باتىس قازاقستان وبلىسىنىڭ ورال قالاسىندا جوعالعان تىكۇشاق تابىلدى. بۇل تۋرالى «24 kz» حابارلادى.
«روبينسون-44» تىكۇشاعى قالادان 20 شاقىرىم جەردەگى بەلەس اۋىلى ماڭىنداعى ەگىستىك القاپقا قۇلاعان ەكەن. تىكۇشاق ىشىندە بولعان ءوڭىر تۇرعىندارىنا تانىمال كاسىپكەر ۆلاديمير ۆولكوۆ پەن ونىڭ قاراماعاندىعى قىزمەتكەر گريگوري پوليانيچكو وقيعا ورنىندا قازا تاپتى.
بۇل اۋە كولىگى 12 قازاندا تاڭەرتەڭگىلىك ۆەتەلكي اۋىلىنداعى اۋەجايدان ۇشىپ شىققان. كەيىن ەدىلسور ماڭىنداعى كاسىپكەردىڭ جەكە اڭشىلىق شارۋاشىلىعىنا ايالداعان. ال كەلەسى كۇنى زايىبى كۇيەۋىمەن بايلانىسقا شىعا الماعاسىن, پوليتسيا بولىمىنە حابار بەرەدى. ولاردى ىزدەۋ سول كەزدە باستالىپ, وبلىستىق توتەنشە جاعداي دەپارتامەنتىنىڭ قۇتقارۋ جاساعى مەن اەروكلۋب قىزمەتكەرلەرى جۇمىلدىرىلدى. قازىر وسى وقيعاعا بايلانىستى قىلمىستىق ءىز قوزعالىپ, تەرگەۋ امالدارى جۇرگىزىلۋدە.
باقىتبەك كەنەش ۇلى.