوننىڭ ءبىرى بولماق. ونىڭ ناتيجەسى كەشە كەشكى سەسسيادا بەلگىلى بولدى.
سونىمەن, قازاقستان قۇراماسى ءمۇشەلەرىنىڭ ۇرىس الاڭىنا شىعاتىن مەرزىمدەرى دە كەلىپ جەتتى. ونى بۇگىن ءىلياس ءسۇلەيمەنوۆ (52 كگ), مەرەي اقشالوۆ (64 كگ) جانە انتون پينچۋك (91 كگ) باستايدى. ولار تيىسىنشە اۆتراليالىق ەندريۋ مەلونەيمەن, شوتلاند دجوش تەيلومەن جانە ۆەنگر يمرە تسەللومەن ۇشىراسادى.
«ەگەمەن قازاقستاننىڭ» الەم چەمپيوناتىنداعى كوشپەلى رەداكتسياسى.