بۇگىن, 16 قازان كۇنى اتىراۋ وبلىسىنىڭ مامانداندىرىلعان اۋدانارالىق قىلمىستىق سوتىندا سۋديا گۇلميرا داۋلەتوۆانىڭ توراعالىق ەتۋىمەن «اتىراۋ» ۆولەيبول كومانداسىنىڭ باسشىلىعىنا قاتىستى سوت ۇكىمى شىقتى. بۇل تۋرالى وبلىستىق سوتتىڭ ءباسپاسوز حاتشىسى بورانباي عاليەۆ حابارلادى.
«سوتتالۋشىلار دۇنيە-مۇلكىن تاركىلەۋمەن جانە 5 جىل مەرزىمگە مەملەكەتتىك قىزمەتتە لاۋازىمدىق جۇمىس ىستەۋ قۇقىعىمەن قاتار 8 جىلعا باس بوستاندىعىنان ايىرىلۋ جازاسىن الدى», - دەلىنگەن حابارلامادا.
ۇكىمگە ساي, كوماندانىڭ ديرەكتورى جەڭىسبەك مۇحانبەتجانوۆ قىلمىستىق كودەكستىڭ 235-بابى 3-بولىگىمەن (ۇيىمداسقان قىلمىستىق توپ قۇرۋ جانە ونى باسقارۋ ), 307-بابى 4-بولىگىمەن (قىزمەت وكىلەتتىگىن تەرىس پايدالانۋ) جانە 314-بابى 1-بولىگىمەن (قىزمەتتىك جالعاندىق جاساۋ ) كىنالى دەپ تانىلىپ, 8 جىلعا باس بوستاندىعىنان ايىرىلدى. ول جازاسىن قاتاڭ رەجىمدەگى كولونيادا وتەيدى, ال دۇنيە-مۇلكىن تاركىلەنەدى. كوماندانىڭ باس جاتتىقتىرۋشىسى الەكساندر زاپوۆالوۆ 235-باپتىڭ 3-بولىگىمەن (ۇيىمداسقان قىلمىستىق توپ قۇرۋ جانە ونى باسقارۋ ), 307-باپتىڭ 4-بولىگىمەن (قىزمەت وكىلەتتىگىن تەرىس پايدالانۋ) كىنالى دەپ تانىلىپ, 8 جىلعا باس بوستاندىعىنان ايىرىلدى. ونى دا جوعارىداعىداي تارتىپتەر كۇتىپ تۇر. باس ەسەپشى سۆەتلانا حاركينا كودەكستىڭ 235-بابى 3-بولىگىمەن (ۇيىمداسقان قىلمىستىق توپ قۇرۋ جانە ونى باسقارۋ ), 307-بابى 4-بولىگىمەن (قىزمەت وكىلەتتىگىن تەرىس پايدالانۋ) جانە 314-بابى 1-بولىگىمەن (قىزمەتتىك جالعاندىق جاساۋ ) كىنالى دەپ تانىلىپ, 8 جىلعا باس بوستاندىعىنان ايىرىلدى, جازاسىن قاتاڭ رەجىمدەگى كولونيادا وتەۋگە, دۇنيە-مۇلكىن تاركىلەۋگە جازالارى تاعايىندالدى. سول سياقتى س.حاركينانىڭ تاربيەلەنۋىندە كىشكەنتاي ءسابيى بولۋى سەبەپتى باس بوستاندىعىنان ايىرۋ جازاسى بالاسى 14 جاسقا تولعانعا دەيىن كەيىنگە شەگەرىلدى.
سوت ۇكىمى زاڭدى كۇشىنە ەنگەن جوق. ۇكىمگە ريزا ەمەس جاقتار 15 تاۋلىك ىشىندە اتىراۋ وبلىستىق سوتىنىڭ اپەللياتسيالىق القاسىنا شاعىم بەرە الادى.
قۇرىش نۇرىمبەت.