ۇلتىنىڭ ازاتتىعىن اڭساۋمەن وتكەن احمەت بايتۇرسىن ۇلى «مۇعالىم – مەكتەپتىڭ جۇرەگى» دەگەندى بەكەر ايتپاسا كەرەك. جاقسى ۇستازدىڭ تاربيەسىن كورگەن شاكىرتتىڭ مىقتى مامان عانا ەمەس, ۇلكەن ادام بولارى اقيقات. وڭتۇستىكتە وسىنداي قاسيەتتى كاسىپتى قۇرمەت تۇتىپ, مۇعالىمدىك ماماندىقتى تاڭداعان جاستاردىڭ بويىنا ءبىلىم ءنارىن سەۋىپ, ۇلتتىق تاربيەمەن سۋسىنداتىپ جۇرگەن وڭتۇستىك قازاقستان مەملەكەتتىك پەداگوگيكالىق ينستيتۋتى – ۇستازداردىڭ كيەلى ورداسى, تاريحى تەرەڭ قارا شاڭىراعى. بەلگىلى عالىم, ادىسكەر-پەداگوگ وڭالباي اياشەۆ باسقاراتىن ينستيتۋت جۇرتشىلىقتىڭ جىلى ىقىلاسىنا بولەنىپ, جاقسى باعاسىن الىپ كەلەدى.
ۇلتىنىڭ ازاتتىعىن اڭساۋمەن وتكەن احمەت بايتۇرسىن ۇلى «مۇعالىم – مەكتەپتىڭ جۇرەگى» دەگەندى بەكەر ايتپاسا كەرەك. جاقسى ۇستازدىڭ تاربيەسىن كورگەن شاكىرتتىڭ مىقتى مامان عانا ەمەس, ۇلكەن ادام بولارى اقيقات. وڭتۇستىكتە وسىنداي قاسيەتتى كاسىپتى قۇرمەت تۇتىپ, مۇعالىمدىك ماماندىقتى تاڭداعان جاستاردىڭ بويىنا ءبىلىم ءنارىن سەۋىپ, ۇلتتىق تاربيەمەن سۋسىنداتىپ جۇرگەن وڭتۇستىك قازاقستان مەملەكەتتىك پەداگوگيكالىق ينستيتۋتى – ۇستازداردىڭ كيەلى ورداسى, تاريحى تەرەڭ قارا شاڭىراعى. بەلگىلى عالىم, ادىسكەر-پەداگوگ وڭالباي اياشەۆ باسقاراتىن ينستيتۋت جۇرتشىلىقتىڭ جىلى ىقىلاسىنا بولەنىپ, جاقسى باعاسىن الىپ كەلەدى.
جاقىندا بۇل ءبىلىم وشاعىندا قازاقستان رەسپۋبليكاسىنىڭ پرەزيدەنتى, ەلباسى نۇرسۇلتان نازارباەۆ اتىنداعى عىلىمي-يننوۆاتسيالىق كابينەتتىڭ اشىلۋى مەن ەلباسىنىڭ «كوگدا مىسل – ماتەريالنا» اتتى كىتابىنىڭ تۇساۋكەسەر ءراسىمى ءوتتى.
ەلباسى اتىنداعى عىلىمي-يننوۆاتسيالىق كابينەت جوعارى تەحنولوگيانىڭ ەڭ سوڭعى ۇلگىسى بويىنشا جابدىقتالعان. اتاپ ايتقاندا, پوليكوم ۆيدەوكونفەرەنتس-بايلانىس اپپاراتۋراسى, 16 دەلەگاتقا ارنالعان ديسكۋسسيالىق جۇيە, سوڭعى ۇلگىدەگى 4 سمارت تەلەديدارلارىمەن قامتاماسىز ەتىلگەن. بۇل كابينەتكە جوعارى جىلدامدىقپەن لوكالدى جانە WI-FI قوسىلعان, الەمدىك ينتەرنەت رەسۋرستارىنا كىرۋ مۇمكىندىگى قاراستىرىلعان. سونىمەن قاتار, عىلىمي-زەرتتەۋ جۇمىستارىن جۇرگىزۋدى قامتاماسىز ەتۋ ءۇشىن تومسون رەيتەرس دۇنيەجۇزىلىك دەرەكتەر قورىنا كىرۋ مۇمكىندىگىنە يە. بۇل جەردە عىلىمي جوبامەن اينالىساتىن ۇزدىك ستۋدەنتتەر مەن وقىتۋشى-پروفەسسور قۇرامىنىڭ تاۋلىك بويىنا جۇمىس ىستەۋىنە تولىق جاعداي جاسالعان. سونداي-اق, ەلباسىنىڭ 200-دەن اسا كىتابى, نۇرسۇلتان ءابىش ۇلى تۋرالى جازىلعان زەرتتەۋ ەڭبەكتەر جەكە كىتاپحانا رەتىندە پروفەسسور-وقىتۋشىلار مەن ستۋدەنتتەر قاۋىمىنا قىزمەت كورسەتەتىن بولادى.
وسى ءىس-شاراعا ارنايى شاقىرىلعان فيلولوگيا عىلىمدارىنىڭ دوكتورى, پروفەسسور مىرزاتاي جولداسبەكوۆ, قر ۇعا اكادەميگى, حالىقارالىق «قازاق ءتىلى» قوعامىنىڭ پرەزيدەنتى ومىرزاق ايتباي ۇلى, فيلولوگيا عىلىمدارىنىڭ دوكتورى, پروفەسسور, ر.سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى ءابساتتار دەربىسالى, سونداي-اق, حالىقارالىق «الاش» سىيلىعىنىڭ يەگەرى, جازۋشى مارحابات بايعۇت, ينستيتۋت پروفەسسورى, تاريحشى عالىم ءسابيت جولداسوۆ مازمۇندى باياندامالار جاسادى.
«ءبىز تاريحىمىزدا باسىمىزدان نەبىر قيىندىقتاردى كەشكەن, سۇراپىل سوعىستاردى, جويقىن جورتۋىلداردى وتكەرگەن, سان رەت قيراپ, سان رەت بوي تۇزەگەن, تاريحتىڭ تاعدىرلى كوشى دەيتىن ۇزاق جولدا جاقسىنى دا, جاماندى دا كورگەن, سالتاناتتى ءومىر سۇرگەن, حاندارى التىن سارايلاردا دا تۇرعان, التىن تاقتا دا وتىرعان, ىرگەلەس ەلدەرمەن بەيبىت ءومىر سۇرە بىلگەن ەلمىز». وسىلاي دەپ ءسوزىن باستاعان مىرزاتاي جولداسبەكوۆتىڭ بايانداماسى تاريحي تولعانىس پەن بەرەكە-بىرلىككە ۇندەگەن ورلىك رۋحتا جالعاستى. الاۋىزدىق پەن يتارازدىق كوسەگەسىن كوگەرتپەگەن قازاقتىڭ باسىنان باعى ۇشقان قيلى زاماندارعا توقتالعان بايانداماشى بۇگىنگى مامىرا-جاي بەيبىت ومىرگە شۇكىرشىلىك جاساۋعا شاقىردى. تىڭدارماندارعا توبە ءبيىمىز تولە بي مەن حان ابىلايدى اھ كۇرسىندىرىپ, ارماندا كەتكىزگەن تاۋەلسىزدىككە ەلباسىمەن بىرگە جەتكەن ءار قازاق باقىتتى دەگەندى جەتكىزدى.
ومىرزاق ايتباي ۇلى كىتاپتا جيناقتالىپ بەرىلگەن دارىستەردىڭ وزەگىن ءبىلىم, عىلىم, يننوۆاتسيا, جاھاندانۋ, ينتەگراتسيا سەكىلدى وزەكتىلىگىن جويمايتىن دۇنيەلەر قۇرايتىندىعىنا توقتالىپ, اربىرىنە جەكە-جەكە تالداۋ جاسادى. «بۇگىنگى قازاقستان – الەمنىڭ ءتورت تارابىنا بىردەي اشىق, جاسامپازدىققا جانى قۇشتار, الدىنا ءورشىل ماقساتتار قويعان, مۇمكىندىگى مول ەل. جاڭا قازاقستاننىڭ قانداي بولماعى, قانداي ءمان مەن مازمۇنعا يە بولماعى بۇگىنگى جاستاردىڭ قولىندا. وي جەتكەن جەرگە قول دا جەتەتىنىن ەلباسىنىڭ كوتەرگەن باستامالارى مەن قول جەتكىزگەن جەتىستىكتەرى كورسەتىپ وتىر», – دەپ ويىن قورىتىندىلاعان ءتىل جاناشىرى, اكادەميك زالعا جينالعان ستۋدەنت جاستاردى وتاندى سۇيۋگە, قادىرلەۋگە ۇندەدى.
ءابساتتار دەربىسالى ەلباسىنىڭ قازاق عىلىمى ءۇشىن جاساعان قامقورلىقتارىنا توقتالدى. «مادەني مۇرا» جانە «تاريح تولقىنىنداعى حالىق» باعدارلامالارىنا سايكەس شەتەلدەردەن جيناپ اكەلگەن جاۋھار دۇنيەلەرىمەن جينالعانداردى تانىستىردى. ءال-ءفارابيدىڭ ايگىلى مۋزىكا تۋرالى ەڭبەگىنىڭ جالعىز داناسىن الا كەلگەن بايانداماشى قازىرگى تاڭدا تاعى دا 29 ءال-فارابي تابىلىپ وتىرعانىن جانە بۇنىڭ باعا جەتپەس مول قازىنا ەكەنىن جەتكىزدى. تۇركياعا بارعان ساپارىنان الا قايتقان رۋحاني ولجاسىن زەرتتەپ, زەردەلەۋ ماقساتىندا پەداگوگيكالىق ينستيتۋت ستۋدەنتتەرىن بىرلەسە جۇمىس جاساۋعا شاقىردى. وقۋ ورنىنىڭ باسشىسى وڭالباي اياشەۆتىڭ بىتىرۋشىلەر اراسىنان ون ستۋدەنتتى ءبىلىم گرانتى نەگىزىندە ءابساتتار دەربىسالى باسقاراتىن شىعىستانۋ ينستيتۋتىنا ماگيستراتۋراعا جىبەرۋگە شەشىم قابىلداعان حابارىن ستۋدەنت جاستار زور قۋانىشپەن قابىلدادى.
ەلباسى تۋرالى «ءسابي كۇلكىسى ساقتالعان كىسى» اتتى بەينەلى بايانداما جاساعان مارحابات بايعۇت مەملەكەت باسشىسىنىڭ كىسىلىك كەلبەتىن كوركەم كەستەلەدى.
«بۇگىنگى جاسالعان باياندامالاردىڭ تاقىرىبى تۇرلىشە بولعانىمەن, وزەك بولعان يدەيا جالعىز, ول – ەلباسى ەڭبەگى مەن قايراتكەرلىگى. ەلباسىنىڭ ءومىر مەكتەبى ءبىزدى العا جەتەلەيدى, ەڭبەكقورلىققا, ىزدەنىمپازدىققا باۋليدى. ءبىز مەملەكەت باسشىسىنان وتانعا دەگەن تەڭدەسى جوق وتانسۇيگىشتىكتى, جاۋاپكەرشىلىكتى, بىلىمگە قۇشتارلىقتى, جەتكىنشەكتەرگە دەگەن ماحابباتتى وزىمىزگە ۇلگى ەتەمىز جانە اتالعان قاسيەتتەرىن جوعارى قادىرلەيمىز», دەپ ينستيتۋت رەكتورى وڭالباي اياشەۆ جيىندى قورىتتى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
سۋرەتتەردى تۇسىرگەن ارمان ابدىراش ۇلى.